Қуыршақ қонаққа келді, мектепке дейінгі сабақ жазбасы

І кіші тобындағы ұйымдастырылған оқу қызметінің технологиялық картасы

Білім беру саласы: «Қатынас» Бөлімі: Тіл дамыту Тақырыбы: «Қуыршақ қонаққа келді» Мақсаты: балаларға ыдыстар мен тағамдардың аттарын айтуды үйрету. Міндеттері: Білімділік: оларды ажыратуға жаттықтыру Дамытушылық: қонақ күту ережелерін дамыту. Тәрбиелік: қонақжайлыққа баулу. Демонстрациялық материал: шай ішіп отырған қыз баланың суреті Таратпалы ыдыстар мен тағамдардың суреттері. Керекті құралдар: Ойыншық ыдыстар, тағамдар. Сөздік жұмыс: ыдыс, тағам, қара, ақ, тәтті Қостілдік компонент: ыдыс – посуда, тағам – еда.

Қызметінің кезеңдері

Тәрбиешінің әрекеті

Балалардың әрекеті

Мотивациялық -қозғаушылық

Шаттық шеңберіне тұрғызу.

Арайлап атқан таңымыз аппақ,

Арайлап атқан таңымыз ашық,

Арайлап атқан таңымыз жарқын,

Арайлап атқан таңымыз қуанышты болсын!

Балалармен сәлемдесіп, олардың назарын шай ішіп отырған қыз бейнеленген суретке аударады.

Суреттен не көріп тұрсыңдар?

Иә, қыз бала шай ішіп отыр.

Үстелде тұрған заттардың аттарын айтайық.

Мынау – нан, шай, қант, тәрелке, шәйнек, кесе. Нан, қант, шай тағамдар деп аталады. Кесе, шәйнек, тәрелке ыдыстар деп айтылалады.

Дыбыстық жаттығуы: Ыс – ыс – ыс – ыдыс. Ғам- ғам – ғам – тағам.

(Осы кезде сөздік жұмысы жүргізіледі).

Балаларға қайталатады. Ыдыстарға тағамдар салынады. Ыдыстардың түрлерін, үлкен – кішілі -гін сұрайды. Қандай , шай екенін сұрайды. Ақ, қара, тәтті деген сөздерді айтқыза -ды. Топтағы ойыншық ыдыстарды әкелулерін сұрайды. Олармен ойнайтындарын айтады.

Дөңгелене кілемде тұрады.

Көңілдене қимыл-қозғалыс жасайды.

Суретке көңіл аударады.

Сұрақтарға қуана жауап береді.

Аттарын айтуға талпынады.

Ыдыстар мен тағамдарды ажыратуға, білуге тырысады.

Сөздерді қайталайды.

Қандай? сұрағына дұрыс жауап беруге ұмтылады. Ойыншық ыдыстарды қуана әкеледі.

Ұйымдастыру - іздестіру

Ғажайып сәт.

Қонаққа қуыршақ Айжан келеді.

Айжан бізге қонаққа келді. Қазақ – қонақшыл халықпыз. Қонақты күтуді, сыйлауды білуіміз керек. Қәне, Айжанға шай жасайық деп ұсыныс жасайды. Қантты, нанды тәрелкеге, шайды шәйнекке салып, шай дайындап, кесеге құямыз, - деп айтып, үйретіп отырады.

Сергіту сәті:

Орнымыздан тұрамыз,

Аяқты нық басамыз,

Бір отырып, бір тұрып,

Біз тынығып аламыз.

Қолымызды жуамыз,

Алжапқышты байлаймыз.

Дастарқанды жасаймыз,

Ыдыстарды қоямыз.