Қош келдің, жаңа жыл мерекелік сценарийі

«Қош келдің, Жаңа жылым, еліме!»

Би:«Шаңырақ» биі.

Фанфары ойнайды.

Жүргізуші:

Жасыл желек жамылған,

Асыл моншақ тағылған,

Miнe, сұлу шыршамыз,

Көптен күтіп, сағынған! ей келе ортаға МАД тобының тәрбиеленушілері мен 1-4 сынып аралығындағы оқушыларды шақырамыз.

Жаңа жылдық музыка қою.

(Жаңа жылдық әуенге балалар қол ұстасып мерекелік залға кіреді, шыршаны айналып орындарына жайғасады)

Жүргізуші: Жаңа жыл мерекесімен құттықтау үшін сөз кезегі мектеп директоры А.Е.Тасболатоваға беріледі.

«Санта клаустар» биі (1-сынып)

1 кейіпкер (түлкі):

Уа, халайық жараңдар,

Айналаға қараңдар!

Жаңа жылдық бұл тойға,

Шақырамыз қол соға!

2 кейіпкер (үкі):

Қайырлы күн, құрметті ұстаздар, оқушылар, ата-аналар!

Сіздерді келе жатқан жаңа 2018 жылмен құттықтаймыз!

Жаңа жылда көтеріңкі көңіл - күй, зор денсаулық, сәттілік және бақыт тілейміз.

Жүргізуші:

Олай болса, бұл не тұрыс?

Жаңа жылға арналған мерекемізді бастайық!

«Құтты болсын, құтты болсын» хоровод.

1 кейіпкер (түлкі):

Қымбатты қонақтар, бүгінгі жаңа жылдық мерекемізді барлығымыз көтеріңкі көңіл – күймен, әсем әнмен, сәнді бимен өткізуге ат салысайық!

2 кейіпкер (үкі):

Ендеше, кім де кім бар дауыспен ән салса,

Кім де кім шаршағанша билесе,

Кім де кім қалыспай ойындарға қатысса,

Соған, Аяз атаның сыйлығы бар екен.

Жүргізуші: (кричалка)

Олай болса, балалар,

Бар дауыспен ән шырқаймыз ба? (ШЫРҚАЙМЫЗ)

Шаршағанша билейміз бе? (БИЛЕЙМІЗ)

Бүгінгі мерекеде тәртіп бұзып, тентек боламыз ба? (БОЛМАЙМЫЗ)

Құмарымыз қанғанша ойын ойнаймыз ба?(ОЙНАЙМЫЗ)

Бәрекелді, олай болса, мерекемізді бастаймыз! (БАСТАЙМЫЗ)

Жүргізуші:

Балалар, енді, әдеттегідей жаңа жыл мерекесін жүргізу үшін бір нәрсе жетіспей тұрған сияқты. Қалай ойлайсыңдар, ол не?

Әрине, Аяз ата мен Ақшақар жетіспей тұр. Олар біздің мектепті таба алмай жүрген болар. Кәнеки, бар дауыспен оларды шақырып көрейік, бәлкім, естіп келіп қалар.

Естімей жатыр, тым алыста болар. Кәне, бейне бақылаудан қарап көрейік.

(Экранға назар аудару) Аяз ата мен Ақшақардың жолда бара жатқанын көрсету)

Жүргізуші:

Әне-әне келе жатыр екен, кәне бар дауыспен шақырайық.

(Балалар дауыстап шақырады, боран соғады, залға қарша қыздар кіріп билейді, Аяз атаға жол ашып, жерге қалықтап қонады)

«ҚАРШАЛАР БИІ» 4 сынып

(Аяз ата шанасын сүйретіп Ақшақармен залға кіреді.)

Аяз ата:

Ассалаумағалейкум,

жұртым, жиналған!

Көңілдерің дүр маржан!

Айналайын ұлдардан,

Айналайын қыздардан!

Аяз атаң мен Ақшақар

Келді, мінеки, алыстан!

Жүргізуші:

Бәрекелді, алақай, Аяз ата мен Ақшақар келді, қол соғып, қошеметтеп, сәлемдесейік баршамыз! (Барлығы сәлемдеседі)

Ақшақар:

Сәлем бердім баршаға,

Сіздермен қауышқаныма қуана!

Неткен нұрлы жүздерің,

Неткен сұлу шыршаларың!

Бірақ, ата, қараңызшы,

Шырша шамдары жанбаған.

Аяз ата:

О, не дегенің қызым!?

Шыршаны шамын жағамыз,

сиқырлы сөзді айтып,

шыршаны лезде жайнатамыз!

Кәнеки, балалар, бәріміз бір дауыспен :

Шырша, шырша таңырқат,

Шыршамызды жарқырат! – дейік. 1,2,3!

Шырша, шырша таңырқат,

Шыршамызды жарқырат!

ШЫРША ШАМДАРЫ ЖАНАДЫ. (музыка қосу)

Ақшақар:

Таң қалдырып баршаны,

Шыршамыз жарқырап жайнады.

Құбылтып, құлпыртып айналаны

Сиқырлы сәулелер жан-жаққа тарады.

Кәнеки, бәріміз қол ұстасып, сұлу шыршаны айналып ән шырқайық!

Хоровод: «Тауда туып, тауда өскен»

Аяз ата:

Бәрекелді, тамаша! Әнді керемет шырқадыңдар, жарайсыңдар! Енді өздерің көріп тұрғандай құр алақан емеспіз, Ақшақар екеуіміз сендерге арнаған сый-сияпаттарымыз бар. Кәне, қызым, мына бүлдіршіндерді қуантып ең негізгі сыйлығымды әпере ғой, баршаға табыстайық.

Ақшақар:

Ой, ата, ол сыйлық мұнда жоқ.Ол қайда? Бағана болған.

Аяз ата:

Қой, дұрыстап қарадың ба? Енді қайттік?

Ақшақар:

Дұрыстап қарадым, мұнда жоқ. Енді қайттік? Онсыз жаңа жыл келмейтін болды ғой, ата -деп жылайды.

Аяз ата:

Қой, жылама, қызым, бір амалын табамыз.Балалар, сендер көрген жоқсыңдар ма?

Балалар:

Жоқ, көрген жоқпыз.

Жүргізуші:

Қанеки балалар, жаңа жылды бастау үшін сыйлығымызды тауып алайық.

(Осы кезде Маша шыршалар арасында сыйлығын қызықтап әндетіп, билеп жүреді.)

Ақшақар:

Ата, әне Маша! Сыйлықта сонда екен, ұстаңдар оны!

(Маша балаларды көріп, қаша жөнеледі)

Маша:

Миша, Миша құтқар!

Миша:

Не болды? Мәссаған! Аяз ата мен Ақшақар және мына тұрған барлық бала сені қуып келді ме? Не үшін?

Ақшақар: