Р дыбысын машықтандыру ашық сабағы

Сабақ жоспары

Сабақтың тақырыбы: «Р» дыбысын сөз, сөйлемде машықтандыру.

Сынып: 1-сынып оқушылары

Мектеп: 72 ЖББМ

Мұғалімнің есімі: Турсынбай Шолпан

Сабақтың мақсаты:

Түзетушілік-білім беру:

- оқушыларды «Р» дыбысын сөзде, сөйлемде дұрыс айтуға жаттықтыру

Түзетушілік-дамытушылық:

- артикуляциялық аппараттарын дамыту;

- фонематикалық есту қабілеттерін дамыту, дыбыстық талдау-жинақтай білуге бейімдеу.

- сөздік қорын байыту, ұсақ моторикасын дамыту.

Тәрбиелілік: тапсырманы мұқият, тиянақты орындауға тәрбиелеу.

Сабақ әдісі: сұрақ-жауап, ойын, көрнекілік, жұмбақ, ребус

Сабақтың типі: шағын топтық

Сөздік жұмыс: шатыр, шарбақ

Көрнекі құралдар: «Р» дыбыстарының профилі, айна, артикуляциялық жаттығулар, жапсырма суреттер, желім, жемістер мен көкөністердің муляждары, жануарлардың ойыншықтары, себет.

Сабақтың жоспары

Жоспарланған кезең

Логопедтің іс-әрекеті

Оқушының іс-әрекеті

Сабақтың басы

І. Ұйымдастыру кезеңі

Сәлемдесу. Психологиялық ахуал туғызу.

Сәлем, сәлем, сәлем,

Дейді бізге әлем!

Жақсы көңіл күймен

Сәттілік саған тілеймін мен!

Әңгімелесу.

Бүгінгі ауа-райын сұрап-білу.

ІІ. Өткен сабақты қайталау.

1.«Р» дыбысының жасалу жолын кім айтады? (профиль)

2.«Артикуляциялық жаттығулар»

«Желкен», «Кесе», «Тәтті тосап», «Ат шабысы», «Саңырауқұлақ».

Оқушылар мұғаліммен қосылып сәлемдеседі

Өз ойларын айтады

- Еріндер арасы ашық;

Жоғарғы төменгі тістер арасы алшақ;

Тіл ұшы жоғарғы тістен ары қарай көтеріледі, тілдің шет жақтары азу тістерге жабысып тұрады;

Ауа ағымы тіл ұшы арқылы өтіп, қатайып тұрған тіл ұшын қозғалтып дірілдетеді.

Оқушылар мұғалімнің нұсқауымен тілге арналған жаттығуларды жасайды

Сабақтың ортасы

ІІІ. Жаңа сабақ.

Балалар, бүгін біздің сабаққа арыстан келіпті. Оның аты - Роки.

Балалар, арыстанның тұратын үйі жоқ екен. Ол сендерден көмек сұрай келіпті.

«Үйшік құрастыр» ойыны

Кім қай бөлшегін жабыстырғанын, оның түсін сұрау.

Сендер нені құрастырдыңдар? Оны кімге жасадыңдар?

Дәптермен жұмыс.

Сөздік жұмыс: «Шатыр», «шарбақ».

Рокидің есік алдында раушан гүлі өсіпті. Олар нешеу екен?

Фонематикалық есту қабілетін дамыту.

Тапсырма: «Себетті толтыр».

Роки бақшасында жемістер мен көкөністер өсіріпті. Атауында «Р» дыбысы кездесетін жемістер мен көкөністерді себетке салайық.

(жеміс-жидектердің, көкөністердің муляждарын беремін).

Фонематикалық талдауын дамыту.

Балалар, Рокидің үйіне қонақтар келіпті. Қонақтардың ішінен кім бірінші келгенін анықтайық. (Жануарлардың ойыншықтары)

«Р» дыбысын сөйлемде машықтандыру