Құқық сауаттылық заман талабы сыныптан тыс жұмыс

Кеш тақырыбы: Жұлдызды сағат турнирі: «Тәуелсіздік ертеңі-білімді ұрпақ!»

Мақсаты: Қазақстанның егемендігі, тәуелсіздігі,тарихы туралы алған білімдерін далдау жасай алатын дәрежеге жеткізу.отанның туған жердің құдыретін ұғындыру, Отаншылдық сезімін ояту.Қазақстан Республикасының дамуына, егеменді еліміздің өсіп өркендеуіне үлесін қосар білімді, мәдениетті жастар тәрбиелеу.

Көрнекіліктері: Қазақстан Тәуелсіздігіне-20 жыл слайды, нақыл сөздер, суреттер мен плакаттар, альбомдар, шарлар

Нақыл сөз: 1.«Біз тәуелсіздікті аңсап, зарығып жеттік. Енді сол тәуелсіздікті ерекше қадірлеуіміз керек.» Н.Ә Назарбаев

2. «Біз қазақ мал баққан елміз, Ешкімге соқтықпай жай жатқан елміз» Қазыбек би

Түрі: сайыс-турнир

Барысы:

І жүргізуші:

Армысыздар, бұл сайыстың қонақтары,

Халқымның әрқашанда қонақ-бағы.

Тәуелсіздік күнінде бұл сайысты ,

Таразылап тарихпен, сарапталық.

ІІ жүргізуші:

Сәлем бердік сайыстың көрермені,

Қазақтың ол анық қой, өнер-кені.

Бүгінгі бұл сайысқа қош келдіңіз,

Алдыңызда- болашақ өрендері.

І жүргізуші: Құрметті оқушылар, жанкүйерлер, сайыс қонақтары! Ендеше біз жұлдыздармен болатын жұлдызды турнир сайысының шарттарымен таныстырып өтейік.

І. Сайысқа қатысушылардың мерекелік құттықтау-алғы сөзі

ІІ. «Айшықты уақыт» тәуелсіздік шежіресінен не білетінімізді анықтайтын викториналық сұрақтар сайысы

ІІІ. «Тамыры терең тарихтан сыр» Тарихи оқиғаны сөйлету сайысы

ІV. «Азаттықты аңсап өткен ерлерім» қазақ тұлғалары туралы білім сайысы. Портреттер көрсетіледі.

V. «Тәуелсіздік туғызған нақыштар » (Астаналар тарихы, заң тарихы, теңгелер тарихы, Әнұран тарихы)

VІ. Мерекелік шашу.

І жүргізуші:

Қош келдіңіз мектептің озаттары

Жайнасын көңілдердің жасыл бағы,

Сіздер үшін бүгінгі жұлдызды күн,

Сіздер үшін мереке шашулары!

ІІ жүргізуші: Құрметті достар, бүгінгі сайысқа мектебіміздің білімпаздары, спорт жұлдыздары , әртүрлі ғылыми жарыстардың жеңімпаздары қатысып отыр

І жүргізуші: Сондықтан да бұл екеуі хормен: жұлдызды турнир!

ІІ жүргізуші: ендеше, сайысқа қатысушылар туралы қысқаша таныстырып өтейік!

1-топ мүшелері: Сакай Арайлым- 11 ә сынып оқушысы, бірнеше рет география пәнінен, математика пәнінен қалалық сайыстарға қатысты. болашақ «Алтын белгі» иегері.

Байбулатова Айдана- 11 ә сынып оқушысы, болашақ «Алтын белгі» иегері.

2-топ мүшелері: Смадияр Мерей -11 а сынып оқушысы, мектеп мақстанышы, спорттық, әскери сайыстардың бірнеше дүркін жеңімпазы.

Еділ Гүлдана- 11 а сынып оқушысы, оқу озаты, болашақ алтын белгі иегері,

3-топ мүшелері 10- а, ә класс оқушыларынан құралған: Мамбеткаримова Айгул -10 ә сынып оқушысы, бірнеше рет облыстық отан тарихы сайысының жеңімпазы атанған, білімге құмар оқушы 10 а сынып оқушыларынан құралған: Әдебиетова Ақмөлдір- 10 а сынып оқушысы, жеңімпазы

4-топ мүшелері -.9 в сынып оқушысы-Мейірбек – оқу озаты,

Және 9 б сынып оқушысы Абитова Аруаққу

5- топ мүшелері 9 а сынып оқушысы Тілеш Гүлназ, 9 ә сынып оқушысы - Жақсылықова Сандуғаш

І жүргізуші: Сайыс болған жерде әділ бағасын берер әділқазыларсыз бағалау мүмкін емес, сондықтан сайысты бастамас бұрын әділқазылар алқасымен таныстырып өтеміз:

ІІ жүргізуші: Әділқазылар «Жұлдызды палата болмақ» сондықтан да жұлдызды бағалар ғана күтеміз.

Ән: «Туған ел» Оңдыбаева Д 8 «ә» класс оқушысы

І жүргізуші: Сайыстың І туры топтардың құттықтау сәлемі.

І жүргізуші: І турының бағаларын сұраймыз.

ІІ сайыс «Айшықты уақыт» тәуелсіздік шежіресінен не білетінімізді анықтайық яғни викториналық сұрақтар сайысының сұрақтары:

1990 жыл, 25-қазан- ( қазақ КСР-нің Мемлекеттік тәуелсіздігі туралы декларация қабылданған уақыт)

1991 жыл, 1-желтоқсан- (Қазақстан президентінің бүкілхалықтық сайлауы өтті)