Қуаныш жан шуағы өзін-өзі тану сабағы

Сабақтың тақырыбы: Қуаныш-жан шуағы.

Қуаныш-өмір шаттығы.

Халық даналығы.

Оқыту мен тәрбиелеудің міндеттері:

* Қуаныш сезімінің адам өміріндегі мәнін түсіндіру мәнін түсіндіру;

* Өзара жағымды қарым-қатынас жасау іскерліктерін дамыту;

* Мейірімділікке тәрбиелеу.

Мақсаты: Оқушылардың «бақыт», «сыйластық», «махаббат» құндылықтары туралы түсініктерін кеңейту.

Көрнекі құралдар: оқулық,үнтаспа,қағаздан жасалған күн шуақтары.

Шаттық шеңбері Оқушылар шеңбер құрып тұрады,бір-бірімен сәлемдеседі.Барлығы қосылып «Кел,балалар күлейік» әнән айтады.

Мәтінмен жұмыс Сабақтың тақырыбының мәнін түсіндіру мақсатында әңгімелеу ұйымдастырылады. В.А.Сухомлинскийдің «Балалардың көз қуанышы» мәтінін үнтаспадан тыңдатуға болады.

Ойын-жаттығу Жоғарыда айтылған ойды бекіте түсу мақсатында «Көршіңе қуаныш сыйла»атты ойын ұйымдастарылады.

Мәтінмен жұмыс Оқушылардың адамдармен жағымды қарым-қатынастарын дамыту мақсатында төменде ұсынылған өлең мәтіні арқылы әңгімелеу жүргізіледі. Е.Ашықбаевтың «Қуаныш» өлеңін балалар мәнерлеп оқиды.Балалардың пікірлері сұрақтардың жауабы арқылы талқыланады:

* Адамды,айналаңды,қай уақытта,қандай жағдайда болмасын қуантуға бола ма?

* Сендер өз ойларыңнан сондай әрекеттерді байқадыңдар ма?

* Естеріңе түсіріп айтып беріңдер.

Сергіту сәті Оқушылардың көңіл күйін көтеру және денесін сергіту үшін сергіту сәті ұйымдастырылады.Балалар өлең жолдарының мазмұнына сәйкес дауыс ырғағына келтіріп,қимылдар жасайды.

Шаршадым «Уһ!»дедім, Шарасыз «Еһ!»,

Ренжідім «Туһ!»дедім, Таңырқап «О!»

Қорықтым «Ой!» дедім, Кейідім «И!»дедім,

Өкіндім «Аһ!» дедім, Біліп ап «Е!» дедім,

Қуанып «Ха-ха-ха!» дедім.

Дәйексөз Балалардың жауаптары дәйексөздің түсіндірілуімен толықтырылады.

-Күлімдеп,ақжарқын жүретін адамның көңіл күйі үнемі жоғары болады. Ал ондай көңіл күй жаныңды сау етеді.Жаның сау болса денің сау болады.Денің сау болса жақсы еңбек ете аласың.Жақсы еңбектің нәтижесінде адамдар бақытты молшылықта өмір сүреді.Сол себепті де халық даналығында «Қуаныш-Өмір шаттығы»-деп айтқан болатын.

Дәптермен жұмыс.

Дәптерде берілген күннің шуақтарына естеріңде ұзақ сақталған қуанышты күндерін жазу.

Қорытындылау.

-Күлімдеу,адамдарға қуаныш сыйлай білу-өзіңнің де ,олардың да өмір жасын ұзартып,денсаулығын жақсартады.Барлық адамдармен күліп амандасу,үнемі ақжарқын жүру,мүмкіндігінше айналаңа қуаныш сыйлау-асыл қасиет.

Жүректен-жүрекке.

Балалар жұптасып дөңгелене тұрады.Жұптасқан балалар бір-бірінің алақанын алақына тосады,содан соң оң жақта тұрған бала көршісіне ,сол жақтағы бала сол жақтағы көршісіне алақанын тосады.Бәрі қол ұстасады,қолдарын жоғары көтереді де, күннің шуағын құрайды.Бәрі қосылып мына өлең жолдарын айтады:

Біз қандаймыз,қандаймыз.

Шұғылалы таңдаймыз!