Қызыл телпек ертегісі сыныптан тыс жұмысқа

«Қызыл Телпек» ертегісі

Мақсаты: Балаларға ертегіні тыңдатаа отырып, бір-біріне көмектесуге, қиналған кезде жәрдем беруге үйрету. Табиғатты сүюге, аялауға, қамқор болуға тәрбиелеу. Ертегі арқылы адамгершілікке, мейірімділікке баулу.

Баяғыда бір деревняда кішкентай қыз өмір сүріпті. Сүйкімділігі сондай, оған тең келетін ешкім болмапты. Анасы оны жанындай жақсы көреді екен. Ал әжесі болса одан да артық көріпті.

Туған күніне әжесі оған қызыл телпек сыйлапты. Содан бастап ол үнемі сол әдемі бас киімін тастамай киіп жүріпті. Көршілер ол туралы:

- Әне, Қызыл Телпек келе жатыр,- дейді екен.

Бірде анасы бәліш пісірді де, қызына:

-Қызыл Телпек, әжеңе бәліш пен бір құмыра майды апарып берші, әрі амандығын біле кел,- дейді.

Қызыл Телпек жолға жиналып, көрші ауылда тұратын әжесіне жол тартты. Орман ішімен келе жатса, алдынан Қасқыр шыға келеді.

Оның Қызыл Телпекті жегісі келіп еді, жақын жерде ағаш шауып жатқан отыншылардан жасқанды.

Тілін жаланған Қасқыр қыздан:

-Қайда бара жатырсың, Қызыл Телпек?- деп сұрады.

Ал Қызыл Телпек болса, орманда келе жатқанда, тоқтап қасқырмен сөйлесудің қандай қатерлі екенін білген жоқ.

Қасқырға амандасқан ол:

-Әжемнің халін біліп, әрі бәліш пен бір құмыра май апарып берейін деп бара жатырмын,- деп жауап береді.

-Әжең алыста тұра ма?-дейді Қасқыр.

-Өте алыста, дейді Қызыл Телпек,- Анау көрінген деревняда, диірменнің артындағы ең шеткі үйде тұрады.

-Жарайды,-деді Қасқыр,- мен де сенің әжеңнің жағдайын біліп қайтайын. Мен мына жолмен жүрейін, ал сен анау соқпаққа түс. Кім бұрын баратынын көрейін.

Осылай деді де Қасқыр төте жолмен жорта жөнелді. Ал Қызыл Телпек ең ұзын жолмен асықпай, жол бойы гүл теріп, гүлдесте жинайды.

Ол диірменге жетем дегенше Қасқыр қыздың әжесінің үйінің есігін қақты: Тоқ-тоқ!

-Бұл кім?- деп сұрайды әжей.

-Бұл мен, немереңіз Қызыл Телпекпін,- деп жауап береді Қасқыр дауысын жіңішкертіп.-Мен сізге қонаққа келдім, бір құмыра май мен бәліш әкелдім.

Қыздың әжесі бұл кезде төсек тартып, ауырып жатқан еді. ЛОл шынымен Қызыл Телпек екен деп:

-Жіпті тарт, қарағым, сонда есік ашылады,- деді.