Рухани жаңғыру тақырыбындағы патриоттық мақала

№34 орта мектеп

Қалша Данагүл

10-сынып оқушысы

Рухани жаңғыру-кемел келешектің кілті

Қазақ қашанда қазақ болып қалмақ.Ол басынан қаншама зұлмат замандарды өткерді сонда да өз салт-дəстүрін,тілін-ділін,дінін,ұлтын сақтап қалды.Бүгінде қазақ елінің азат,тəуелсіз болғанына 27 жыл толды.Тəуелсіздік алған жылдардан бастап елбасымыз халыққа өзінің жыл сайынғы жолдауын жолдай бастады.Осыншама жылдар ішінде бірталай жұмыстар атқарылды.Оның барлығы да Елбасымыз Н.Ə.Назарбаевтың арқасы.Өткен жылы елбасымыз «Рухани жаңғыру-болашаққа бағдар»бағдарламалық мақаласын жариялады.Елбасы осы мақаласында ұлттық сана категориясына ерекше тоқталып: «Күн санап өзгеріп жатқан дүбірлі дүниеде сана-сезіміміз бен дүниетанымымызға әбден сіңіп қалған таптаурын қағидалардан арылмасақ,көш басындағы елдермен тереземізді теңеп,иық түйістіру мүмкін емес.Өзгеру үшін өзімізді мықтап қолға алып,заман ағымына икемделу арқылы жаңа дәуірдің жағымды жақтарын бойға сіңіруіміз керек»,деп атап көрсеткен.

Мұнда Елбасымыз заман көшіне ілесу қажеттігіне баса назар аударып отырғаны белгілі.Санамызға сіңіп қалған «таптаурын қағидалардан арылу» шынында да маңызды әрі күрделі мәселе екеніне көзіміз жетіп отыр.Өткен ғасырдағы өзімшіл жүйенің өктемдігі ұлттық ой-өрісімізге біршама өзгеріс енгізіп,рухани дағдарысқа түсіргені ақиқат. Оны қайта жаңғырту үшін Елбасы айтқан ұлттық кодымызды сақтай білу керек.Онсыз жаңғыру дегеніңіз құр жаңғырыққа айнауы тиіс деп пайымдаймыз.Әйтпесе ұлттық кодтан айырылған ұрпақ-тамырынан айырылған дарақ секілді.Заман дауылына қарсы қасқайып тұра алмас.

Елбасымыз айтқандай «Қазақстанды дамыған мемлекетке айналдыратын азат ойлы,жаңашыл да жасампаз азаматтары» мына біз қазақ жастары .