Қыз еркем, анасымен көркем мерекелік сайыс

Атырау облысы

Жылыой ауданы

Құлсары қаласы

КМҚК «Аққайың» ясли бақшасы

Тажигалиева Куралай Жолдасовна

«Қыз еркем-анасымен көркем»

(Ертеңгілік)

Мақсаты: Аналарды қыздармен бірге сайысқа қатыстыра отырып, олардың халық ауыз әдебиеті, салт-дәстүрі туралы білімдерін байқау. Ән-би, қолөнер тәрізді халықтық өнерден хабарын білу. Аналардың мектеппен тығыз байланысын арттыру.

Көрнекілігі:Нақыл сөздермен, түрлі-түсті шарлармен, қабырға газетімен безендірілген.

1-жүргізуші:Ана үш-ақ әріптен құралған «Ана» сөзінің астарында үлкен мән жатқанын кез келген саналы азаматтың ұғынары сөзсіз. Тіршіліктің қайнар көзі, мейірімнің кәусар бұлағы- Анадан артық қасиетті, киелі ештеңе жоқ. Әлемге әйгілі ақын –жазушылар мен ғұламалардың Ана жайлы тебіреніп, жазып қалдырған асыл сөздері қаншама.

«Анасы бар адамдар, ешқашан қартаймайды» демекші, әрқашан аман жүріңіздер, аяулы жандар.

Байқауға қатысатын қыздарымызды аналарымен ортаға шақырайық.

1.Қуантады білімімен Нұрбану қыз,

Қол соғып анасымен қарсы аламыз.

Білімің серік болсын талабыңа,

Бүгінгі қабыл болып тілегіміз.

2. Бәріміз жақсы көретін,

Анасын әркез сүйетін

Келесі біздің Динара қыз2

Шырқап ән салып беретін.

Келесі біздің Динара қыз

Шырқап кән салып беретін.

3.Сабырлы әрі салмақты,

Салтанат біздің ардақты,

Қиялға қиялменен қарыштайды

Өнерін анасына бағыштайды.

4.Қазақтың қызы ғой ол елін сүйген,

Бойына әдептілік нәрін түйген

Анасын әрқашанда сыйлап өтер

Жанат қыз орындалсын басты арманың.

5.Құлпырған дала гүліндей,

Жүресің әркез күлімдей.

Аман болсын анашың,

Ару қыз, арманыңа жет сүрінбей.

6.Қыздардың бәрі сұлу салсаң назар,

Бәрі де арманына қолын созар.

Жүрегіңнен анаңа арнап ән шығарсаң,

Әсемгүл қыз, анашың өнеріңе ырза болар.

1-жүргізуші: Ұлтымыздың салт-дәстүрін қадірлейік,

Жастарды имандылыққа әзірлейік.

Тәрбие мен білімді тең игерген,

Болашағы қазақтың деп тілейік.

2-жүргізуші:Бүгінгі сайысқа тобымыздың ару қыздарымызбен бірге он саусағынан өнер тамған, сұлу қадірлі аналарымыз қатысқалы отыр.

Сайысқа қатысушы топтар өздерін таныстырып өтеді.

Бірінші топ: «Қыз Жібек»

Екінші топ: «Баян Сұлу»

Ι тур. «Сөздің көркі - мақал»

Мұнда алдымен сұрақтың жауабын тауып, сол сөзге байланысты мақал айту керек.

1-жүргізуші:

1.Теспес жерді тескен,

Сол тесікте өскен. (Тышқан)

Өлі арыстаннан, тірі тышқан артық.

2.Төрт аяқты шалғы,

Орып кетер малды. (Қасқыр)

Бөрінің аузы жесе де қан, жемесе де қан.

3.Ұзын мұртты сарылар,

Қойынында наны бар. (Бидай)

Арпа, бидай ас екен.

Алтын, күміс тас екен.

4.Бір ғажап бар тілі жоқ,

Сөйлеп берсе міні жоқ. (Хат)