Құрметтей білейік 4 сынып сабақ жоспары

№ 15- сабақ

Тақырыбы: Құрметтей білейік

Құндылық: сүйіспеншілік

Қасиеттері: ізеттілік, ынтымақ, мәдениеттілік

Класс: 4 «А»

Сабақтың мақсаты: оқушыларға «құрмет», «сыйластық» туралы түсінік бере отырып, сүйіспеншілік құндылығының мәнін ашу.Міндеттері:- оқушыларды ізетті болуға баулу;- оқушыларды өзгелермен ынтымақты қарым-қатынаста болу іскерліктерін дамыту;- оқушыларды мәдениеттілікке тәрбиелеу.

Ресурстар:

оқулық, дәптер

(аудио жазба)

Сабақ барысы:

Ұйымдастырукезеңi. Тыныштық сәтi.

Нұрға бөлену

Үй тапсырмасын тексеру.

15 сабақтан «Төле би туралы аңыз» мәтінін оқып келу.

-Жолда Төле би кімдерді кездестірді?

-Данагүл адамдарға қандай құрмет көрсетті?

-Төле би қандай бата берді?

-Адамдар қай уақытта құрметке ие болады?

-Өздерің құрметтейтін адамдардың қандай қасиеттерін үлгі тұтасың?

Сабақ барысын талдау:

Дәйексөз.

«Үлкен алдында жас қарызы, ата алдында бала қарызы - әдеп пен сый» М.Әуезов

2-рет ұлдарға, 2- рет қыздарға айтқызу,бәрі қосылып алу.

Мұғалім сыйы.

Адам атын ардақта

Ә.Табылдиев

Әскербек әкесімен әзілдей сөйлесіп, күлімдеп жүреді. Әкесі Әлен баласының көңілді жүргеніне мәз болады. Бірақ көңіл деген нәзік нәрсені күте білмей, Әскербек әкесін ренжітіп алды. Оқиға ойда жоқта шиеленісті. Мектептен жақсы баға алып, жайраңдап келген Әскербек әкесіне:

-Әлен Әлменович, әдебиет сабағынан «бес» деген баға алғанымды хабарлаймын!-деді.

Әшейінде танадай қара көздерін күлімдетіп, баласына елжірей қарайтын Әлен бұл жолы қалың қасты қабағын қарс жауып алды:

-Балам, менен бойың биік бола бастағанға, ойың биік бола ма десем...

-Құлдық ұрып, құлшылыұ етуге әзірмін, көке... Не кінәм бар?

-Әдептілік әкені құрметтеуден басталады.

-Құрақ ұшып құрмет көрсетіп тұрған жоқпын ба?

-Мені «көке» деуші ең, тең-құрбыңдай қарайтын болыпсың... Ұрыс «сен» деген сөзден шығады-дейді халық.

-Аты-жөніңді толық айту да айып па?

-Қазақ атам ұрпағын әрбір адамды құрметтей білуге үйретеді. Ал адамды құрметтеу үшін, атын ардақтап, дәрежесін көтеріп, жасы мен туыстық қатынасына қарай , ата, әже, апа, шеше, көке, тәте, жәке, аға, ағатайым, нағашы, жиен, бөле деу керек.

-Көке, кешіріңіз. Шынында да , сый-құрмет көрсету осындай ұсақ-түйектен басталады деп ойлаған жоқ едім.

-Бұл рәсім ұсақ-түйек емес, балам, атты ардақтау адамгершіліктің белгісі.

-Әскербек әкесіне не деді?