Қыс тақырыбы бойынша ашық сабақ балабақшаға

Күні: 29.11.16.

Білім беру саласы: Таным

Ұйымдастырылған оқу қызметі: Жаратылыстану

Тақырыбы: Қыс келді.

Мақсаты-міндеттері:

*Қыстың өзіне тән белгілерімен, қардың қасиетімен, құстар мен жабайы жануарлардың тіршілігіндегі өзгерістермен таныстыру.

*Қарапайым себеп-салдарлық байланыстарды орната білулерін дамыту. Қойылған сұрақтарға толық жауап беруге және ауызекі сөйлеулерін дамытып сөздік қорларын молайту.

*Байқағыштыққа, білуге құмарлыққа тәрбиелеу.

Әдіс-тәсілдер: Түсіндіру, әңгімелеу, өлең оқу, сұрақ- жауап, ойын.

Алдын-ала жүргізілетін жұмыстар: Серуен кезінде шана тебу, аққала соғу.

Қолданылатын көрнекіліктер: Қысқы табиғат суреттері, үлестірмелі материал.

Билингвалдық компонент: аққала-снеговик, аққала-snowman; шана-сани, шана- sledge; қар-снег, қар- snow.

Оқу әрекет

Кезеңдері

Тәрбиешінің іс-әрекеті

Балалардың

іс-әрекеті

Мотивациялық қозғаушы

Шаттық шеңбер:

Қайырымды жандар айнала,

Шеңберге келсін жайлана.

Жалықпастан қайта біз,

Сүйеміз барлық әлемді,

Әлемдегі бар елді.

Бақыттымыз осы біз.

Балалар шеңбер бойымен тұрып, бірге қосылып айтты.

Іздену

ұйымдастыру-шы

-Қазір жылдың қай мезгілі?

-Ауа райы қандай?

-Айнала қандай?

Слайдпен (видео ролик) қыс мезгілін көрсету.

-Қане, балалар қыс мезгілінің ерекшеліктерін айтыңдаршы?

-Не жауады?

-Қардан не жасаймыз?

-Қане, барлығымыз «қар», «қыс», «аққала» сөздерін үш тілде айтайық.

Билингвалдық компонент:

Аққала - снеговик - snowman;

Шана – сани - sledge;

Қар – снег - snow.

Сергіту сәті:

Боран соқты оң жақтан,

Боран соқты сол жақтан.

Қар лақтырып ойнасақ,

Су өтеді қолғаптан.

-Балалар, қыс келді, айналаның бәрін ақ қар басты. Қыста ауа райы суық болады. Қар жауады. Балалар қармен ойнайды. Енді мен сендерге осы қыс мезгілі туралы өлең оқып берейін, сендер мұқият тыңдап отырыңдар.

Аяз қысып, өрнек сызып,

Терезеңді торлайды.

Қарға омбығып, бет домбығып,

Сырғанап жастар ойнайды.

Бөбектерім айтыңдаршы,

Бұл қай кезде болады?(Ш.Ахметов)

Балалардың назарын тақтаға аудару

Сурет бойынша өз ойларын айтуға мүмкіндік беремін.

-Қыста балалар немен сырғанайды?

-Балалардың киімдері қандай?

-Суретте Сәбит Айгүлді шанамен сырғанатып жүр. Айгүл көңілді ме?

-Ол не үшін көңілді?

-Арман мен Асқат не істеп жатыр?

-Аққала қандай? Аққала қардан соғылған домалақ қыс кейіпкері.

Логикалық ойын: «Пішіндерді тап»

Мақсаты:Балаларды пішіндерді айыра білуге және ойлау қабілеттерін дамыту.