Қош келдің, Жаңа жыл, мектепалды мерекелік шарасы

«Қош келдің, Жаңа жыл!»

Мақсаты:Балаларға мерекелік көңіл-күй тудыру, шыршаның қалай әдемі де сәнді безендірілгеніне, балалардың, Аяз Атаның, Ақшақардың, карнавалдық киімдеріне назар аударту; көңілді ойындар ойнату, достық қарым-қатынас ояту; бірлескен ойындар ойнату.

Қатысушылар:Жүргізуші, Аяз Ата, Ақшақар, Қоян, Клоун, балалар, ата-аналар, ұстаздар.

Музыка ойнап тұрады.

Жүргізуші: (жүргізушінің дауысы тыс жерден шығады). Тезірек, тездетіп мында жиналыңдар. Басталады жаңа жылдық шырша той. Ән де бар, би де бар, асығыңдар, шырша жанында қонақтарды қарсы алыңдар. Аяз ата шақырғанның бірі дағы қалмайды. Басталады, басталады жаңа жылдық шырша той! Шырша тойына келген балғындарды қарсы алайық! (қол шапалақтау, балалар екі-екіден кіреді).

Жүргізуші:Армысыздар, аяулы ұстаздар, ата-аналар! Сәлеметсіздер ме, балалар. Сендер бүгін сәнді киініп, әдемі болып кетіпсіңдер. Мына жерде орман аңдары, сүйікті ертегілеріміздің кейіпкерлері де жетіпті. Ал, бүгін балалар, қандай мереке?

Балалар:Жаңа жыл!

Жүргізуші:Балалар бүгін біз Жаңа жылды қарсы алуға жиналдық. Келіңдер, сән құрып тұрып, қол ұстасып жүріп, ән салайық.

Ән: «Аппақ, аппақ жапалақтап»

Жүргізуші:Балалар, ортамыздағы әсем не?

Балалар:Шырша!

Жүргізуші:Шыршамыз қандай әдемі! Ойыншқтары неткен көп! Ал, кім бізге шыршаға арналған тақпақтарын айтып береді екен?

1-бала:Өлең де әзір, ән әзір,

Ойын да әзір, бәрі әзір,

Кел, Жаңа жыл біздерге

Кел Жаңа жыл, Жаңа жыл.

2-бала:Жасыл желек жамылған,

Асыл моншақ тағылған

Міне, сұлу шыршамыз

Көптен күтіп сағыгған.

3-бала:Жылдың әсем бұл шағы,

Шыр айналдық шыршаны.

Шоқ жұлдыздай көктегі

Шыныны қағып тұр шамы.

4-бала:Жүзімізге күлкі ойнап,

Қанаттанды жанымыз

Жаңа жылды біз тойлап

Шаттанамыз бәріміз.

5-бала:Тамаша, тамаша,

Шыршамыз тұр жараса.

Басында әсем жұлдызы

Көз тоймайды қараса.

6-бала:Қыс қызығы тамаша

Ойнаймыз біз таласа

Думанымыз жалғассын

Жаңа жылға тамаша!

Жүргізуші:Жарайсыңдар,қандай жақсы тақпақтар! (шыршаның жанына жақын келіп) бәрекелді, қараңдар, балалар шыршаның астында бірдеңе тұр. Сыйлықтар! Сыйлық алу қандай тамаша, келіңдер, балалар сыйлықты ашып көрейік. (көңілді муз. Ойнайды. Қорапты ашады. Оның ішінен клоун атып шығады.)

Клоун:Амансыңдар ма, балалар! Иә, бұл менмін. Мені ораудан алып шыққандарың қандай жақсы болды! Ол жерде тар, әрі қап-қараңғы. Ал, мұнда сондай тамаша екен. Мен де сендермен жаңа жылды қарсы алайыншы. Сендермен бірге қызықты ойынды ойнайыншы.

Ән: «Жаңа жыл»орындайтын:

Жүргізуші: Балалар, бізде шыршамыз бар, әдемі киінген балаларымыз бар, ата-аналарымыз, көрермендеріміз де бар екен, енді біздің жаңа жылдық мерекемізге кім жетпейді?

Балалар:Аяз ата, Ақшақар.

Жүрізуші:Кәне, онда Аяз атаны шақырайық. Бар дауыспен айқайлайық.

Балалар:Аяз ата. Аяз ата. (деп 2 рет айтқанда, есік ашыладыда Қоян кіріп келеді.)

Қоян: Ойбай түрлерін қара!Неге тамақтарыңды жыртып жатырсыңдар?!

Жүргізуші:Ал, сен неге амандаспайсың? Әдепті адам алдымен амандасып аладаы дегенді білмейсің бе?

Қоян:Білсем бұйырмасын?

Жүргізуші:Мұны тіпті мына бүлдіршіндерімізде біледі. Ал, саған тіпті ұят. Саған ешкім үйреткен жоқ па?

Қоян:Жоқ.

Жүргізуші:Сен өзі қайдан шықтың? Біз Аяз атаны шақырып едік қой?!

Қоян:Ал, мені мерекеге неге шақырмайсыңдар?Аяз ата седерге бәрібір келмейді, өйткені мен ормандағы жол көрсететін белгіні алып тастадым. Енді ол жол таба алмайды ха-ха-ха.

Жүргізуші:Сен неге олай еттің? Аяз ата, Ақшақарсыз қандай жаңа жыл келмек?

Қоян:Ә, бәлем солай ме екен? (осы кезде боранның гуілдеген дыбысы естіледі. Қоян тоңа бастайды да, біреулердің астына кіріп, ата-аналарға тығылып, соңында шыршаның тығыла бастайды.)

Алыстан Аяз атаның дауысы естіледі.

Жүргізуші:Аяз ата, Ақшақар келе жатыр ғой деймін, шақырайық, қол соғайық, болған қиындықтарды ұмытайық.

Балалар:Аяз ата, Ақшақар!

Аяз Ата:Сәлеметсіңдер ме, балалар,

Балаларым балғыным,

Өмір гүлі шалғыным.

Тілегенім жыл бойы

Сендердің денсаулығың.

Амансыңдар ма, балаларым!

Жаңа жылдарың құтты болсын!

Сендерді көргеніме сондай бақыттымын!

Жүргізуші:Балалар, мына шыршамыз көңілсіз тұрған сияқты ғой. Кәне, сиқырлы сөздерімізбен оның шамдарын жарқыратайық! Аяз ата бізге көмектесесіз бе?

Қуант бізді, таңырқат шамдарыңды жарқырат. (3 рет айту керек).

Шырша жарқырайды.

Би:Шырша биі.

Аяз ата: Қандай тамаша! Шыршамызда әр түрлі шамдар жанып тұр, балаларымыз өте көңілді.Балалар сонда менің қарша қызым қайда жүр екен. Ол әлі бізге келмеді ма? Кім тауып береді екен маған?

:Келді міне, жаңа жыл,

Қарсы алайық бәріміз.

Күліп, ойнап, би билеп

Ән салайық бәріміз.

:Жаңа жыл, жаңа жыл,

Жаңа жылда жаңа жыр.

Жасыл шырша жанында

Билеп барлық бала жүр.

Диана:Армысыздар, халайық,

Бармысыздар, халайық.

Жаңа жылды жұп жазбай,

Құттықтаймыз сіздерді.

Келді тағы Жаңа жыл,

Қуантумен біздерді.

Құтты болсын қуаныш.

Құттықтаймыз сіздерді.

:Тамаша, тамаша,

Шышамыз тұр жараса.

Басында әсем жұлдызы

Көз тоймайды қараса.

Би:Клоун биі.

:Аппақ тонға оранып,

Базарлықты мол алып.

Келді алыс сапардан

Аяз ата оралып.

:Әкелсін жыл, ырыс құт,

Әлемде болсын тыныштық.

Ән салайық тамаша

Би билейік жаңаша.

:аппақ қыстың бояуы,

Аппақ қыстың бораны

Ақ көрпеге орайды

Ақ қар байтақ даланы,

Аяз шымшып даланы

Ақ құшағын жаяды.

:Аспан жерге төгеді,

Ақ күмісін уыстап

Жаңа жылда келеді

Бізге қарай жылыстап.

:Тамаша сый алып,

Келді Аяз атамыз

Шаттанып, қуанып

Шырқап ән айтамыз.

Аяз ата:Бәрекелді, бәрекелді. Менің Ақшақарым қазір келіп қалар, мынадай тақпақтардан кейін кідірмес. Клоун балам тақпақ айтқан балаларға сыйлықтарын берейік.

Жүргізуші:Аяз ата, мен де жұмбақтап жіберсем қайтеді?!

Ертегідей орманнан,

Көктей өтіп келеді,

Сұңқар бойлы бір сұлу