Құстардың табиғатқа пайдасы ашық сабағы

Білім беру саласы : «Таным»

Бөлімі: «Қоршаған ортамен танысу»

Тақырыбы: «Құстардың табиғатқа пайдасы»

Мақсаты: Балаларға жалпы құстардың пайдасы жайында мағлұмат беру. Балаларға құстарға қамқорлық жасай білуге тәрбиелеу. Олардың құстар туралы ой-өрістерін, түсініктерін дамыту. Халық қазынасы жұмбақты, болжамдарды пайдалана білуге үйрету.

Қолданылатын көрнекі құралдар: құстардың суреттері, плакатқа жазылған сөздер, қиынды суреттер, үлестірмелі суреттер,интерактивті тақта.

Билингвальды компонент: Құс-птица,табиғат-природа, аққу –лебедь, тоқылдақ-дятел,торғай-воробей.

Үш тұғырлы тілде амандасып алады.

Сәлеметсізбе – Здраствуйте – Hello.

Балалар сәлемдеседі.

Біз-қазақтың баласы,

Сәлем сөздің- анасы.

Алдымыздан кезіккен,

Көп танысты көреміз,

Бәріне де ізетпен,

Иіліп сәлем береміз.

Тәрбиеші: Өте жақсы балалар, енді «Жақсы, жаман» деген ойын ойнайық.

Мақсаты: Жаман әдеттерден аулақ болуға, жақсы-жаманды ажыратып, қоршаған ортаға қамқор болуға тәрбиелеу. Қойылған сұрақтарға балалар дауыстап «жақсы», «жаман» деп жауап береді.

Тәрбиеші:

- Ағаштың бұтағын сындыру жақсы ма?

- Гүлдерге су құю жаман ба?

- Достарыңды ренжіткен жақсы ма?

- Құстарға көмектесу жақсы ма?

- Құстарға ұя жасау жаман ба?

Тәрбиеші:Міне тамаша, балалар, ненің жақсы, ненің жаман екенін дұрыс айттыңдар.Бүгінгі сабағымызда құстардың табиғатқа пайдасы туралы әңгімелесеміз.

Тәрбиеші: Балаларға жалпы құстардың пайдасы жайында мағлұмат беру.Балаларға құстарға қамқорлық жасай білуге тәрбиелеу.

Табиғатты құрайтын бөліктердің бірі – құстар. Халық ежелден – ақ құстарға әуес, оларға деген сүйіспеншілігін шексіз дәріптеп, ең жақсы көретін адамды құсқа теңеу арқылы ол ықыласын көпке аян етеді. Халық өз ортасынан шыққан саңылақ ұлдарын сұңқарға теңесе, төгілте ән шырқайтын әншісін бұлбұлға, ел үшін, отан үшін жанын қиятын батырларын – қыранға, елден асқан сұлуды – аққуға теңейді. Құс – табиғат байлығы. Байлықтың көзі – құстарды әркез қорғай білу керек. Олар табиғат байлығын ағаштарды, өсімдіктерді зиянды жәндіктерден тазартады. Сонда ағаштар жайқалап өседі.Құстардың ұялары туралы түсінік беру.Мыс:Қарылғаш ұясын шатырға салады,бүркіт тау басына,тауық өз кетегіне,торғайға ағашқа ұя жасаймыз.

Құстар екіге бөлінеді:

Үй құстары

Дала құстары

Сызба (Құстардың бөлінуі).Слайд

Тәрбиеші: Дала құстарына қандай құстар жатады?

Торғай, қарлығаш, сауысқан, қарға,тоқылдақ,аққу,бүркіт т.б. көптеген құстар жатады.

Ал, үй құстарына қандай құстар жатады?

Тауық, қаз, үйрек, әтеш, балапан. Слайд

Балалар құстар жайлы айтылған мағұлматтарды мұқият тыңдайды.