Құқық бұзушылықтың алдын алу ойындары 9 сынып

№2 мамандандырылған үш тілде оқытатын

мектеп- интернаты

САЙЫС САБАҚ

Тақырыбы: Жасөспірімдер арасындағы құқық бұзушылықтың алдын алу

Сыныбы: 9б

Шымкент 2019ж.

8.02.2019ж. Сыныбы: 9б

Тақырыбы: Жасөспірімдер арасындағы құқық бұзушылықтың алдын алу

Мақсаты:

Білімділік: Оқушылардың құқықтық білімдерін тексере отырып, заң алдындағы жауапкершіліктерін арттыру, ұйымшылық пен тәртіптіліктің тиімді жолын сын сәтте таба білу арқылы жеңіске жету, алдына мақсат қоя білуге баулу

Дамытушылық: Оқушыладың құқықтық білімдерін дамыту, ойлау, сөйлеу қабілеттерін шыңдау.

Тәрбиелік: Конституция т.б. құқықтық нормативтік актілерді орындай, құрметтей білуге үйрету, адамгершілікке, құқықтық сауаттылыққа тәрбиелеу.

Ұйымдастыру - үш топқа бөлінген оқушылар жеке-жеке отырғызылады, сайыс мақсатымен таныстырылады.

Сайыстың барысы: Кіріспе сөзді мұғалім бастайды.

Армысыздар, жақсы ниетпен келген қадірменді ұстаздар, қонақтар, оқушылар! Біздің бүгінгі сайысымызға қош келдіңіздер!

Мемлекетіміздің Ата Заңының 1- бабында «Қазақстан Республикасы құқықтық және әлеуметтік мемлекет, оның ең қымбат қазынасы – адам және адамның өмірі, құқықтары мен бостандықтары» деген қастерлі сөздерді кіргізілген.

Бүгіндері құқықтық мемлекет құрамыз деген заманда әрбір адамның өз құқықтарын жете біліп, жалпы заң білімі саласынан мағлұмат алғаны дұрыс. Заңды аттамай, тура жолмен жүріп, еліне адал қызмет еткен азамат қана мұратына жетеді.

«Жасөспірімдер арасындағы құқық бұзушылықтың алдын алу» тақырыбы аясында өткелі отырған сайыс сабағымызды бастауға рұқсат етіңіздер.

Сайысқа қатысушылар: Әділқазылар алқасы. 9б-сынып оқушылары

Сайыс жоспары:

1-кезең. Топ аты, топ ұраны, топ эмблемасымен таныстыру.

2-кезең. «Шынығу». Әріптері ауысқан сөздерді тап.

3-кезең. «Өз құқығыңды біл». Бала құқықтары бойынша сұрақтарға жауап береді. 4-кезең. «Ойды аяқта». Мақал айтылады, ішінен бір сөз яғни құқықтық заң терминдері жасырылады, сол сөзді тауып, дұрыс айтылуына назар аударылады.

5-кезең. «Ой елегінен өткіз», «Ойлан, артығы бар ма? Тапсаң, сызып таста». Берілген тапсырмадан артық сөз, ұғымдарды сызып, қателерді түзе.

6-кезең. «Түсіндірме сөздік» сәйкестендіру.

7-кезең. «Жағдаяттық тапсырмалар».

2-кезең. «Шынығу» кезеңі:

1.ЕКОНЮС – БҰҰ-ның білім, ғылым және мәдениет жөніндегі ұйымы;

2.АТКРДЕИЯМО – халық еркі немесе билігі;

3.ЕНТЕЗПРИДЕ – мемлекет басшысы;

4.УАТРА – айырбас үшін арнайы өндірілетін өнім;

5.АТТӨЛЖҰҚ – азаматтыққа куәландыратын құжат.

6. ҚЫҚҚҰ- мемлекет тарапынан қадағаланатын, қорғалатын заңды құжат.

3-кезең. «Өз құқығыңды біл»:

I топ

Баланың азаматтық құқығы қай кезден басталады? (бала туған кезінен бастап)

Қазақстан Республикасында баланың құқықтары туралы заң қанша тараудан тұрады? (10 тарау, 53 бап)

Баланың өз пікірін білдіруге, ақпарат алуға, ақпаратпен идея беруге құқығы бар. Ол шектеулі ме, әлде шектеусіз? (шектеусіз)

Неше жасқа толмаған баланы Отан алдындағы борышын өтеуге әскерге шақырылуға жатпайды? (18)

5. Қазақстан Республикасындағы мемлекеттік биліктің бірден - бір бастауы (Халық)

II топ

1. Бала неше жастан бастап қылмыстық жауапкершілікке тартылады? (16)

2. Конституция сөзінің аудармасы қалай ? (Латынның «constitutio» - құрылым, өкілім);

3. Республика заңдары қай кезде күшіне енеді? (Президент қол қойғаннан кейін);

4. Егемендік алғаннан кейін Қазақстан Республикасында Конституция қанша рет қабылданды? (2 рет, 1993 ж. 28 қаңтар, 1995 ж. 30 тамыз)

5. Неше жасқа толмаған адам бала болып есептеледі? – (15)

III топ

1. Республикадағы жоғарғы заң шығарушы органды ата? (Парламент)

2. Қазақстан Республикасы өзін қандай мемлекет ретінде орнықтырады (Тәуелсіз, демократиялы, құқықты, зайырлы)