Рухани жаңғыру аясындағы тәрбие жұмысының ұстанымдары

«Рухани жаңғыру» бағдарламасы аясында білім беру ұйымдарында тәрбие жұмысын іске асырудың негізгі ұстанымдары

Рухани жаңғыру дегеніміз бұл- адамның сана-сезімі мен ішкі дүниесінің жаңаруы, жаңа өзгерістерді жан-тәнімен қабылдауы деп есептеймін. Менің ойымша, «рухани жаңғыру» өркениетпен бірге көтеріліп, онымен қатар жүріп дамуы тиіс.Тарихқа көз жүгіртсек өскен ұлттың одан әрі дамып,өрби түсуіне осы «рухани жаңғыру» себеп болған. Бұған тарихымызда болған көне заманғы көрікті қалалармен ондағы қайталанбас мәдени мұралар мен ескерткіштер нақты дәлелдер деп айтуға әбден болады дер едім. «Рухани жаңғыру» бағдарламасы негізінде, Елбасымыз ұсынған бірнеше жүйелі ұсыныстарды мен былай деп түсіндім:

Бәсекелестік. Бұл- еліміздің өркениетті елдер қатарында болу үшін, XXI ғасырдың талаптарына сай болып,жаһандық жүйеге сапалы табыспен кіруі.

Прагматизм. Ұлттық қазыналарымызды сақтап,қорғап қалпына келтіру,бір мақсатты ұстап межеге жету,елге жаппай келіп,орнығуға тырысып жатқан түрлі саяси идеологияларға тосқауыл бола білу, яғни келер ұрпаққа өзіміздің құндылықтарымыздың бәрінен де артық екенін екшеп көрсетіп беру.

Ұлттық бірегейлікті сақтау. Бұл- ұлттық код,ғасырдан ғасырға жетіп келе жатқан ұлттық салт-санамыз,қайталанбас дәстүрлерімізбен мәдениетіміз.Осылар кез келген қазақтың бойында өз қалпын бұзбай, толығымен жалындап жанып, болмысымыздан мен мұндалап жарқырап көрініп тұруы тиіс.Сонда ғана біздің ісіміз алға басып, ұрпағымыздың алдында өз парызымызды орындағанымызды мойындатып дәлелдей аламыз.

Білімнің салтанат құруы.Еліміздің табысқа жетуінің тізгіні- білімді де білікті жастардың қолында,осыған баса назар аударып, қазіргі таңдағы тиімді де, ұтымды білім бағдарламаларының бәрін батыл түрде енгізіп,қолданып, ұрпағымыздың білімі - кез келген дамыған мемлекеттердің жастарының білім деңгейімен тең дәрежеде болып, олармен қай салада болсын бәсекелесе алатындай деңгейге жеткізуіміз керек. Оған қажетті мүмкіндіктердің бәрін де беруге, толық және жан-жақты меңгертуге міндеттіміз.

Міне,осындай мәселелер бойынша, Қазақстан жаңа эволюциялық түрде дамуы тиіс. Қазіргі біздің ғасырымызда болып,өтіп жатқан түрлі әлемдік қасіреттермен қателіктерден сабақ алып, әр елде дүрбелең туғызып жатқан түрлі жағдайлармен экономикалық күйреуге апаратын толқыныстардың алдын алып,елімізге революциялық емес эволюциялық жаңару әкелуіміз керек деп өзімізге мақсат тұтуымыз керек.Сонымен бірге,ішкі руханиятымызды жаңғыртып,сыртқы өзгерістердің жақсы жағын ғана қабылдап,жаңғырудың даңғыл жолына түсудің дара жолын таңдауымыз тиіс. Олай болса,…