Қош келдің жаңа жыл ертеңгілігі мектепке дейінгі балаларға

«Қош келдің, жаңа жыл»

Мақсаты: Балаларға жаңа жыл туралы түсінік беру. Аяз Ата сыйлық беретінін айтып, балаларды қуанышқа бөлеу. Шыршаның әсемдігіне назар аударып, ойыншықтардың әдемілігіне қызықтыру. Ертеңгілік барысында балаларды персонаждарға бөліп, өздері кейіпкерлендіруді ұсыну. Әндер, билер арқылы балаларды өнерге талпындыру. Өлеңдерді мәнермен айтып, ертеңгілікте достық сезімдерін ояту, ән, тақпақ арқылы сөздік қорын дамыту.

Ертеңгілік барысы: Зал іші әдемі безендірілген. Ортада әдемі шырша. Әсем әуенмен әдемі киінген балалар.

Жүргізуші: Құрметті балалар, ата-аналар, қонақтар! Жаңа жыл құтты болсын! Жаңа жыл құт береке әкелсін! Балаларыңызбен бірге бақытты болыңыздар!

Біздің «Қош келдің, жаңа жыл» ертеңгілімізге қош келдіңіздер!

Жүргізуші:

Жаңа жылдың таңы неткен арайлы

Ақ мамыққа бөлеп алды маңайды

Жаңа жылмен құттықтаймын бәріңді

Бақыт шаттық молшылық әкелсін

Бәрімізге мына жыл арайлы !

Құтты болсын ағайын

Жаңа жылың тағыда

Қол соғып қарсы алайық

«Құлыншақ» тобын ортаға.

Балалар келіп шыршаны айналып тұрады.

Музыка қосылады Сиқыршы шыр айналып кіреді.

Сиқыршы:

Жаңа жыл келді

Азаймасын ән мен жыр.

Ел көңілін көтерсін

Құтты болсын жаңа жыл!

Құттықтаймыз сіздерді!

Бәрекелді, жарайсыңдар! Қараңдаршы айнала неткен керемет әсем мына шыршамыздағы ойыншықтардың алуан түрлері бар екен Бәрімізде әп-әдемі жаңа жылдық киімдерімізді киіп жиналып қалыппыз. Бірақ шыршамыз көңілсіз қане менің сиқырлы таяғымның көмегімен ,сендердің әдемі сөздеріңмен шамын жағайық!

Бәрі: Қуант бізді таңырқат,

Шамдарыңды жарқырат! (3 рет)

Жүргізуші: Міне керемет,қол ұстасып әнімізді шырқайық!Жүргізуші: Ендеше шыршамызға тақпақтарымызды айтайық.

Тақпақтар:

Жанбол:

Ал балалар билейік,

Ойнайық та, күлейік,

Аяз ата қуансын,

Айналып біз жүрейік.

Нұрила:

Қашан келер ол енді,

Айтар едік өлеңді.

Жылдамырақ жетсе екен,

Бізге сыйлық берсе екен.

Равхат:

Әдемілеп біз ілген,

Ойыншықтар тізілген.

Қандай әсем шыршамыз,

Ән шырқайық бәріміз.

Жүргізуші: Балалар жарайсыңдар!

Айтыңдаршы жылда жаңа жылға бізге кім келуші еді?

Балалар: Аяз-ата, Аяз-ата, Аяз-ата, Ақша қар ау-у-у (3 рет)

Аю: Сәлеметсізбе! Жаңа жылдарыңмен

Мен қысқы ұйқыда болатынмын, қатты айқай шу, тасыр шошып ояндым,не болып қалды деп сұрап едім,бәрінің айтатындары бір-ақ сөз:Жаңа жыл келіп қалды ,жаңа жыл дейді .

Машаны іздеп осында болар деп келдім

Жүргізуші: Мәссаған ,балалар бұл кім?

Балалар: Аю

Жүргізуші: Иә, «Маша мен аю»мультфильмін сендер өте жақсы көресіңдер ғой. Бірақ біз Аяз-атаны шақырдық қой ,аюды емес…

Балалар: Иә

(Осы кезде Маша келеді шыршаға таңырқап)

Маша: Керемет деп шыршаның астында қорапты тауып алады Аю лезде келіп Машаны көтеріп алады.

Аю: -Әрең таптым-ау,сені қасқыр жеп қойған шығар деп едім. (Кетіп бара жатып)

Жүргізуші: Тоқтаңыздар ,кетпеңіздер бізбен бірге болыңыздар!

Екеуі қуанып балалардың жанына келеді.

Жүргізуші:

Айта берсек таусылмас

Жаңа жылды жаңа жыр

Кел оданда қалайық

Ойын ойнайық жаңа бір

Ойын: «Байпақ»

Шарты: 2 ойыншы 2 сыңарды бөліп алады Біреуі оң біреуі сол аяғыныкін киеді де, әуенмен билеп, шыршаны айналып ортаға бірінші жету керек.

Алдымен ата-аналар,сонан соң балалар

Аяз ата ата-аналар да балалар мықты екен.

Жүргізуші: Жарайсыңдар, ата аналар, балалар орнымыға жайғасайық.

-Ой балалар ,шыршамызға Аяз-ата мен Ақшақар жетіспейді

Бәрі: Қоңырау үні сыңғырла

Аяз-ата, Ақшақар!

Біз сендерді сағындық.

Тез келіңдер ортаға,

Аяз-ата, Ақша қар! (3 рет)

Ортаға Аяз атамен Ақшақар келеді.

Аяз-ата: Құтты болсын жаңа жыл!