Қыз қылығымен көрікті 4 сыныпқа арналған сынып сағаты

Тақырыбы:«Қыз қылығымен көрікті»

Мақсаты : Қыз балалар тәрбиесін, қыз баланың әдептіліктің, әдеміліктің, сұлулықтың жаршысы екенін сөз ету.

Көрнекілігі: бейне көрініс, слайд Өту барысы:І Кіріспе.Бүгін «Қыз қылығымен» атты тәрбие сағатымыз қыздар күніне арналады.«Қыздарға әсемдік жарасады» демекші қыз балалар тәрбиесін, қыз баланы әдеміліктің, әдептіліктің, жан – жақты сұлулықтың жаршысы екенін сөз етпекпіз. Біздің халқымызда қыз деген сөздің өзі әдеміліктің, жан – жақты сұлулықтың символы ретінде қолданылады.

Қыз емес, қыздың аты – қызыл алтын,Көрінер толған айдай жүзі жарқынҮлкеннің алдын орап, сөз сөйлемес,Халқының сақтай білген ізгі салтын. - дегендей бұл қыздардың әдепті, көрікті болғанын аңғартады. «Қыз – елдің көркі, гүл – жердің көркі» деген де мақал бар. Осының бәрі де қыз баланың сүйкімділігінен, нәзіктілігінен, әр іске талапты да алғырлығынан, өнер – білімге бейім тұратын сергектігінен шыққан сөздер болса керек. Халқымыз қыз баланы ардақтап ұстайды, оған қатты сөз айтпай, мәпелеп өсіреді.ІІ бөлім. Қыздар туралы мақал – мәтелдер, нақыл сөздер айтуМұғалім: Қыз бала және оның тәрбиесі жөніндегі мақал – мәтелдер біздің өмірімізде елеулі орны бар. Енді сол мақал – мәтелдерге құлақ түре отырып, мағынасын ашу.

«Қыз өссе, елдің көркі, гүл өссе, жердің көркі»« Қыз — өмірдің қызғалдағы»« Қыз қуыршақ, ұл – құлыншақ»« Ұлың өссе, ұлы жақсымен ауылдас бол,Қызың өссе, қызы жақсымен ауылдас бол.»« Қыз балаға қырық үйден тыйым»« Қызым — үйде , қылығы – түзде»« Қыз қылығымен әдемі»« Қыздың жиған жүгіндей»«Қарындасын сыйламағанның қары сынсын.»III бөлім .Сұлулық сыры.Мұғалім: Қазақ қызы десе , беті ашық, бірақ жүзінде ұяңдық бар, шашы ұзын, басқан ізі білінбейтін жан елестейді.Құлағымызға шолпының сыңғыры келеді. (шолпы таққан қыз суреті көрсетіледі.)Қазіргі қыздарға тән ұзын шаш жойылып кеткен жоқ, қайта көбейіп келеді. Бұрымды бүгін жырласақ оның әсемдікке қатысы болғаны да. Бұрым меніңше әсемдік, әдемілік қатарына кіреді. Қыз бойындағы алғашқы көзге ұрар әсемдік осы. Ендеше жақсы сөзді аямайық.IV бөлім. «Сезім – адамдық қасиет.Қыздарға арналған Ә. Нұршайықовтың « Автопортрет» еңбегіндегі «Қыздарға кеңес» ақыл –нақыл сөздері.

Қыздар!— Әдемі болыңдар, әсем болыңдар, сонымен бірге ақылды болыңдар !— Сұлу болыңдар, сымбатты болыңдар, сонымен бірге саналы болыңдар !— Инабатты болыңдар, ілтипатты болыңдар, сонымен бірге ұйымшыл болыңдар !— Ұйқышыл болмаңдар, ұмытшақ болмаңдар ұрысқақ болмаңдар !Ән айту мен би билеу де әсемдікке жатады, ендеше кезекті әнге береміз.Ән: Қыздар, қыздар сұлу қыздар.V бөлім. Қорытынды.

Бабаларым қыздарды қадірлеген,Қыз баладан басталар өмір тереңАуыл көркі қыз болып, ән айтылып,Күн болмаған сазды күй төгілмеген.

Өйткені, қыз бала тәрбиесі баршаның ісі. қыздарымызды –қылықты, Қыздарға айтарым « қазақ қызы» деген қастерлі де қасиетті атқа лайық болыңдар. Білімді де тәрбиелі қырдың қызғалдағындай жайнап өсе беріңдер.

Өзіңді сұлумын деп есептейсің бе? (қыздар үшін)

1. Айнаға қарағанда қандай сезімде боласың?

А) Қуанамын, менің көңіл күйім көтеріледі – 3 балл

Ә) Айнаға тек бетіме крем жағып, шаш тарау үшін ғана қараймын – 0 балл

Б) Бет-әлпетім өзіме ұнаса, ұзақ қараймын, ал ұнамаса, мүлдем қарамаймын – 2 балл

В) Айнаға қараған сайын әдемі екенімді көргім келеді, алайда олай емес – 1 балл

2. Отбасында ең сүйікті адаммын деп ойлайсың ба?

А) Бұл атаққа басқа аға, әпкелерім ие болды – 2 балл

Ә) Жоқ отбасымда әпке, ағаларым көп, сондықтан ең сүйіктісі болмадым – 0 балл

Б) Иә, қазірдің өзінде ата-анам, әже-атам, туыстарым еркелетеді – 3 балл

В) Жоқ, болған емеспін, себебі үйдің үлкені болдым – 1 балл

3. Өзіңнің тартымды екеніңді жиі айтатын кім?

А) Ешкім, өмірімде ешкім айтқан жоқ – 1 балл

Ә) Жақын туыстарым, достарым – 0 балл

Б) Барлығы, мен ондай сөзді екінің бірінен естимін – 3 балл

В) Мен тартымды екенімді құрбыларымнан жиі естимін – 2 балл

4. Сенің ойыңша көрікті адам өмірінде қандай жетістіктерге жетеді?

А) Бақытқа – 1 балл

Ә) Сенімділік пен тәуелсіздікке – 2 балл

Б) Материалдық тұрғыдан толық қамтамасыз етіледі – 3 балл

В) Жақсы келбет адамға ештеңе бермейді. Адам жетістікке тек өзінің еңбекқорлығымен, өнерімен қол жеткізеді – 0 балл

5. Сен сымбатты ұлды немесе қызды көрген кезде не істейсің?

А) Ұлдарға бірден ғашық боламын, ал қыздарға қызғанышпен қараймын – 1 балл

Ә) Олар маған мүлдем қызық емес – 0 балл