Рухани жаңғырудың дара жолы 4 сыныпқа ашық сабақ

РУХАНИ ЖАҢҒЫРУДЫҢ - ДАРА ЖОЛЫ

«Жаңа тұрпатты жаңғырудың ең басты шарты - ұлттық кодыңдысақтай білу. Онсыз жаңғыру дегеніміздің құр жаңғырыққа айналуы оп-оңай».

ҚР Президенті Н.Ә.Назарбаев

Рухани жаңғыру – адам баласының оның ішкі әлемінің жаңаруы, - сана сезімі, жаңа өзгерісті қабылдай білуі.

Осыған орай, Елбасымыз рухани жаңғырудың бірнеше принцптерін ұсынды: Бәсекелестік қабілет – ғаламтанудың жахандық жүйесіне еніп, ХХI ғасырдың талаптарына дағдыланудың қамына кірісу сапалы табыстың кіліті екенін атап айтты.

Прагматизм – ұлан ғайыр қазыналарымызды қалпынша қолданып, қорғау бір мақсатпен көздеген межеге жету арқылы түрлі саяси радикалды идеялогияларға тосқауыл болудың бағдарын ұсынады.

Ұлттық біргейлікті сақтау – Елбасымыз үшінші қағидасында ұлттық код яғни халқымызға тән салт- санамыз, асыл мәдениетіміз бұлардың барлығы өскелең ұрпақ бойында жалындап, үні шырқалып тұруы туралы.

Білімнің салтанат құруы – қазіргі таңда білім бағдарламаларының елімізге ұтымды үлес қосып келе жатқанын айта келіп, табыс тізгіні білімді болашақ жастардың қолында екеніне баса назар аударуда.

Қазақстанның революциялық емес, эволюциялық дамуы – ХХ ғасыр қасіреттерін қаперімізге сақтап, одан сабақ алу және де дүрбелең туғызу экономикалық күйреуге алып келетінін қазіргі кезде болып жатқан әлемдік толқыныстарды мысалға келтіреді.

Жалпы айтқанда, бұл Елбасымыздың ұтымды қағидасы, халыққа деген үндеу өсиеті деп білемін.

Ішкі руханиатымыз арқылы, сыртқы өзгерістерді жақсы жағынан қабылдап, жаңғырудың даңғыл жолына түсуге, қолдауға көшбасшымыз болашақ өскелең ұрпаққа дара жол көрсетіп отыр. Бұл меңзеген дара жолмен биік шыңдарды бағындырайық.

Ұлт жоспарын орындауда әр саланың өзіндік үлесі болса, жас ұрпақты жаңа қоғам мүшесі етіп білім мен тәрбие беруді жаңаша құру, оны осы Елбасымыз көрсетіп отырған талаптарға сай орындау деп білемін.