Қысқа саяхат ашық сабағы ерекше балаларға арналған

Сабақтың тақырыбы: "Қысқа саяхат"

Сабақтың мақсаты:

1.Білімділігі - Балалардың қыс мезгілі жайында алған түсініктерін қорытындылау. Қыс мезгіліне тән ерекшеліктерін ажырата білуге,сурет мазмұнына сай әңгіме құрап айтуға, өз ойын толық жеткізе білуге үйрету.

2.Дамытушылығы - Табиғат көрінісін сипаттап, балалардың қысқы ойындарының қызықтарын әңгімелету арқылы танымдық - тілдік қабілеттерін дамыту,сөздік қорын молайту.

3.Тәрбиелігі -Табиғатты аялауға, әсемдікті сезініп, көре білуге тәрбиелеу.

Әдіс -тәсілі: Сұрақ -жауап, әңгіме құрау, алгоритм.

Көрнекіліктер: мазмұнды суреттер.

Сабақ барысы: І.Ұйымдастыру кезеңі.

1.Сәлеметсіздер ме, менің кішкентай достарым. Мен сендерді ең сұлу жыл мезгіліне қонаққа шақырамын, ал оны өздерің табасыңдар.

Аяз қысып,

Өрнек сызып,

Терезені торлайды.

Қарға омбығып,

Бет домбығып,

Сырғанап балалар ойнайды.

Кейде ұлып,

Кейде ысқырып,

Ұйытқып боран соғады.

Балаларым, айтыңдаршы,

Бұл қай кезде болады? (Қыс)

- Жарайсыңдар балалар, қыс мезгілі екен.

- Ал енді қыс мезгілінің ерекшеліктері қандай? Алгоритм бойынша айту.

- Ауа райында өзгеріс болады. Қар жауады, аяз болып, боран соғады.

- Адамдар жылы киімдер киеді.

- Үлкендер қорада малдарға қарайды.

- Жұстарға жем береміз,олар қардан жем тауып жей алмайды.

- Ормандағы аңдар ұйықтайды: аю, тышқан,кірпі..

- Балалар шанамен ойындар ойнайды- Ал, балалар, сендер қыстың қай уақытта болатынын білесіңдер ме? Қыстың келгенін неден білеміз? (Балалардың жауабын тыңдау).

-Күнтізбелік бойынша қыс 1-желтоқсаннан басталады. Біз қыстың келгенің қар жауып, күннің суытқанынан, судың мұз болып қатқанынан білеміз. Күн қысқарады,ерте батады.- Желтоқсан - жылдың аяғы, қыстың басы ол, суық, ызғарлы.

- Қаңтар - жыл басы, қыстың ортасы, ол ең қарлы ай, бұл айда қатты суық, үскірік аяз болады.

- Ақпан - жел мен боранның айы. Бұл айда ең ауыр, әрі суық, дүлей боранды.

- Балалар, біз тоңбас үшін үстімізге қандай киімдер киеміз?

- Бас киім, үстімізге тон, аяғымызға етік, қолымызға қолғап киеміз!

- Өте дұрыс айтасыңдар.

-Балалар қазір 4 топқа бөлінеміз.

Бірінші топ -" Ғылым" орталығы.

Екінші топ - "Тіл дамыту" орталығы.

Үшінші топ - "Ұқыпты бала" орталығы

Төртінші топ - "Білгіштер " орталығы

Тапсырмалар беру.

1. "Ғылым орталығы " балаларына берілетін тапсырмалар.

Тәжірибе арқылы мұздың қасиетімен таныстыру. Сұрақтарға жауап беру:

- Қар қалай жауады?