Қыз сыны байқауын өткізуге арналған тәрбие сағаты

«Қызылқұм аруы - 2016» іс-шарасының сценариі

Өтетін күні: 21.03.2016 ж.

Өтілетін орны: Акт залы

Өтілетін уақыты: 9:00

Cахна мерекеге сай безендірілген. Баннерде тақырып ілінеді. Көңілді әуен ойналып тұрады.

Фанфар үні беріледі. Жүргізушілер шығады.

Жүргізушілер: Қасымбай Салтанат - І жүргізуші

Махан Ілияс - ІІ жүргізуші

ІІ жүргізуші: Армысыздар ағайын!

І жүргізуші: Бармысыздар жиылған қауым!

ІІ жүргізуші: Наурыз мерекесі құтты болсын!

І жүргізуші: Ұлыстың ұлы күні сіздерге, сіздердің отбасыларыңызға бақыт пен береке алып келсін!

Бүгінгі мерекелік І жүргізушіты іс-шарамызды ашу үшін мектебіміздің директоры Кекилова Жәмилә апай Өтегенқызын шақырамыз!

ІІ жүргізуші: Тыңдаңыздар,тыңдаңыздар!

Сіздер менен мұнда біз бар,

Орталықтың сарайында

Бақ сынамақ ару қыздар7

І жүргізуші: Патшалығы дарындылар,

Тәлімі мол танымды ұғар

Дүбірлі думан өткелі тұр,

Сырын шертпек жалын жырлар!

ІІ жүргізуші: Иә,иә…Ханшайымның алтынмен апталған,күміспен қапталған алтын тәжі кімге бұйырмақ?

І жүргізуші: Әрине, ол он саусағынан бал тамған қас шеберге,ай десе аузы ,күн десе көзі бар көркіне ақылы сай аруға бұйырмақ!

- Ендеше елеулі оқиғаның куәсі болуға шақырамыз!

ІІ жүргізуші: Келіңіздер!

І жүргізуші: Көріңіздер!

Бірге: Тамашалаңыздар!

ІІ жүргізуші: Бүгінгі «Қызылқұм аруы – 2016» атты ару қыздарымыздың байқауын ашық деп жариялаймыз!

І жүргізуші: Атам қазақ қыз тәрбиесіне ерекше көңіл бөліп, құрметпен қараған. Өн бойына тәлім-тәрбиенің негізін қалап, үй шаруасын ептеуге баулыған. Бүгін біз сол өнегенің жалғасын тауып, үрдіске айналғанын қалаймыз.

ІІ жүргізуші: Ендеше кештің жүргізушілерімен таныс болыңыздар. Ол – ай десе аузы бар, күн десе көзі бар, жаңашылдыққа жаны құмар, белсенді, сыныбының мақтанышы: Қасымбай І жүргізуші!

І жүргізуші: Байқаудың кезекті жүргізушісімен таныс болыңыздар. Ол – сұңғақ бойлы, сыр мінезді, алға қойған нақты мақсаты бар, күміс көмей әнші – Махан ІІ жүргізуші! Қошеметтеріңіз!

ІІ жүргізуші: І жүргізуші, сөзді көп созбай, әдептен озбай, өзімізді мақтаудан қалған уақытты бүгінгі қатысушыларымызға берейік!

І жүргізуші: Әр таңды бақытпенен аттырамыз,

Өнерді ой көгінде бақылаңыз,

Сайысқа қатысуға келіп тұрған

Аруларды ортамызға шақырамыз!

ІІ жүргізуші: Сахна төріне үміттерін үкілеп келген аруларымызды шақырайық. Қарсы алыңыздар!

І жүргізуші: Мың бұралған арулар билей басып,

Келеді міне ортаға толқып, тасып.

Аруларын сыйлаған халқым менің,

Көңілді қошеметпен қарсы алайық!

ІІ жүргізуші: Ақша бетті Айдана,

Ұқсайды хор қызына!

І жүргізуші: Арайлым қыз елгезек,

Алады тез тіліңді!

ІІ жүргізуші: Ақерке қыз білімді,

Меңгерген бар ілімді!

І жүргізуші: Ұстазын анасындай құрметтеген,

Жаны мөлдір, ісі жоқ дүрмекпенен.

Гүлім қыз ұстазының айнасы ғой,

Сегіз қырлы бір сырлы болсам деген!

ІІ жүргізуші: Аққу құстай қанат қағып самғаған,

Адал жолмен арам іске бармаған,

Адамдықты жаны сүйген қашаннан

Ақторғын да қатарынан қалмаған!

І жүргізуші: Атыңнан айналайын Сара деген,

ісіңе сенің жақсы баға берем,

Жеңіс туын тігерсің болашақта

Үміті зор мектептің саған деген!

ІІ жүргізуші: Сыпайы оның мінезі,

Күліп жүрер ақырын.

Қыз сынына кеп қапты

Тал шыбықтай Жұлдызай.

І жүргізуші: Аруларымызбен таныс болсақ, қыздарымызды реттік нөмір алуға шақырамыз.

ІІ жүргізуші: Ендеше, байқауымыздың кезекті шарттарымен таныс болыңыздар:

1-кезең «Таныстыру». Бұл кезеңде аруларымыз өздерін таныстырып өтеді.

І жүргізуші: 2-кезең «Қыз еркем, қылығымен көркем» деп аталады, яғни бұл кезеңде аруларымыз өз өнерлерін көрсетеді.