Рухани жаңғыру іс шарасына арналған сценарий

«Рухани жаңғыру – дәуір талабына сай жаңғыру»

танымдық кештің сценариі

Кештің мақсаты: Рухани жаңғыруды сипаттау және патриоттық сананы ынталандыратын ұлттық құндылықтарды жаңғырту;Оқушылардың бойында ұлттық сананы ояту, жас ұрпақ санасына, туған халқына деген құрмет, сүйіспеншілік, мақтаныш сезімін ұялату, ұлттық рухты сіңіру.Нәтижесінде: Оқушылар рухани жаңғырудың – табысты ел болуымыздың кепілі екенін, заман ағымына сай жаңғыру екенін түсінеді.Түйінді идея: Рухани жаңғыру болашаққа бағдарКөрнекіліктер: интерактивті тақта, ноутбук, нақыл сөздер, суреттер,кітан көрмесі, қолөнер көрмелері.

Кеш 7-сынып оқушыларының биімен басталады.

1-жүргізуші:- Амысыздар, құрметті қонақтар мен ұстаздар және кешке қатысушы оқушылар!

2-жүргізуші: «Рухани жаңғыру- дәуір талабына сай жаңғыру» атты кешімізге қош келдіңіздер!

1-жүргізуші:

Таныстырылым:Қазақстан Республикасының Президенті Нұрсұлтан Әбішұлы Назарбаевтың 2017 жылды 12 сәуірде «Болашаққа бағдар: рухани жаңғыру мақаласы жарияланған болатын.

2-жүргуші: Еліміз жаңа тарихи кезеңге аяқ басты. Біздің мақсатымыз айқын, бағытымыз белгілі, ол – әлемдегі ең дамыған 30 елдің қатарына қосылу. Мақсатқа жету үшін біздің санамыз ісімізден озып жүруі, яғни одан бұрын жаңғырып отыруы тиіс.

1-жүргізуші: Елбасы Н. Ә. Назарбаевтың «Болашаққа бағдар: рухани жаңғыру» мақаласы отанды сүюге, өз елін, тарихын білуге, жалпыадамзаттық құндылықтар мен терең көзқарастарды сіңіру арқылы таным белсенділіктерін арттыруға бағыттау.

2-жүргізуші: Жалпыадамзаттық, мәдениетаралық білімдері мен сыни ойлау, зерттеушілік дағдылары дамыған, отансүйгіш тұлға. Өзінің даму барысында, өмір бойы оқуға қабілетті, жоғары адамгершілік құндылықтары бар, жоғары білімді, зияткерлік жеке тұлғаны тәрбиелеуге бағытталған мектеп қауымдастығын құрудың арқасында Қазақстандық патриотизмді әр оқушының бойына өмірлік принциптері ретінде қалыптасатырамыз.

Видеоролик көрсету.

«Оқушылар сәлемдемесі» 3-сынып оқушылары1 - оқушы: Мәңгілік ел – Мәңгілік ел ата - бабаларымыздың сан мың жылдан бергі асыл арманы. Ол арман – әлем елдерімен терезесі тең қатынас құратын, әлем картасынан ойып тұрып орын алатын тәуелсіз мемлекет атану еді.

2 - оқушы: Ол арман – тұрмысы байқуатты, түтіні түзу ұшқан, ұрпағы ертеңіне сеніммен қарайтын бақытты ел болу еді.

3 - оқушы: Біз армандарды ақиқатқа айналдырдық. Мәңгілік елдің іргетасын қаладық.Біз үшін болашағымызға бағдар ететін, ұлтты ұйыстырып, ұлы мақсаттарға жетелейтін идея бар.Бәрі: Ол – Мәңгілік ел идеясы. (бәрі бірге)

4 - оқушы: Тәуелсіздікпен бірге халқымыз мәңгілік мұраттарына қол жеткізді.Біз еліміздің жүрегі, тәуелсіздігіміздің тірегі – мәңгілік елордамызды тұрғыздық.

5 - оқушы: Қазақтың мәңгілік ғұмыры ұрпақтың мәңгілік болашағын баянды етуге арналады. Ендігі ұрпақ – мәңгілік қазақтың перзенті. Ендеше, қазақ елінің ұлттық идеясы – мәңгілік ел!.

6 - оқушы: Мәңгілік ел ұғымын ұлтымыздың ұлы бағдары – «Қазақстан 2050» стратегиясының түп қазығы.«Қазақстан 2050» – мәңгілік елге бастайтын ең абыройлы, ең мәртебелі жол.

Мәңгілік Ел болу біздің өз қолымызда. (бәрі бірге)

1-жүргізуші: Жүргізуші: Елбасы Нұрсұлтан Әбішұлы Назарбаев:- « ХХІ ҒАСЫРДАҒЫ ҰЛТТЫҚ САНА ТУРАЛЫ Күллі жер жүзі біздің көз алдымызда өзгеруде. Халқымның тағылымы мол тарихы мен ықылым заманнан арқауы үзілмеген ұлттық салт - дәстүрлерін алдағы өркендеудің берік діңі ете отырып, әрбір қадамын нық басуын, болашаққа сеніммен бет алуын қалаймын»-дейді.

2-жүргізуші: Елбасы Нұрсұлтан Әбішұлы Назарбаевтың «Болашаққа бағдар: рухани жаңғыру» бағдарламасына 4-сынып оқушылары қысқаша шолу жасайды.

1-оқушы.

1.Бәсекелік қабілет .Қазіргі таңда жеке адам ғана емес, тұтас халықтың өзі бәсекелік қабілетін арттырса ғана табысқа жетуге мүмкіндік алады.

2-оқушы.

2. Прагматизм . Біз жаңғыру жолында бабалардан мирас болып, қанымызға сіңген, бүгінде тамырымызда бүлкілдеп жатқан ізгі қасиеттерді қайта түлетуіміз керек. Прагматизм – өзіңнің ұлттық және жеке байлығыңды нақты білу, оны үнемді пайдаланып, соған сәйкес болашағыңды жоспарлай алу, ысырапшылдық пен астамшылыққа, даңғойлық пен кердеңдікке жол бермеу деген сөз. 3-оқушы.

3. Ұлттық бірегейлікті сақтау. Ұлттық жаңғыру деген ұғымның өзі ұлттық сананың кемелденуін білдіреді. Ұлттық салт - дәстүрлеріміз, тіліміз бен музыкамыз, әдебиетіміз, жоралғыларымыз, бір сөзбен айтқанда ұлттық рухымыз бойымызда мәңгі қалуға тиіс. 4-оқушы. 4. Білімнің салтанат құруы . Білімді, көзі ашық, көкірегі ояу болуға ұмтылу – біздің қанымызда бар қасиет. Табысты болудың ең іргелі, басты факторы білім екенін әркім терең түсінуі керек. Себебі, құндылықтар жүйесінде білімді бәрінен биік қоятын ұлт қана табысқа жетеді.5-оқушы. 5. Қазақстанның революциялық емес, эволюциялық дамуы Бұл кезеңде елімізде белгілі бір жаңғыру болды.

6-оқушы 6. Сананың ашықтығы

1-жүргізуші: Елбасы Нұрсұлтан Әбішұлы Назарбаевтың «Болашаққа бағдар: рухани жаңғыру» бағдарламалық мақаласы ел дамуының жарқын үлгісі мен нақты қадамдарын көрсететін келелі ой, салиқалы пікір, батыл шешімдерге құрылған маңызды құжат.

2-жүргізуші: Бұл мақалада сананы жаңғырту, ұлттық болмыстан, ұлттық кодтан айырылып қалмай, оны әлемдік құндылықтармен үйлестіріп, Қазақстанның игілігіне жарату жолындағы мақсат - мүдделер туралы өзекті мәселе көтеріліп отыр. Онда ел Президенті Қазақстан үшін қайта түлеудің айырықша маңызды екі үдерісі – саяси реформа мен экономикалық жаңғыруды қолға ала отырып, Біртұтас Ұлт болу үшін болашаққа қалай қадам басатынын және бұқаралық сананы қалай өзгертетіні жөнінде алысты болжайтын көзқарастарымен бөліседі..

1-жүргізуші: Нұрсұлтан Әбішұлы Назарбаевтың «Болашаққа бағдар: рухани жаңғыру» бағдарламалық мақаласы туралы тарих пәнінің мұғалімі Нағашыбаев Бақтияр ағай баяндама жасайды.

2-сынып оқушылары.

Мұғалім: 21 - ғасыр Қазақстанның «алтын ғасыры».- Бұл бейбітшіліктің, тұрақтылық пен гүлденудің ғасыры болады.- Қазақстан халқы ұлы тарихтың иесі атануға лайық.- Біз көздеген мақсатымызға міндетті түрде жетеміз.- Аңсарлы азаттығымыз бен тәу етер тәуелсіздігіміз баянды болсын!- Мәңгілік Ел болу жолындағы ұлы істеріміз жаңа дәуірлерге жол ашсын!

Бәрі:- Біз өз Отанымыздың патриотымыз.- Мы патриоты нашей страны- We are patriots of our countries

1-жүргізуші: Бүгінгі кешіміздің қонағы Қазалы аудандық дін істер басқармасының өкілі ---------------------------------------- сөз кезегін береміз.

2-жүргізуші: Қонағымыздың құрметіне әсем ән жолдаймыз.

Ән: «Туған жер» Орындайтын: Қылышбай Ақерке

1-жүргізуші: Мемлекет басшысы «Болашақа бағдар: рухани жаңғыру» мақаласында 2025 жылдан бастап латын әліпбиіне көшуге кірісуіміз керектігін және болашақта барлық саладағы іс-қағаздар мен оқулықтар да осы қаріппен жазылуы тиіс екенін қадап айтқан болатын.

2-жүргізуші: Жолдауда: «Мемлекет өз тарапынан мемлекеттік тілдің позициясын нығайту үшін көп жұмыс атқарып келеді. Қазақ тілін кеңінен қолдану жөніндегі кешенді шаралар жүзеге асыруды жалғастыру керек»- деп латын әліпбиіне көшудің қажеттілігін атап өтті.

1-жүргізуші: Ендеше кешіміздің қонағы НұрОтан партиясың Қазалы ауданы бойынша кеңесшісі, «Қазалы Жомарт» қоғамдық бірлестігінің төрайымы Иманалиева Гүлдәріге сөз кезегін ұсынамыз.

2-жүргізуші: Қонағымыздың құрметіне қошеметтеп «Атамекен» әнімен Жеткерген Жанымайды сахна төріне шақырамыз.

Ән: «Атамекен» Орындайтын: Жеткерген Жанымай

1-жүргізуші:

Нәсілдерге нәсіл болсын нұрлы күн,

Ынтымақтың шертсем деймін бір жырын

Татулығын жырға қосам ұлттардың

Мақтан қылып ұлыстардың бірлігін.

2-жүргізуші.

Бүгінгі күн- нұрлы күн

Жарық шашқан әлемге

Ескеретін күн бүгін

Ризашылық қой әр елде.

1-жүргізуші: 1 наурыз – Алғыс айту күні. 2016 жылғы 14 қаңтарда Қазақстан республикасының Президенті Н.Ә.Назарбаев Қазақстан халқы Ассамблеясының құрылған күні 1 наурызды елімізде Алғыс айту күні деп жариялап, № 173 Жарлыққа қол қойған болатын.

2-жүргізуші: Алғыс айту күні – күрделі заманда иық тіресе бірге еңсеріп, қысқа мерзім ішінде Елбасының басшылығымен Тәуелсіз Қазақстанды құру жолында аянбай тер төккен еліміздің барлық азаматттарының бір-біріне құрмет білдіретін күн.