Рухани келісім және бейбітшілік туралы материал

Мусаева Сабира Қостаевна

Қызылорда облысы, Жалағаш

ауданы, М.Шаменов ауылындағы

№ 34 Ә.Бердаулетов атындағы орта

мектептің қазақ тілі мен әдебиеті

пәнінің мұғалімі

Рухани келісім – бейбітшілік кепілі

Бірлігі берекелі, тірлігі мерекелі, ынтымағы жарасқан елдің ғана ырысы мен табысы мол болмақ.

Н.Ә.Назарбаев.

Бүгінде дінаралық диалог, өзара рухани келісім мен түсіністік, сыйластық, татулық мәселелері әлемдегі барлық елдер үшін өзекті мәселеге айналып отыр.

«Адамдықты айт, ерлікті айт,батырлықты айт,

Ел бірлігін сақтаған татулықты айт»,-

деп Жамбыл бабамыз айтқандай, 18 қазан – Рухани келісім күні болып жариялануы біз үшін үлкен мәртебе! Бұл қазіргі күні кезек күттірмес келелі мәселелердің шешімін табудың таптырмас мүмкіндігін туғызып отыр.Әсіресе, еліміз Қазақстанның көпұлтты және әртүрлі –конфессияаралық , келісімді сақтау тәжірибесін әлем елдері мойындап өздеріне үлгі алуда. Ол Елбасымыздың дана салиқалы саясатының жемісі екені сөзсіз. Елбасымыз өз сөзінде, мемлекет саясаты дінді қолдауға бұрылды, ендігі мақсат иманды ибалы ұрпақ тәрбиелеу деп сарабдал шешім қабылдады.

Қазақстан 130 ұлт пен ұлыс ынтымақтастықта, тату – тәтті өмір сүріп жатқан киелі мекен. Мен Қазақстанды бейбітшіл, бірлігі жарасқан, көптеген ұлысты бір шаңырақтың астына біріктірген, бірлік пен берекені ту еткен мемлекет!- деп бағалаймын.

Діни-рухани келісімнің дамуына қоғамда, мемлекетте мүдделі. Қазіргі кезеңде діннен, рухани сенімнен айырылған қоғам құлдырауға жақын тұратындығын тарихтың, уақыттың өзі дәлелдеуде.

Қазақстан өзінің көп конфессиялық және этникалық әралуандығымен ерекшеленетін әлемдегі аздаған елдердің бірі. Конфессияаралық келісім діни саладағы мемлекеттік саясаттың негізгі басым бағыты болып табылады. Қазақстан Президенті Нұрсұлтан

Назарбаев толеранттықпен этносаралық татулықты «Біздің елдің жетістіктерінің басты сыры»,- деп атады.

Бұл жағдайда тағы бір ескеретін нәрсе ол конфессияаралық келісімнің негізіндегі қазақстандық қоғамның өн бойына жалпыазаматтық сана, дәстүрлі қазақ менталитеті және елдегі түрлі диаспоралардың өзіндік ерекшеліктерін жинақтаған рухани ауызбіршілігі. Қазақстан мемлекетінің рухани бағдарына сүйене отырып, оның көпконфессиялы және көпэтникалы халқы өз өмірлеріне батыл және сенімді түрде жол салуда.

Көптеген елдер тарихынан білетініміздей, әртүрлі құбылмалы және қиын-қыстау кезеңдерде мемлекет ішіндегі халықтың ынтымақ-бірлігі осындай тығырықтардан алып шығады. Экстремизм мен терроризм әрекеттері әлемдегі тепе-теңдікті…