Қызыққа толы бұл әлем тақырыбындағы тәрбие сағаты

О.Тұрмағанбетұлы атындағы Жаңаөзен мұнай және газ колледжі

БЕКІТЕМІН

Директордың тәрбие ісі

жөніндегі орынбасары

________Искакова Р.Д.

10.02.2017 жыл

Ашық тәрбие сағаты

Тақырыбы: «Қызыққа толы бұл әлем»

Оқытушы: Исағалиева З.А.

Топ: 1ЭВТ а- 16Б

Жаңаөзен, 2017 жыл

Тәрбие сағатының мақсаты:

Білімділік: Адамзат мәдениетінің ғажайып ескерткіштерімен, яғни сәулет және мүсін өнерінің керемет тамаша үлгілерімен таныстыру. Әлемнің кереметтері халықтардың мұрасы екендігін үғындыру.

Тәрбиелік: Дүние жүзілік дамудағы адамзаттың орны ерекше екендігін және ол жасаған бүкіл әлемдік құндылықтарды білетін, оларды өз отаны - Қазақстанның дамуы үшін пайдалануға ынталы, жан-жақты жетілген азаматтарды қалыптастыру, тәрбиелеу. Эстетикалық тәрбие беру.

Дамытушылық: Білімге құштарлықтарын арттыру. Өз бетінше ізденуге үйрету.

Тәрбие сағатының көрнекілігі: баяндау, суреттер, слайд, бейне материалдар, интербелсендітақта,

«Жаратылыстың қолынан бәрі де келеді және ол бәрін де жасайды». (Мантень)

Әлемді түгел көрсе де,

Алтын үйге кірсе де,

Ай нұрын ұстап мінсе де -

Қызыққа тоймас адамзат.

Бұқар Қалқаманұлы

І жүргізуші:

«Күн батты ма, түн келді ме, таң атты ма қайтадан,

Құдіретті тірлігіңе кірістің бе қайта, Адам?

Ар ма өмір, бар әлемді бауырына алып шайқаған!

Әлем – дарқан, саялаңдар, бәріңе де орын бар.»

– деп ақын Мұқағали ағамыз шын айтқан.

ІІ жүргізуші:

Иә, адамның өмірі бүкіл әлеммен тығыз байланысты. Әлем – адамның жарық дүниеге көзін ашқаннан тербеткен бесігі. Әлем – ол дарқан, кең, құдіретті.

Бізді қоршаған әлем үнемі өзгеріп отырады. Адам баласы түйсік сезімі арқылы өзі өмір сүріп жатқан әлемін танып біледі. Әрине, әлем өрісінің, жаратылыс құбылысының әлі де жете танылмаған аясы кең.

І жүргізуші:

Әлемде талай қызық бар, бәрімізге таныс осы сөзді, о баста кім айтсада, өте орынды айтқан. Иә, төрткүл дүниенің қызығы таусылған емес. Көркіне көз тоймас табиғаттың тамаша жерлері қаншама. Қазір сондай керемет жерлердің бірімен таныс болайық.

Бейнеролик «су асты саябағы»

Табиғат – үздік суретші сынды, бірақ оның жасағанын адам баласының қолы өзгертіп, сол өзгерткені ерекшелік болып көрінетіні бар. Яғни, антропгендік өзгерістер. Бұл үдерістің нәтижесі бүгінгі таңда дамыған технологиямен бірге жаңалықтың соңын ала жаңалық беріп жатыр. Бұл ретте оқырмандарға төрткүл дүниедегі өзіндік ерекшелігімен өзгешеленетін су асты саябағы туралы айтпақпын.

Аустрия жерінде Grüner See (Жасыл өзен) атты таңғажайып мекен бар. Бұл жерден тамыз-сәуір айларының аралығында жасыл шалғынды, әдемі орындықтар қойылған, жанға жайлы саябақты көріп, серуен құруға болады Ал көктемде қар мен тау мұздарының еру әсерінен бұл жерді су басып қалады да, тереңдігі 4-5 метрлік өзенге айналып шыға келеді. Кейде, өзен деңгейі 8 метрге дейін жетеді. Дәл осы мезгілде мөлдір судың астындағы өзенасты саябағын тамашалауға болады. Жай күндері адамдар демалатын орындықтар айналасында жүзіп жүрген балықтарды көріп, таң-тамаша боласыз. Ал талдар мен жолдар және көпірлер ертегі әлемін бейнелейді.Мамыр мен шілде айларында бұл көл айырықша әдемі, көз жауын алады.

Жасыл көл фаунаға өте бай. Мұнда ұлулар, дафния шаяндары, крабтар, шіркейлер және форельдың сан алуан түрі бар. Дайверлер үшін тамаша жер. . Саяхатшылар бұл жерге табиғаттың әсем көрінісін тамашалауға ыңғайлы орындарға отырып-ақ қызыққа қанады. Ал жазда көлдің көлемі ұлғайып, 2 метрге тереңдейді. Сол уақытта жасыл бақ судың астында қалады. Тап-таза, мөп-мөлдір су карст тауларындағы қардың еруінің нәтижесінде пайда болады. Жаз кезінде судың деңгейі 12 метрге дейін көтеріліп, маңайындағы саябақтың жолдары, орындықтары жұмбақ Атлантидаға айналады

Жасыл өзен Аустрияның Трагос ауылында орналасқан. Жасыл өзен өзінің атауын меруерттей жасыл әрі мөлдір суының арқасында иемденген. Өзен – әлемдегі ең таңғажайып табиғат құбылыстардың бірі.

Қыстыгүні қарапайым өзендерден еш айырмашылығы болмайтын Жасыл өзен жылы маусымдарда қаланың қарбалас тіршілігінен демалуға таптырмас мекендердің бірі. Ерекшелігі - қыс кезінде де клумблар мен аллеялар өз қалпын бұзбайтыны.

ІІ жүргізуші:

Табиғат жаратылысында шек жоқ! Біздің әлем ғажайыпқа толы. Өзінің сұлулығымен, сәулетімен таң қалдырған ғимараттар мен құрылыстар ғажайып кереметтер қатарын құрайды. Адамдар еріксіз назар аударатын дүниелер жасауды тоқтатқан емес. Гете архитектураны «үнсіз музыка» деп атаған. Көне заманда адамның шебер қолдарымен көптеген керемет туындылар салынған. Соның бірі – «Ежелгі әлемнің жеті кереметі».Бұл жерлерді жылына миллиондаған саяхатшылар тамашалайды.

Бейнеролик «7 керемет»

Иә, әлемнің қызығы таусылмақ емес. Әлемдегі кейбір таңғалдырып, таңдай қақтыратын құрылымдары адам қолымен жасалады. Әлемнің еті кереметі де адамдардың туындысы. Бірақ бұл бейнематериал Тәж-Махал немесе Эйфель мұнарасы жайлы емес. Әлемге әйгілі Колизей және Ұлы Қытай Қорғанынан бөлек әлемде одан да басқа таңғажайм ғимараттар мен сәулет өнерінің туындылары жетерлік!

100 жылдық Дженнен жұмалық мешіті – әлемдегі саз балшықтан жасалған ең үлкен ғимарат. Ескі Дженне қаласының құрамындағы бұл мешіт 1988 жылы ЮНЕСКО-ның әлемдік мұрасының тізіміне енген болатын.

Чанд Баори – Үндістандағы Раджастхан ауданынан 95 шақырым жердегі Абанери қалашығында орналасқан ежелгі сәулеттің таңғажайып үлгісі саналатын баспалдақты құдық әлемнің ешбір жерінде кездеспейді. . Төңкеріліп тұрған пирамиданы еске түсіретін бұл алып құрылыс жер астына 30 метрге дейін тереңдікке кетіп жатыр. Оның үш…