Құқық көшбасшысы зияткерлік сайысы 9–11-сыныптарға

"Құқық лидері" сайысы

Б.Майлин атындағы № 3 жалпы орта білім беретін мектеп

Адам.Қоғам.Құқық. пәнінің мұғаліміРашит Акбота Руслановна

"Құқық лидері" сайысы

Сайыстың мақсаты: оқушылардың құқықтық білімдерін толықтыру, әр адамның жеке өміріне қажет екендігін ұғындыру, өз пікірін ашық айтып, тұжырым жасай білуге үйрету, оқушылар бойына құқықтық сауаттылық пен адамгершілік тәрбиені сіңіру.

Сайыстың жүру барысы:

Ұйымдастыру

Сайысымызға қазылық жасайтын әділ қазылар алқасын тағайындау.

Сайыс шарттарымен таныстыру

Оқушыларды марапаттау.

Мұғалім: Армысыздар, қадірлі қонақтар, ұстаздар,оқушылар! Адамның шыр етіп жерге түскен минутынан бастап,оның өмірін,денсаулығын,тыныштығын қорғап отырған заң бар. Бұл заң 1948 жылы 10 желтоқсанда қабылданған «Адам құқығының жалпыға бірдей декларациясы». Заң дегеніміз қоғамның негізгі тірегі Қоғам деп отырғанымыз - мына біздер. Бүгіндері құқықтық мемлекет құрамыз деген заманда әрбір адамның өз құқықтарын жете біліп, жалпы заң білімі саласынан мағлұмат алғаны дұрыс. Заңды аттамай, тура жолмен жүріп, еліне адал қызмет еткен азамат қана мұратына жетеді. Бүгінгі "Құқық лидері" интеллектуалды сайысымызға қош келдіңіздер! Бүгінгі сайыстың қатысушыларымен таныс болыңыздар!

10 "А" сынып оқушылары "Адам" тобы

9 "Б" сынып оқушылары "Қоғам" тобы

9 "А" сынып оқушылары "Құқық" тобы

Сайыс шарттары :

Таныстыру

Кім жүйрік

Полиглот

Ой ашар (ұяшықтар таңдау)

Тұлғаларды тани біл

Қорытындылау

Әділ қазы ақ қазыға бер сәлем,

Әділдікке бас иеді күллі әлем!

Жүйрік озар, сайыстарда неше бір

Сарапқа сал әділдікпен шеше біл, -дей отырып, әділқазылар алқасымен таныстырайық!

1. Құлжанова Айнұр Хамитқызы қазақ тілі мен әдебиет пәні мұғалімі

2. Ахатов Нұрдаулет Ахатұлы директордың тәрбие ісі жөніндегі орынбасары

3. Сейдахметова Алтынай Сейтбековна өзін-өзі тану пәні мұғалімі

Жүргізуші: Құрметті ұстаздар мен оқушылар. Елбасымыз Н.Ә.Назарбаев «Еңбегіңмен алған білімің өзің үшін де, елің үшін де таусылмас асыл қазына болмақ» деген болатын. Олай болса ойы ұшқыр, терең білімді, намысы зор оқушыларымыз ортамызда, сіздерге сәттілік тілей отырып,

Өнер менен білімде,

Әркімнің өз жолы бар.

Сайысарлық бүгінде ,

Өзіндік иенің үнім бар, — дегендей, бүгінгі интеллектуалды "Құқық лидері" атты ойынымызды бастаймыз.

І кезең Таныстыру (әр топ өздерін таныстырады)

ІІ кезең Кім жүйрік

Бұл кезеңде топ капитандары өздеріне берілген сұрақтарға жауап беру қажет, жауап

2 ұпаймен бағаланады. Жоғары ұпай жинаған топ келесі кезеңді бірінші болып бастайды.

І топқа. (10 сынып)

Конституцияда бекітілген ең басты құндылық (Адам және адамның өмірі )

«Қазақстан-2030» стратегиялық бағдарламасы қай жылы жарияланды. (1997 ж)

3. ҚР 1997 жылы 16 шілдеде қабылданған заң? (ҚР қылмыстық кодекс)

4.Мемлекеттік биліктің бірден-бір бастауы-халық деп ҚР Конституциясының қай Бабында көрсетілген. 3 бап 1 тармағы

5.ҚР-да мемлекеттік билік тармағы қалай бөлінген. (заң шығарушы, атқарушы, сот билігі )

6. Мәжілістің тоғыз депутатын кім сайлайды.(қазақстан халықтарының ассамблеясы)

7.Әркімнің өмір сүруге құқығы бар.ҚР Конституциясының нешінші бабында көрсетілген. (15 бап 1 тармағы )

8. Парламенттің төменгі палатасы (мәжіліс)

9. Білім туралы заң қашан қабылданды ( 2007 ж 27 шілде )

10.ҚР Баланың құқықтары туралы заң қашан қабылданды,неше тарау, неше баптан тұрады. (2002 ж 8 тамыз, 10 тарау 53 бап )

ІІ топ 9 "А" сынып

1. Республиканың бүкіл аумағында тікелей қолданылатын ең жоғары заңдық күші бар құқықтық акт қалай аталады (конституция )

2. Ғалымдардың болжауынша бұдан 40 мың жыл бұрын жер бетінде адамның қай түрі пайда болды? (Саналы )

ҚР конституциясы қай жылы, қашан қабылданды (1995 ж 30 тамыз )

3. Президенттің өкілеттілік мерзімі ( 7 жыл)

4. Жерде мекен ететін тірі организмдердің жоғары сатыда дамыған түрі. (адам)

5. Адамды адам ететін бірден-бір күш? (қоғам)

6. ҚР азаматтары қанша жастан бастап судья бола алады. ( 25 жас)

7. Қызмет барысында қайтадан пайдалану мүмкіндігін тудыратын және бұрынғы тәжірибені ұйымдастыратын есте сақтау үдерісі? (Жад)

8. ҚР тәуелсіздігі туралы заң қашан қабылданды? (1991 ж 16 желтоқсан)

9. ҚР-да ресми түрде қолданылатын тіл (орыс тілі)

10. «Жеті жарғы» заңдар жинағын жасаған қазақ ханы ? (Тәуке жан)

ІІІ топқа 9 "Б"

1. Адамның ойлауға тануға рационалды қабілеттілігі (Зият)

2. Адамзаттың жеке өкілін қоғам мүшесін айтамыз кім? жеке адам

3. Конституция сөзінің аудармасы қалай?(латынша, «құрылым» «өкілім»)

4. Қ.Р Мемлекеттік биліктің бірден бір бастауы? (халық)

5. Республика заңдары қай кезде күшіне енеді? (президент қол қойған соң)

6. «Қасым ханның қасқа жолы» қанша бөлімнен тұрады? (5 бөлім)

7. ҚР өзін қандай мемлекет ретінде орнықтырды? (демократиялы, зайырлы, құқықтық, әлеуметтік)

8. ҚР валютасы қашан қолданысқа енді. (1993 жыл 15 қараша)