Құқық бұзушылық деген не құқық сағаты 4 сынып

Күні:29.09.2016 жыл

Тақырыбы: Құқық бұзушылық деген не?

Мақсаты: а)Оқушылардың құқықтық білімдерін тереңдету

б )Заң алдындағы жауапкершілікті арттыру, ұйымшылдық пен тәртіптіліктің тиімді жолдарын таба білуге баулу

в)адамгершілікке, құқықтық сауаттылыққа тәрбиелеу.

Түрі: әңгімелеу

Көрнекілігі:: Ата Заң, тәртіп туралы нақыл сөздер, Қазақстан Республикасындағы баланың құқықтары туралы Заңы

Сабақ барысы:

I Ұйымдастыру кезеңі.

II Талқылау, пікір алмасу кезеңі.

IІI Қорыту кезеңі.

Барысы: Ұйымдастыру кезеңі

Мейірімді жүрекпен, Ақпейілді тілекпен, Амандасып алайық, Бір жадырап қалайық!

Жетекші сұрақтар:

1. Құқық деген не?

2. Сенің қандай құқықтарың бар деп ойлайсың?

3. Құқық бұзушылық деген не?

4. Құқық бұзушылық үшін неше жастан бастап заңмен жазаға тартылады?

Мәлімет:

Қазақстан Республикасында бала құқықтары негізгі ата заң Конституциямен және “ҚР баланың құқықтары туралы” заңымен қорғалады.

ҚР Конституциясы 1995 жылдың 30 тамызында қабылданса, “ҚР баланың құқықтары туралы” заңы 2002 жылдың 1 қыркүйегінде бекітілген

Құқық бұзушылық – мемлекет, қоғам заңдарына қайшы келетін әрекеттерге бару, жасау. Құқық бұзушылық - жеке адамның құқығын, ар- намысын аяққа басу деген сөз.

Құқық бұзушылық қылмысқа итереді. Қылмыс – қоғамға қауіпті әрекет. Ол көп жағдайда жеке адамға қарсы жасалады. Қылмыс қасақана немесе байқаусызда жасалуы мүмкін.

Қылмыстық жауапкершілік 14 жастан бастап қолданылады. 14 жастан бастап қылмыстың кісі өлтіру; денсаулығына зиян келтіру; әйел зорлау; тонау; ұрлау; бұзақылықтың ауыр түрін жасау; мемлекеттік немесе жеке меншіктік мүлікті жою; қаруды, әскери оқ- дәріні ұстау; адам ұрлау; қорқыту; терроризм; аманаттыққа тұтқындау; вандализм; уландырғыш заттарды ұрлау т. б. түрлері үшін жауапқа тартылады.

Ал 16 жасқа толған жасөспірім кез келген қылмысы үшін жауапқа тартылады.

Қорытындылау