Рухани жаңғыру және ұлттық ойындар мектепке дейінгі топ

БҚО Казталов ауданы Ақпатер ауылы «Балапан» бөбекжайы

Тәрбиешісі: Имашева Жаңылсын. «Еркетай» ортаңғы тобы.

«Рухнаи жаңғыру. Ұлттық ойындарды дәріптеу.»

Асық ойыны.

Мазмұны:

-Асықты бала кезден ойнап өстік. Асық ойынының бала денсаулығына тигізер пайдасы көп. Бұл ойын баланы жігерлендіре, ұстамдылыққа,байсалдылыққа дәлдікке, мергендікке, ептілікке жеңіске құштарлыққа, намысқойлыққа, әділдікке баулу.

Тәрбиелік мәні:

Ұлтымыздың негізсіз ұмытылып бара жатқан ойынын жаңғырту туралы түсінік беріп ,қызығушылығын ояту.

Асық ойыны, баланың күн ұзақ қимылына тигізер пайдасы мол.

Ойын барысында: « Жүгіру», « жүру», «иілу», «секіру», «сақа иіру», «көздеп тигізу» «лақтыру», «ату» т.б.

Асықтың түрлері:

Асық-төрт түлік малдың ішінде қой мен ешкінің тілерсегінде,асықты жілік басында орналасқан асық жіліктен алынды. Шымыр сүйек. Оның түрлері көп. Атап айтқанда:

Сақа –асықтың үлкен әрі шымыр түрі.Бұл асық еркек қойдан (серкеден) немесе қошқардың-текеден алынады.

Кеней- көпшілік ойнауға арналған қарпайым асықтар .

Шүкейт-жас малдың асығы. Ешкімек –ешкінің асығы. Қойлық –қойдың асығы. Топай-сиырдың асығы. Қазақта асық қасиетті саналады. Ойын барысында балаларымызға асықтың тұрысының атауларын айтып түсіндіре отырып ойнатқан жөн. Асықты оңқай, солақай екенін ажыратуға үйрету.

Асықтың тұрысының атаулары:

Алшы-асықтың тәйкеге қарама –қарсы жағы, яғни алшы тұруы.

Тәйке-асықтың алшыға қарама-қарсы жағы.

Бүге-асықтың дөңкес жағының жоғарғы жағы.

Шіге-асықтың қуыс жағының қарап түсуі.

Омпы-асықтың ашасы немесе мұртша жағы жоғары қарап түсуі немесе тік тұрып қалуы.

Шоңқай-асықтың омпаға қарсы жағымен тік түсуі.

«Асық ойыны – ұлттық ойын». Ұлтымыздың негізсіз ұмытылып бара жатқан ойынын жаңғырту, бабаларымыздың ойыны туралы түсінік беріп, жас жеткіншек балаларымыздың бойына ойын арқылы жеткізу, түсінік беріп қызығушылығын ояту біздің басты мақсатымыз.

Қорытынды: Бүгінгі жас ұрпақты сонау замандардан жинақталған ата-бабаларымыздың мол мұрасымен сусындату біздің міндетіміз. Ұлдың батыр, қыздың әдепті болып қалыптасуы бабалар мұрасына байланысты. Демек, бабаларымыздың өнеге өсиетін пайдалана отырып тәрбиелеу ұлттық тұлғаны қалыптастырды. Ұлттық ойынымыздың бірі – асық ойынымен тереңірек танысу. Келешекте осы ойынды одан әрі дамытып, ұмыт қалдырмай, өздерінен кейінгілерге де жеткізеді деп сенеміз.