Құтты болсын, Жаңа жыл балабақша сценарийі

«Құтты болсын, Жаңа жыл!»

Мақсаты: Балалардың жаңа жыл мерекесі туралы түсініктерін

қалыптастыру.Мерекелік көңіл-күй ортасын

ұйымдастыру. Образдық бейнелерді сомдай білуге

үйрету, хормен және жеке ән айту шеберліктерін

арттыру. Би қимылдарын қызығушылықпен,

ырғақты сақтай орындауға үйрету.

Балалар көңілді әуен («Келді,міне,Жаңа жыл») ән ырғағымен ұл балалар (санта-клаус киім киген) қолдарында сыйлықтар,қыз балалар (ақшаһар киім киген) қолдарында шарқыраған шамдары бар, көңілді билеп кіреді.

Тәрбиеші(санта-клаус киім киген)

Жаңа жылдың таңы неткен арайлы,

Ақ мамыққа бөлеп алды маңайды.

Бақыт, шаттық, молшылық пен тыныштық,

Бәрімізге әкелсін мына арай жыл!

Тәрбиеші-2: «Құрметт қонақтар!Ата-аналар!Әріптестер!Бүгінгі №5 «Ботақан»тобының «Құтты болсын, Жаңа жыл!»атты ертеңгілігімізге қош келдіңіздер!

Біздің балаларымыздың жаңа жыл кешіне арналған тақпақтарын қабыл алыңыздар!

Ән: «Жаңа жыл мереке»

Боранның әуені ойнап тұрады.Ақшаһар кіріп келеді,Аяз-атаны іздеп жүреді.

Тәрбиеші:Балалар бізге Ақшаһар келіпті,қараңдаршы балалар ақшаһар көңілсіз көрінеді,қане сұрайық.Не болды ақшаһар?

Ақшаһар:Балалар мен Аяз-атамды орманда жүргенде жоғалтып алдым.Маған көмектесесіңдерме?

(Балалар «ия,ия,ия»дейді)

(Бір кезде аяз-атаның дауысы шығады.)

Сықырлаған қардың дыбысы естіледі.

Тәрбиеші тың-тыңдап: Балалар, Аяз атамыз келе жатқанға ұқсайды.Қардың

сықырын естідіңдер ме?

Балалар: Иә, естіп тұрмыз.

Ақшаһар:Балалар естідіңдерме?

(Тағы аяз-атаның дауысы шығады)

Ақшаһар:Балалар аяз-ата жақын жерде жүрген секілді.Қане,балалар,бәріміз аяз-ата деп шақырайықшы.

Балалар: «Аяз-ата!Аяз-ата!Аяз-ата!»

(Аяз-ата кіріп келеді)

Әуен ойналады. Залға Аяз ата мен Ақшақар кіреді. Балалар қошеметтеп қарсы алады.

Аяз ата

Амансың ба, ұлдарым,

Амансың ба, қыздарым

Қандай әсем жүздерің

Қандай мөлдір көздерің

Керемет бір ән тыңдап,

Келіп тұр-ау демалғым.

Аяз-ата:Амансыңдарма балалар?

(Балалар аяз-атамен амандасады!)

Аязата: Балалар, мына шыршамыз көңілсіз тұрған сияқты ғой. Кәне, сиқырлы сөздерімізбен оның шамдарын жарқыратайық! Қуант, бізді таңырқат Шамдарыңды жарқырат! (3 рет айту керек) Балалар: Қуант, бізді таңырқат Шамдарыңды жарқырат! (қолдарын шапалақтатады) Шырша жарқырайды.

Балалар мен алыс жолдан шаршап келдім.Сендер маған тақпақ айтып берсеңдер шаршағаным басылар еді .

Тәрбиеші: Ал, балалар, тұрмайық

Аяз атаға арнаған

Тақпақтарымызды айтайық.

Балалар тақпақтарын айтады.

Би: Аққала ( ер балалар сантаклоус кимде және сантаклоус кимінде тәрбиеші)

Балалар көңілді әуен ырғағымен қолдарына қар ұстап келіп, билейді.