Рухани жаңғыру тақырыбына арналған ашық сабақ, 4 сынып

Тақырыбы: «Рухани жаңғыру «100 кітап» »

Мақсаты :

Оқушылардың бойында ұлттық сананы ояту, жас ұрпақ санасына, туған халқына деген құрмет, сүйіспеншілік, мақтаныш сезімін ұялату, ұлттық рухты сіңіру.

Өз елінің тағдырына жауапты екендігін ұғындыру.

«Рухани жаңғыру» бағдарламасы, оны жүзеге асыру үшін 6 арнайы жоба белгіленгені туралы түсінік беру.

Көрнекілігі: Қазақстан картасы, туған жер туралы суреттер жиынтығы, стикерлер, тақырып аты Барысы:1. Ұйымдастыру кезеңі2. Мұғалімнің кіріспе сөзі.Мұғалім:Балалар,біз бүгін не туралы ой бөлісеміз?не туралы айтамыз?Олай болса,біз бүгін осы тақырыпты алуымыз жай емес. Өз Отанын сүйетін әр адам Отанының ,халқының тарихын білуге ұмтылмауы мүмкін емес.Сонымен қатар еліміздің әр азаматы мемлекеттік нышандарды, олардың шығу тарихын білуі міндетті. Өйткені сол тарихты білу бізге бүгінгі күнді бағалауымызға,болашаққа жоспар құруға көмектеседі. — Отан деген сөзді естігендерінде бойларында қандай сезім туады?нені елестетесіңдер?

3.Тақырыпты хабарлау.«Рухани жаңғыру 100 кітап »«Рухани жаңғыру» бағдарламасының негізгі 6 басымдығын(бәсекелік қабілет, прагматизм, ұлттық бірегейлікті сақтау, білімнің салтанат құруы, Қазақстанның революциялық емес, эволюциялық дамуы, сананың ашықтығы) жүзеге асыру үшін 6 арнайы жоба белгіленген.Олар:«Туған жер»;«Қазақстанның киелі жерлері»;«Қазіргі заманғы қазақстандық мәдениет жаһандық әлемде»;«Қазақстанның жаңа 100 тұлғасы»;«Жаңа гуманитарлық білім. Қазақ тіліндегі 100 жаңа оқулық»;«Мемлекеттік тілдің латын қарпіне көшуі».

Қазақстан Республикасының Президенті Нұрсұлтан Назарбаевтың «Болашаққа бағдар: Рухани жаңғыру» атты бағдарламалық мақаласында қоғамдық және гуманитарлық ғылымдарды дамыту бойынша «Жаңа гуманитарлық білім. Қазақ тіліндегі 100 жаңа оқулық» жобасы іске асырылып жатыр.

Оның мәні мынада:

Тарих, саясаттану, социология, философия, психология, мәдениеттану, дінтану, лингвистика, медиа, экономика, менеджмент, кәсіпкерлік, инновация ғылымдары бойынша студенттерге толыққанды білім беруге қажетті барлық жағдайды жасау.

Алдағы бірнеше жылда гуманитарлық білімнің барлық бағыттары бойынша әлемдегі ең жақсы 100 оқулықты әртүрлі тілдерден қазақ тіліне аударып, жастарға дүние жүзіндегі таңдаулы үлгілердің негізінде білім алуға мүмкіндік жасау. 2018-2019 оқу жылынан бастап студенттерді осы оқулықтармен оқыта бастау.

Осыларды қамтамасыз ету үшін қазіргі аудармамен айналысатын құрылымдар негізінде мемлекеттік емес «Ұлттық аударма бюросы» құрылды. Ол Үкіметтің тапсырысы бойынша 2017 жылдың жазынан тиісті жұмыстарды бастап кетті.