Қотыр торғай ертегісін сахналау мектепалды даярлық тобы

Ұйымдастырылған оқу іс-әрекетінің технологиялық картасы.

Күні:27.11.2016. Білім беру саласы: Қатынас . Бөлімі: Тіл дамыту Тақырыбы:Менің сүйікті ертегім.«Қотыр торғай» қазақ халық ертегісі

Мақсаты:Ертегімазмұнын әңгімелеуге үйрету.

Міндеттері:

Білімділік:ертегіні сахналату арқылы тіл байлықтарын жетілдіру,сөйлесу барысында сұрақ қойып,оған дұрыс жауап беруге,сөздерді орнымен қолдана білуге жаттықтыру.

Дамытушылық: ертегі тыңдауға деген қызығушылықтарын ояту,қиялдарын дамыту,жұмбақ шешкізу арқылы ой-өрістерін кеңейту

Тәрбиелеушілік:ақылды болуға,әр істі ойланып істеуге тәрбиелеу.

Алдын ала жұмыс:ертегі суреттерінен слайд жасау,жұмбақ жасыруға,сахналауға арнап ертегі кейіпкерлерінің суреттерін дайындау.

Сөздік жұмыс:шеңгел,жабағы,қоспа,жүн иіру,құйын. Құрал жабдықтар,көрнекіліктер:ертегі суреттерінен слайд,үнтаспаға жазылған «Ертегілер» әні,жұмбақ жасыруға,сахналауға арнап ертегі кейіпкерлерінің суреттері.

Әрекет кезеңдері

Педагогтың іс-әрекеті

Баланың іс-әрекеті

Мотивациялық-қозғаушы.

(кіріспе бөлім)

Ұйымдастыру кезеңі.

Кіріспе

1.Жылулық шеңбері.

- Балалар біз бүгін ертегілер әлеміне саяхатқа шығамыз.

Үнтаспадан «Ертегілер» әні ақырын ойналып тұрады,теледидарданDVD арқылы таныс ертегі суреттерінен слайд көрсетуді бастайды,әр суреттің қай ертегіден екенін тапқызады.

Жылулық шеңберіне тұрып,бір-біріне жақсы тілектер айтады.

Үнтаспадан «Ертегілер» әнін тыңдап,слайд көреді.Суреттердің қай ертегіден екенін табады.

Іздену-ұйымдастырушылық.

(негізгі бөлім)

Жаңа тақырып

-Жарайсыңдар,қаншама көп ертегі білетіндеріңді көрсеттіңдер.Бүгін тағы бір ертегімен танысамыз.Мен айтқан өленнің ұйқасын тапсаңдар,ертегінің не туралы екенін білесіңдер.

Қар жауса да тоңбайды,

Қолыма кеп қонбайды.

Кіп-кішкентай,сүйкімді

Аялаңдар ...

(Г.Абдрахимова)

-Дұрыс таптыңдар,бүгінгі тыңдайтын ертегіміз торғай туралы.Ертегіміз «Қотыр торғай» деп аталады.

Ертегіні оқып береді,түсініксіз сөздердің

мағынасын түсіндіреді.

Мазмұны бойынша сұрақтар қояды:

-Ертегі не туралы екен?

-Торғай шеңгелге неліктен ренжіді?

-Ең бірінші кімге барды?

- Ең соңынан кімге барды?

Дәптермен жұмыс.

-Мен сендерге ертегіні тағы да бір рет айтып беремін,сендер дәптердегі суреттерге қарап отырып тыңдаңдар.

Ертегіні екінші рет айтып береді.

Дәптердегі сурет бойынша ертегінің мазмұнын балаларға айтқызады.

Сергіту жаттығуы

Ойын бұрышына бастап барып, «Қасқыр қақпан» ойынын ойнатады.

Қане,қатар тұрайық,

Қасқыр қақпан құрайық,

Қасқыр, қасқыр, келіп көр,

Қақпан,қақпан қауып көр.

Ертегіні сахналау

Басқа киюге дайындалған ертегі кейіпкерлерінің суреттерін балаларға таратып беріп,ертегіні сахналатады.

Тыныс алу жаттығуы. «Мен құйынмын»

Мен құйынмын, құйынмын,

Шаң,тозаңды үйірдім.

ү-ү-ү-ү-ү-ф

Кездескеннің барлығын

Ұшырам деп шүйілдім.

ү-ү-ү-ү-ү-ф

(Г.Абдрахимова)