Құқықтық мәдениет – бала қауіпсіздігінің кепілі, 9-сынып

№7 А.Тұрғымбаев атындағы ЖББМ

Сынып сағаты

«Құқықтық мәдениет – бала қауіпсіздігінің кепілі»

9 «А» сынып

Сынып жетекшісі:Байманова А.Қ.

2018-2019 оқу жылы

Тақырыбы:Құқықтық мәдениет – бала қауіпсіздігінің кепілі

Мақсаты: 1. Балаларды адам құқығының жалпыға бірдей декларациясымен таныстыру, заң және құқық сөздерінің мағынасын түсіндіру.

2. Оқушылардың дүниетанымын кеңейту, ой – өрісін дамыту.

3. Өз құқықтарын білуге, оны қорғауға баулу.

Көрнекілігі: слайд, бейнетаспа

І Ұйымдастыру

Топқа бөлу, ынтымақтастық атмосферасын қалыптастыру.

-Адам құқығына үлкен үлестерін қосқан Ш. Монтескье, И. Кант, Т. Джефферсон сияқты ойшылдар адам құқықтарының негізгі ережелерін алғаш рет анықтап, белгілеген. Өзіміздің ойшылдарымыз Төле би, Әйтеке би, Қазыбек би және Абай адам құқықтары мен бостандықтарын қорғаған.

Құқық дегеніміз не? Оқушылар топпен тапсырманы қағаз бетіне орындау. (әр топтан бір оқушы постерлерін қорғау)

- Құрметті оқушылар, мектебімізде «Заң» апталығы өтіп жатқаны бәрімізге белгілі. Соған орай «Құқықтық мәдениет – бала қауіпсіздігінің кепілі» тақырыбында өткізілетін тәрбие сағатына қош келдіңіздер!

- Өте ертеде, бұдан сан мыңдаған жылдар бұрын жер бетінде адам пайда болды. Онымен қоса басты мәселелер де туды. Адамдар нені істей алады, нені істеулеріне болмайды? Олардың не нәрсеге құқы бар, не нәрсеге құқы жоқ? Осы сияқты мәселелерді шешетін адам құқығының жалпыға бірдей декларациясы дүниеге келді. Енді соның негізгі баптарымен танысайық. (қималарды таратып беру)

«Жигсо әдісі». Топта түсіндіріп, содан соң топ-топқа түсіндіреді.

1. 5-бап. Басқаны қинауға, оған қатал қарауға, кемсітуге және ренжітуге ешкімнің құқығы жоқ.

12-бап. Біреудің атына кір келтіруге, жеке басының тіршілігіне араласуға, рұқсатсыз үйіне кіруге, жазысқан хаттарын оқуға ешкімнің құқығы жоқ.

19-бап. Әрбір адам өз пікірі болуына және ойындағысын еркін айтуға құқықты.

26-бап. Сенің мектепке баруға, ақысыз оқуға және мамандық алуға құқығың бар. Мектеп бала қабілетін жан-жақты дамытып көмектесуге, адамдарды, олардың құқығы мен бостандығын сыйлауға, өзара түсіністікке, бейбітшілікке және халықтар арасындағы достыққа баулуға тиісті.

Адам дүниеге келгеннен кейін оның өмірін, денсаулығын, тыныштығын біздің мемлекетіміздің Ата Заңы қорғайды.

- Заң деген не? Ол не үшін керек?

Оны түсіну үшін мына сөздерге назар аударайық.

Заң дегеніміз – адамдардың тәжірибесін қоғам игілігіне пайдаланатын даналықтың жоғарғы көрінісі.

С. Джонсон.

Заң – үкіметтің іске асыруына тиісті, талас тудыратын мәселелерін шешетін шешім.Сондай-ақ, заң – мерзімі тұйықталмаған, көпшіліктің мемлекеттік қаулысы.

Платон.

Сот – сөйлеуші заң, ал заң – мылқау сот.

Цицерон.

Құқықтың ең қас жауы – артықшылық .

М. Эбнер-Эшенбах.

- Ал Ата Заңымыздан басқа тікелей балалардың құқығын қорғайтын заң бар ма?

Оқушы: 1989 жылдың 20 қарашасында «Бала құқықтары туралы конвенция» қабылданып, 1995 жылдың желтоқсан айында Елбасымыз Н.Ә. Назарбаев «Бала құқығы туралы конвенцияға қол қойды».

- БҰҰ-ның Бала құқықтары туралы конвенциясы – әрқайсысы белгілі бір құқықты сипаттайтын 54 баптан тұратын бала құқықтары туралы құжат.

- Бала құқықтары туралы халықаралық конвенциядан

1. Мемлекет әрбір баланың аман-сау өсіп, жан-жақты дамуын қамтамасыз етеді.

2. Бала өмірге келе салысымен тіркеуге алынады және өзіне есім мен азаматтық алуға құқылы.

3. Әрбір бала өз отбасында, ата-анасымен бірге өмір сүруге құқылы.

4. Бала мектепте кінәлі болғанда да оны ешкімнің ұрып жазалауға, кемсітіп қорлауға құқығы жоқ.

5. Бала тынығуға және мәдени демалуға, құқылы.

6. Әрбір баланың ой-пікір, ар-ождан және дін еркіндігіне құқығы бар.

7. Бала өзі қалаған спорт түрімен шұғылдануға құқылы.

8. Бала денсаулығын сақтауға, емделуге құқылы.

9. Бала өз ойын еркін айтуға құқылы.