Рухани білім беру курсы туралы эссе

Эссе тақырыбы:Рухани білім беру курсы мені қалай өзгертті.

Мен Арипова Улбала Ариповна Мақтаарал ауданында Өзін-өзі тану пәнінен өтілген курстан алған әсерім.

Мектеп-білім ошағы, тәрбие ортасы, тағылым табалдырығы. Осы ұлағатты ұяда жоғары ізгілік мұраттарының ең құндысы рухани-адамгершілік тәрбие берудің ошағы «Өзін-өзі тану» пәні десем қателеспеймін. Ал өзіңді алға қарай жетілдіру және бойыңда жақсы мінез-құлық қалыптастыруда ең алдымен өз-өзіңнен басталады. Өйткені, өзіңнің кім екеніңді, қандай екеніңді білмесең, жетілдіру тәрбиесінің қай бағытта жүретінін және қандай мінез-құлықын дамыту қажеттігін білу қиын.

Еліміздің бірінші ханымы Сара Алпысқызы Назарбаеваның бастамасымен білім беру үрдісіне енгізілген рухани-адамгершілік тәрбиеге күш берген «Өзін-өзі тану» бағдарламасы осы рухани-адамгершілік тәрбиеден бастау алып, жан-жақты жетілген тұлғаны дамытуды қолдайды. Біздің халқымыз үшін жан-жақты жетілген тұлға, ең алдымен ұлттық тәрбиенің нәрімен сусындап, бала бойына жастай ұлттық тәрбиені сіңіру. Осы адами қасиеттерді жүзеге асыру біздің негізгі мақсатымыз. Осы мақсатта жүзеге асыру үшін «Өзін-өзі тану» пәні бойынша білім бөлімінің басшылығымен курс ұйымдастырылды.

Курыс тақырыбы: «Өзін-өзі тану» пәнін оқытудың ғылыми-әдістемелік негіздері». Курста бізге дәрістер мен тәжірибелік сабақтар көбінде шынайы өмірден дәлелді мысалдармен түсіндіріп отырғаны ұнады. Курстан өзіме білім мен қызықты қажетті ақпараттар алдым. Курс заман талабына сай әр түрлі тақырыптарда және қызықты және жоғары дәрежеде жүргізілді. Осы курстың жүргізілуі менің жұмыс істеу қабілетіме көп әсер етіп, шабытымды оятты. Себебі курс барысында адамгершілік құндылық қасиеттерге байланысты топтық, жұмыстар жасауда, сыныптан тыс өткізілетін ісшараларды топпен орындау арқылы өзімді толғандырып жүрген мәселемнің шешімін таптым. Сондай – ақ мағыналы дәріс тыңдап, топпен жұмыс жасау арқылы білімімді толықтырдым. Курс барысында ұлы Абайдың қарасөздері, ұлы адамдардың ұлағатты сөздерін тыңдап, адамгершілік-рухани қасиеттер туралы білімімді жетілдірдім.

Курстың алғашқы күнінде «Мен кіммін», «Мен не істей аламын» деген сұрақтарға ішкі дауысымызбен жауап бердік. Адам үнемі жаман ойдан арылып, жарқын ойға шомылу қажет. Себебі нұрлы оймен адам өзіне сенім ұялатады.