Рухани жаңғыру және ата-баба тағылымы туралы материал

Арғы атам келген екен мазар басып,

Туу, сонау Мәдинадан арып-ашып.

Таратпаққа Исламды бейбіт жолмен

Тұрақтапты Сырдың бойын, шөлін басып

Әйел, бала-шағасын, елін тастап,

Жол тартыпты, тіршілігін жиып тастап.

“Құдай бір, Пайғамбар хақ, Сунна ақ” деп

Отыз мың әскер менен қолды бастап.

Тұрақтары Ұлы Жібек жолының бойы екен,

Ол жолдармен кімдер жүріп, кім өтпеген.

Сығанақ деген қаланың әлі орны бар

Жоқшылық пен таршылықты еш көрмеген.

Әбу-Бәкір аса әділ, Сыддық атам

Пайғамбарға қызын берген, ата болған.

Мың жарым жыл бұрын уағыз айтып,

Мұхаммедтің қатар, сырлас,досы болған.

Мұхаммедтің әйелі –Бәкірқызы Айша ана,

Ақылына көркі сай, болған дана.

Суырып салма, айтыскер, кемеңгер қыз

Әлемдегі мұсылманға болған пана.

Сырдың бойы ол кезде дала болды,

Кейінірек қатар қонған қала болды.

Сауда-саттық, егіншілік, кәсіп қылып

Аң аулап, қоралары малға толды.

Елден мешіт, медреселер аштыртыпты,

Дінді елге уағыздапты, таратыпты.

Пайғамбарға шын берілген Сыддық ата

Адамдарды бір Аллаға қаратыпты.

Шаршамады бабалар, не көрмеді,

Жау талады, таптады, берілмеді.

Еңбегің еш кеткен жоқ, әзиз Баба

Ұрпағың бар артыңда небір сері.

Содан бері мыңдаған жыл өтіпті,

Сыддық ата ұрпақтары көбейіпті.

Басым көбі Жаңақорған ауданында

Шорнақ, Сығанақ жерлерін мекен етіпті.

Әбу-Бәкір ас-Сыддық Ата мен Сунақата бабаға арнау

Жетпіс жыл қарсы тұрды кәпір талай,

Сонда да дінді сақтап қалдық қалай?!

Қиындықта бір жағадан бас шығарып

Қазақпен араласып кеттік осылай.

Орнаған елімізде тек тыныштық,

Жатқан жоқ па дінсіздер ажал құшып.

Қожа-Сунақ болмаса дінді әкелген

Жүрмес пе едік бір-біреуден пұт құшақтап

Қазақтар дастарқанын жимаған ел,

Қонағын құдайындай сыйлаған ел.

Қожа, Сунақ молдасын төрге оздырып

Бар тапқанын шашу үшін жинаған ел.

Мың жылдық құда болдық қазақпенен,

Қазақтың жері де кең, елі де кең.

Ағайын дауласпайық, жауласпайық

Тек қана еңбек керек, бейнетпенен.

Бергі атам Сунақата әулие адам болған,

Ел-жұртына, халқына адал болған.

Артына өлмес, өшпес із қалдырып

Салдырған, мешіт, сарай, қала, қорған

Атаның тұлғасы алып, мінезі кішік болған,

Өзі көркем, келбетті, ұлық болған.

Қазақ елін біліммен сусындатып