Қош келдің, Жаңа жыл! Мектепке дейінгі мерекелік жоспар

Ақмола обылысы Ерейментау ауданы Еркіншілік

«Еркетай» бөбекжай бақшасы МКҚК

Ертеңгілік іс шара

Тақырыбы: «Қош келдің Жаңа жыл»

Дайындаған: Төлеген Мартгүл

Тақырыбы: «Қош келдің Жаңа жыл!»

Мақсаты: Балаларға Жаңа жыл мерекесі туралы түсініктерін қалыптастыру. Әсем, әдемі безендірілген шыршаның жарқыраған шамдары мен түрлі - түсті ойыншықтар , әдемі көріністерді тамашалау арқылы қоршаған ортаға қызығушылықтарын арттыру. Балалардың өз өнерлерін көрсету арқылы шығармашылық қабілеттерін арттыру.

Қатысушылар: Жүргізуші, Аяз ата, Ақшақар, аң патшасы арыстан, түлкі ,дәрігер, папуастар, сайқымазақтар, ормандағы жануарлар,

Сенарийдің барысы: Мерекеге сай залдың іші әдемі безендірілген. Әсем әуенмен жүргізуші залға кіреді.

Жүргізуші: Қағып тұр Жаңа Жыл кеп есігіңді, Болмайды той-думанның кеші мұңды. Жаратқан түгел қылып берсін сенің Бақыт пен ырысыңды, несібеңді! Ашылып ғасырдың бір ақ парағы, Өзіңе Қыдыр дарып, бақ қарады. Жаңа Жыл ырысты Жыл болып кірсін, Табысқа бастап сені асқаралы!

Жаңа жыл жаңа бақыт сыйласын, Көгімізде бақыт рухы самғасын Төгілтіңдер жаңа жылдың жақсы әнін Қуанышпен арайлансын ақ таңың

Жүргізуші: Шағын қойылым!

Ерте ерте ертеде аң патшасы арыстан «Еркетай балабақшасында Жаңа жыл кеші болады» - деп естиді. Жаңа жылды бірге тойлатпақ болып, мерекелік кешке қонақтардан бұрын келеді. Бірақ, шыршаны айналып мазасы кеткен арыстанның көңіл күйі болмайды. Өзінің айбарлы дауысыммен былай дейді:

Арыстан: - Тісім, тісім – ай мерекені қалай қарсы аламын? Енді не істесем болады? Егер менің тісім емделмесе мерекені болғызбаймын.

Түлкі: - Арыстан мырза, сізге қандай көмегім керек?

Арыстан: - Қалай болсада менің тісімді емдейтін көңілімді көтеретін бір нәрсе ойластыр.

Түлкі: Таптым. Жаңа бір топ Африкадан келген папуастарды көрдім. Олар мерекенің қайда болатының таба алмай жүр.Бәлкім,сіздің тісіңізді және көңілінізді солар көтеретін шығар?

Арыстан: - Бар шақырып кел!

Би: «Чунга – чанга»

Жүргізуші: Африкадан келген папуастармен арыстан мен түлкі билеп көңілдерін көтереді. Біраздан соң арыстан тағыда ашуға булықты.

Арыстан: - Тісім әлі ауырып тұр. Түлкі, сенің бұл ісің жүзеге аспады. Менің тісім емделу үшін бір амалын тап.

Жүргізуші: Түлкі арыстанның тісінің емделуі үшін амал іздеп жолға шығады.

Жүргізуші: Арыстан, сенің тісіңді бізге келген қонақтар емдеп жазатын шығар? Ата – аналармен ойын ойнағың келеме? Ол өте қызықты ойын ! Барлық қонақтардың көңілі көтеріледі!

Ойын: «Кім жылдам»

Түлкі: Мырзам, мырзам сіздің көңіліңізді көтеретін амал таптым. Сайқымазтар олар өте тапқырлар! Кез-келген мәселені шешеді.

Би: «Сайқымазақтар»

Жүргізуші: Арыстанның тағыда мазасы болмады. Арыстан, мүмкін сенің тісіңді Жаңа жыл кешінің қонағы Аяз ата мен Ақшақар емдеп жазатын шығар! Аяз ата мен Ақшақарды шақырсақ қалай қарайсың? Балалар, қане бәріміз дауыстап Аяз ата мен Ақшарды шақырайықшы!

Балалар: Аяз Ата ! Ақшақар! Аяз Ата ! Ақшақар! Аяз Ата ! Ақшақар!

Жүргізуші: Тыңдаңдаршы балалар, сықырлаған қардың үні естілетін сияқты? Көңілді әуенмен топқа Аяз ата мен Ақшақар кіреді.

Аяз ата: Армысыздар, қадірлі қонақтарым,

Армысыңдар, сүйкімді құлындарым!?

Қандай әсем жүздерін,

Балдай тәтті тілдерің!

Сендермен бірге тойлайын деп

Жаңа жылды алып келдім,

Ақ шырақты жағып келдім!

Бүлдіршіндерге арнайы әзірлеген,

Тәтті сыйлығымды алып келдім!

Жүргізуші: Аяз Ата жаңа жыл кешімізді бастайық десек арыстаның тісі аурып, мазасы болмай тұр біз қолымыздан келгенің бәрін жасадық, одан ештеңе шықпады мүмкін сіз көмектесесіз?

Аяз Ата: Менің бір керемет жақсы дәрігер досым бар! Оның қолынан бәрі келеді, сол дәргерді шақырайық.Аяз Ата дәргерге қоңырау шалып болған жағдайды түсіндіреді.

Жүргізуші:Жеделжәрдемнің көмегімен арыстанымыздың тісі емделеді.Арыстанның көңілі көтеріліп, Жаңа жыл кешін әрі қарай жалғастыруға рұқсат береді.