Құстар біздің досымыз ашық сабағы, балабақшаға

Тақырыбы: Құстар біздің досымыз.

Білім беру саласы: Әлеумет

Бөлімі: Қоршаған ортамен таныстыру

Мақсаты:Құстар туралы және олардың тіршілігі, пайдасы, қорегі жайлы түсінік беру.Үй құстары мен дала құстарын дұрыс ажырата білуге үйрету. Табиғат жайлы алған білімдерін толықтырып, сөздік қорын, ой-өрісін дамыту. Құстарды қорғауға, табиғатты аялап, оны сүйіп, баптай білуге тәрбиелеу.

Көрнекіліктер: Құстар суреттері бейнеленген слайд, сиқырлы сандық,

А4 үлгідегі ақ қағаздар

Шаттық шеңбері

Армысың алтын күн!

Армысың асыл жер!

Армысың көк аспан!

Армысың жан досым,

Жылуыма жылу қос,

Міне менің қолым.

Қазір жылдың қай мезгілі?

Күз мезгілінің қандай айы?

Бүгін аптаның қай күні?

(есік қағылады, қолында сандығы бар үйрек келеді)

Балалар қараңдаршы бізге қонаққа үйрек келіпті, Қош келдің, төрге шық үйрек.

Үйрек: Сәлеметсіңдер ме балалар? Мен балаларға көп қызықты суреттер , тапсырмалар алып келдім.

Ал балалар үйрек ол қандай табиғатқа жатады? Дұрыс құстар жанды табиғатқа жатады, бүгінгі оқу-қызметімізде осы құстарға арналан еді, олай болса үйректің сандығын ашып көреміз бе?

Міне қызық сандық ашылмай жатыр, қолымызды қатты шапалақтап көрейікші, жоқ ашылмады ,аяғымызбен катты топылдатамыз, жоқ ашылмады, Үйрек өзің ашып берші.

Үйрек: Уф,суф ашыл, ішінен тапсырмалар шашыл.

(Сандық ашылады.)

1 тапсырма: Суретте қандай құстарды көріп тұрсыңдар?

Құстар екіге бөлінеді:Үй құстары, дала құстары

Үй құстары: әтеш, тауық, балапан, үйрек, қаз

Дала құстары: торғай, қарға, қарлығаш, көгершін, сауысқан, бүркіт, тоқылдақ

2 тапсырма: Жұмбақ шеш

Бұрап қойған сағаттай,

Айғайлайды тан атпай. (әтеш)

Екі айыр құйрығы

Қияқ мұрт қанаты

Ұшқырлардың жүйрігі (қарлығаш)

Тақылдатып

Ағаштарды тазалап,

Ормандарды емдейді,

Зиянкесті жазалап. (тоқылдақ)

3 тапсырма: Құстар туралы қандай ән білесіңдер?

Ән: «Қарлығаш»

Ендібойымызды сергітіп алайықшы

Сергіту сәті

Орнымыздан тұрайық,

Құс болып ұшайық,

Әне құс, міне құс

Құсты қолға қондырайық.

Бір, екі, үш

Қайта құс боп ұш.

Бір, екі, үш

Жерге қайта түс.

Серігіп алсақ оқу-қызметімізді әрі қарай жалғастырамыз, балалар Н әрпін өткен кезде қанай тақпақ жаттап едік, кімнің есінде?

Нан қоқымын шашпандар,

Жерде жатса баспандар,

Теріп алып қастерлеп,

Торғайларға тастандар.