Құтты болсын жаңа жыл ойындар мен сценарийлер мектепке дейінгі балаларға

Мақсаты: балаларға мерекелік көңіл күй тудыру; шыршаның қалай әдемі де сәнді безендірілгеніне, балалардың Аязатаның, Ақшақардың, Қоянның карнавалдық киімдеріне назар аударту; көңілді ойындар ойнату, достық қарым - қатынас ояту, бірлескен ойындар ойнату.Қатысушылар: жүргізуші, Аязата, Ақшақар, Қоян, Клоун, балалар, ата - аналар..Музыка ойнап тұрады.Балалар екі екіден қол ұстасып залға кіреді.Жүргізуші: Армысыздар, аяулы апайлар, ата - аналар! Сәлеметсіздер ме, балалар! Сендер бүгін, сәнді киініп, әдемі болып кетіпсіндер. Мына жерде орман аңдары, сүйікті ертегілеріміздің кейіпкерлері де жетіпті. Ал, бүгін балалар, қандай мереке?Балалар: Жаңа жыл!Жүргізуші: Жаңажылдық ертеңгілігімізді ашудағы құттықтау сөзін балабақша меңгерушісі Роза Майданқызына беріледі.Жүргізуші: Балалар бүгін біз Жаңа жылды қарсы алуға жиналдық. Келіңдер, сән құрап тұрып, қол ұстасып жүріп ән салайық.Ән: "Шырша әні"Жүргізуші: Балалар, ортамыздағы әсем не?Балалар: Шырша!Жүргізуші: Шыршамыз қандай әдемі! Ойыншықтары неткен көп! Ал, кім бізге шыршаға арналған тақпақтарын айтып береді екен?

Фатима:

Ақ қар жапты даланы

Ақ жамылды айнала

Жарқыратып шамдарын

Шырша келді ортаға.

Райымбек:Тамаша, тамаша,Шыршамыз тұр жараса.Басында әсем жұлдызы,Көз тоймайды қараса.

Алиша:

Қалып едік сағынып,

Күтіп алдық жабылып.

Жолын қойдық жарық қып,

Шыршаларға шам іліп.

Батыр:

Аппақ тонға оранып,

Базарлықты мол алып

Келді алыс сапардан,

Аяз ата оралып.

Нұрәлі :

Жасыл желек жамылған,

Асыл моншақ тағынған.

Міне сұлу шыршамыз

Көптен күтіп сағынған

Нұржан:

Жаңа жылым мол болсын!

Басқан қадам оң болсын!

Төрле-төрле жаңа жыл,

Бізге құтты жыл болсын!

Біржан:

Жапалақтап ақша қар,

Жауды күнде қайталап.

Қрға шықты балалар,

Шаңғыларын арқалап.

Айлин:

Жылдың әнін бастайын

Аяз ата кеп қалды.

Майысады жас қайың

Көтере алмай көп қарды.

Амина:

Бақша іші мереке

Ойын күлкі асқақ ән

Жақсы әпкелер жаңа кеп,

Мерекені бастаған.Жүргізуші: Жарайсындар, қандай жақсы тақпақтар!

(шыршаның жанына жақындап келіп) бәрекелді, қараңдар балалар, шыршаның астыңда бірдеңе тұр! Сыйлықтар! Сыйлық алу қандай тамаша, келіңдер, балалар, сыйлықты ашып көрейік.

(Көңілді музыка ойнайды, қорапты ашады, оның ішінен Сайқымазақ атып шығады.)

Сайқымазақ: Амансыңдар ма, балалар! Иә, бұл менмің. Мені ораудан алып шыққандарың қандай жақсы болды! Ол жерде тар, әрі қап - қараңғы. Ал, мұнда сондай тамаша екен! Мен де сендермен жаңа жалды қарсы алайыншы, сендермен бірге қызықты ойынды ойнайыншы!Ойын: «Кім жеңеді?» (4 орындықпен)Жүргізуші: Балалар, бізде шыршамыз бар, әдемі киінген балаларымыз бар, ата - аналарымыз, көрермендеріміз де бар екен, енді, біздің жаңа жылдық мерекемізге кім жетпейді?Балалар: Аязата, Ақшақар.Жүргізуші: Кәне, онда Аязатаны шақырайық. Бар дауыспен "Аяз ата,Ақша қар"-деп айқайлайық.Балалар: Аязата,Ақша қар (деп 2 рет айтқанда, есік ашылады да, Қоян кіріп келеді.)Қоян: Ойбай түрлерін қара! Неге тамақтарынды жыртып жатырсыңдар?!Жүргізуші: Ал, сен неге амандаспайсын? Әдепті адам алдымен амандасып алады дегенді білмейсің бе?Қоян: Білсем бұйырмасын!Жүргізуші: Сен өзі қайдан шықтың? Біз Аязатаны шақырып едік қой?!Қоян: Ал, мені мерекеге неге шақырмайсындар? Аязата сендерге бәрібір келмейді, өйткені мен ормандағы жол көрсететін белгіні алып тастадым, енді…