Қысқы қызықтар ойын-сауығына арналған материал

Атырау облысы

Махамбет ауданы

«Жауқазын» бөбекжай-бақшасы.

«Таңшолпан» ересек тобындағы «Қысқы қызықтар» ойын- сауығы.

Тәрбиеші : Даришева Қалампыр Жолдыбайқызы

2020-2021 оқу жылы

Қаңтар айы.

«Қысқы қызықтар » ойын- сауығы.

Мақсаты: Балалардың қыс туралы түсініктерін кеңейтіп, қыс мезгілінің басқа жыл мезгілдерінен өзгешелігін түсіндіру.Қысқы табиғат көрінісін, қысқы ойындар түрлерін атап, мазмұнын меңгерту. Қоршаған ортаға деген сүйіспеншілігін арттыру. Бала денесін ойын арқылы қозғалысқа келтіріп, таза ауада шынықтыру. Іс- әрекетке деген қызығушылығын ойын арқылы қалыптастыру.Балалардың салауатты өмір салтын сақтау, дені сау, рухы таза ұрпақ тәрбиелеу.

Тәрбиеші:

Уақытты мол бөлеміз

Қыс қызығын көреміз

Сары аязға шыңдалып

Шымыр болып өсеміз!

Балалар көңіл күйлерің қалай?

-Тамаша.

-Ендеше біз «Тамаша» ойынын ойнап жіберейік

Ойын шарты:Мен сендерге жақсы сөз айтсам, сендер жақсы тамаша деп жұдырықты түйіп бас бармақтарыңды көтеріп бір- бірлеріңе көрсетесіңдер.

Тамаша.

-«Жауқазын» бөбекжай-бақшамыз қандай? (Тамаша)

-«Қыс» мезгілі қандай? (Тамаша)

-Қар жауған ше? (Тамаша)

-Балалардың күлгені қандай? (Тамаша)

-Менің осы айттып тұрған сөздерім қандай? (Тамаша)

Далада боран ұлиды,

Суыта алмай жылы үйді

Терезеден қараймыз,

Қысқы ойынға тоймаймыз.

Қысқы табиғат, жылдың қыс мезгілі туралы айтта отырып, балаларды таза ауаға ойынға шақыру.

Балалар орындауында Абай Құнанбаевтың «Қыс» өлеңі

Ақ киімді денелі ақ сақалды

Соқыр мылқау танымас тірі жанды

Үсті басы ақ қырау түсі суық

Басқан жері сықырлап келіп қалды

Дем алысы үскірік аяз бен қар

Кәрі құдаң қыс келіп әлек салды

Ұшпадай бөркін киген оқшырайтып

Аязбенен қызарып ажарланды

Бұлттай қасы жауып екі көзін

Басын сіліксе қар жауып мазаңды

Борандай бұрқ-сарқ етіп долданғанда

Алты қанат ақ орда үй шайқалды.

Бақтияр:

Далада қар борайды

Ақ мамыққа орайды

Мұз болады қатады

Жып-жылтыр боп жатады.

Айзере:

Қыс келді,қыс келді

Ақтарып ақ қарды

Жол аппақ түске енді

Аралап қайтайық

Ақ күміс бақтарды

Амина:

Аппақ, аппақ жапалақтап

Қар жауады тынбастан

Қалың орман, қар жамылған

Маужырайды түнгі аспан

Мейірхан:

О, алақай қыс келді

Бізге қуаныш әкелді

Далаға қарға оранды,

Бала біткен қуанды

Елемейді ешкімде

Суық пенен боранды

Күні бойы тынбайды

Суығына тоңбайды.

Ұлан:

Қонақтайды бақтарға

Ақ көбелк, ақ мамық

Аунап таза ақ қарға

Балалар жүр мақтанып

Тазарып бар кір- шаңнан

Қыс өнерін бастады.

Терезеге қыраудан

Сурет салып тастады.

Айша:

Ақ жамылған атырабым

Қар борайды, борайды