Қош келдің, жаңа жыл ертеңгілігі бастауышқа

Тақырыбы: Қош келдің, Жаңа жыл!

Жүргізуші:

Барлық жандар бір білікке қосқан үн,

Бақытты боп бастады жыл дастаның.

Қуанышпен келді той деп жаңа жыл

Құтты болсын жаңа бақыт достарым.

Жүргізуші:

-Құрметті балалар,ата-аналар,ұстаздар,қонақтар.Жаңа жыл мерекесіне арналған 1-4 сынып оқушыларының «Қош келдің, Жаңа жыл!»атты кешімізді бастауға рұқсат етіңіздер.

Жүргізуші:

-Құрметті жамағат алғашқы Жаңа жылдық құттықтау сөзді мектебіміздің директоры Күлшат.Жакенқызына береміз.

Хор:Аппақ ,аппақ жапалақтап.

Жүргізуші:

Бұрыннан болған екен Аяз ата

Тосады екен балалар қысқы уақытта

Ақшақарды қасына ертіп алып

Жер бетін шарлайды екен дамыл таппай

-Балалар,ортамызда кімдер жоқ?

-Олай болса бәріміз қосылып Аяз ата мен Ақшақарды ортаға шақырайық.

Балалар: -Аяз ата, Ақшақар,Аяз ата, Ақшақар,Аяз ата, Ақшақар.

Аяз ата мен Ақшақардың сөзі.

Жүргізуші:

-Аяз ата біздің шыршамыздың жарығы жанбай қалыпты, шыршамыздың шамын сиқырлы таяғыңызбен жағып жіберіңізші.

Жүргізуші:

-Аяз ата Ақшақар бізбен бірге ән шырқап ,би билеуге шақырамыз.

Хор: Қыс қызығы

Жүргізуші:

-Балалар ескі жылмен қоштасатын уақыт келді.Олай болса ескі жылды ортаға шақырайық.

Ескі жыл: (ит)

-Мен ескі жылмын сіздерге молшылық, бақыт әкелдім.Мына келер жылға айтар тілегім.

Қуанышты ортамыз сазға ұласқан

Тілегім болсын мәңгі ашық аспан

2019 жыл қадам басқан

Гүлденсін Отанымыз Қазақстан.

Келесі жыл бастауын доңызға берем.

Жаңа жыл: (доңыз)

-Сәлеметсіздер ме,кешіккен жоқпын ба,мен сондай асықтым,сондай жүгірдім,кешігем деп қатты қорықтым,уақытында жеттім бе?

Ескі жыл: (ит)

-Иә Жаңа жыл,сен дәл уақытында жеттін.Қош келдің доңыз жылы!Ал енді мен көп тұрмайын өздеріңмен қоштасатын кез келді қош сау болыңдар!

Балалар:

-Қош сау бол, Ескі жыл!

-Қош келдің Жаңа жыл!

Жүргізуші:

Ортамызға келіп жайғасыңыз Жаңа жыл.Қадамыңыз құтты болсын!

Тақпақтар: 1-2 сынып тақпақтары

Ән:Жаңа жыл. (3 сынып)

Би: Ұлдар биі.(4-сынып)

Көрініс:Шұбар тауық

Хор:Қыс қызығы

Ән:Аяз ата.Айбибі,Жанерке,Ділназ Ж.

Би: Өзбек биі.(1-сынып)

Көрініс:Қыт-қыттың сыры.

Ән:Жасыл желек жамылған. (2 сынып)

Хор:Зырлайды шанамыз.

Қорытынды.Балалар,Аяз ата бармаған әлі талай асулар бар.Сендер сияқты балалар күтіп отыр.Аяз атаны жіберейік.Ал балалар сендерге Аяз атаның әкелген сыйлығы бар екен,соны тапсырсын .Аяз ата сыйлық таратады.Балалар Аяз атамен қоштасады.

Жаңа жыл әрбіріңіздің отбасыңызға жаңа нұр,жаңа шуақ,табыс пен береке,қуанышпен мереке алып келсін.Жаңа жыл баршамыз үшін берекелі,мерекелі жыл болсын!.

Тыңдаңыздар,тыңдаңыздар!

Таңырқап тұрмаңыздар

Сәнді шырша шақырды,

Шырша жырын жырлаңыздар!(Ернұр )

2. Келді тағы Жаңа жыл,

Қуантумен біздерді

Құтты болсын қуаныш

Құттықтаймыз сіздерді!(Ерназар)

3. Қол ұстасып,құшақтасып

Үйренейік жаңа жыр

Құтты болсын

Құтты болсын жаңа жыл!(Сырым)

4. Жаңа жылды қарсы алып,

Барлық бала ән салып.

Ақшақар жүр би билеп,

Қол соғады барша жұрт(Елдос)

5. Қар жамылды күллі алап,

Жүрмедік біз құр қарап.

Бір топ бала бірлесіп,

Жасап алдық сырғанақ(Азамат)

6. Ақ мамыққа оранды,

Талдар менен шыршалар

Қыс келді деп қуанып,

Шықты ойынға балалар.(Абдулла)

7. Әдемілеп біз ілген

Ойыншықтар тізілген

Қандай әсем шыршамыз

Ән шырқайық баршамыз.(Әли)

8. Жылт-жылт еткен аппақ қар.

Қыста әбден шыныққан.

Шана,коньки,шаңғымен

Біз тонбаймыз суықтан.(Дінмұхаммед)

9.Ақ таяғын таянып,

Таңмен бірге оянып

Аяз ата келіп тұр

Ақ үрпіге оранып.(Асылхан)

10.Көрдің бе Аяз атаны?

Аппақ екен сақалы

Аппақ екен мұрты ды

Аппақ екен шапаны.(Әліби).

11.Ал балалар билейік ,

Ойнайық та ,күлейік

Аяз ата қуансын,

Доңғаланып жүрейік.(Нұрай)

12.Балалар мәз көңілді,

Айналада-аппақ қар.

Шаңғы,шана тебуді

Күттірмеді қатқақтар.(Аружан)

Тақырыбы: Қош келдің, Жаңа жыл!

Жүргізуші:

Барлық жандар бір білікке қосқан үн,

Бақытты боп бастады жыл дастаның.