Р және л дыбыстарын ажырату логопедтерге арналған материал

САБАҚ ЖОСПАРЫ

Сабақтың тақырыбы: [ Л] –[Р] дыбыстарын қысқа әңгімеде, ертегіде ажырату

Сабақтың мақсаты: [ Л] –[Р] дыбыстарын еркін ажырату, сенімді сөйлеуді қалыптастыру.

Түзетудегі мақсат: дыбысты дұрыс айтуға тілді жаттықтыру, үйрету.

Тіл байлықтарын, сөйлеу шеберлігін дамыту.

Көрнекіліктер: Мәтін

Ұйымдастыру:Амандасу

Сабақ барысы:

Үй жұмысын сұрау. Баланы мақтау

[Л]-[Р] дыбыстарын анық айтып әңгімені мазмұндап айтып бер.

Мұрын мен тіл туралы.

Катяның екі көзі, екі құлағы, екі қолы, екі аяғы, ал тек бір тілі және жалғыз мұрны бар.

–Апа, айтшы,– деп сұрайды Катя,– неге менде бәрі екеуден, ал тіл мен мұрын бір-біреуден?

–Сүйіктім,–деп жауап береді апасы,– сенің көп көруің, көп тыңдауың, көп жұмыс жасауың,көбірек жүруің, аз сөйлеуің және пұшық мұрныңды көрінген жерге тықпауың үшін.

Міне, сол себептен тіл мен мұрын бір-біреуден болады.Е.Пермяк.

Аударған А.Д.Сейсенова

Сұрақтарға жауап бер:

-адамның неше көзі, аяғы, қолы, тілі, мұрны болады?

-Катя апасынан не деп сұрайды?

-апасы не деп жауап береді?

Ертегіні мәнерлеп оқып беріп, сөйлемдерде кездесетін Р, Л дыбыстары бар сөздерді таптырып, дәптерге жаздыру.

Шұбар тауық ертегісі

Баяғыда бір атай мен әжей күнін әзер көріпті, екеуінің жалғыз шұбар тауығы болыпты. Тауығы жұмыртқа тауыпты, анау-мынау жұмыртқа емес, өзі алтын жұмыртқа екен.Атай ұрып –ұрып әлгі жұмыртқаны жара алмапты.Әжей ұрып-ұрып жара алмапты.Тышқан ерсілі-қарсылы зырлап бағыпты, құйрығын бұлғап қалыпты, жұмыртқа жерге түсіп кетіпті, түбіне сол жетіпті.

Кемпір мен шал жылапты, тауық сонда жұбатты: Жыламашы, аташым! Мұңаймашы,әжешім! Жұмыртқа тауып беремін, алтын емес, жылтылдақ, ас боларын-керегін.

Сұрақтарға жауап бер:

-ата мен әжеге шұбар тауық не тауып береді?

-ата жұмыртқамен не істеіді№

-ал әжей ше?

-жұмыртқа неге сынып қалады?

-тауық ата мен әжені не деп жұбатты?