Рухани жаңғырудың жарқын жолы сыныптан тыс жұмыс

№1 Алматы қазақ мемлекеттік гуманитарлық педагогтік колледжі

Рухани жаңғырудың жарқын жолы.

Оқытушы: Ташкеева Жанар Тлеубековна

Тақырыбы: РУХАНИ ЖАҢҒЫРУДЫҢ ЖАРҚЫН ЖОЛЫ

Мақсаты: Рухани жаңғыруды сипаттау және патриоттық сананы ынталандыратын ұлттық құндылықтарды жаңғырту, білім алушылар бойында ұлттық сананы ояту, жас ұрпақ санасына туған халқына деген құрмет, сүйіспеншілік, мақтаныш сезімін ұялату, ұлттық рухты сіңдіру.

Жанар: Армысыздар құрметті оқытушылар мен білім алушылар «Рухани жаңғырудың жарқын жолы» атты конференциямызға қош келдіңіздер.

Аружан: Елбасы Нұрсұлтан Әбішұлы Назарбаевтың «Болашаққа бағдар: рухани жаңғыру» бағдарламалық мақаласы ел дамуының жарқын үлгісі мен нақты қадамдарын көрсететін келелі ой, салиқалы пікір, батыл шешімдерге құрылған маңызды құжат. Еліміз жаңа тарихи кезеңге аяқ басты. Тұтас қоғамның және әрбір қазақстандықтың санасын жаңғыртудың бірнеше бағытын атап өтті.

1. Адилям: Бәсекелік қабілет.

Бәсекелік қабілет қазіргі таңда жеке адам ғана емес,тұтас халықтың өзі бәсекелік қабілетін арттырса ғана табысқа жетуге мүмкіндік алады. Бәсекелік қабілет дегеніміз - ұлттың аймақтық немесе жаһандық нарықта бағасы, я болмаса сапасы жөнінен өзгелерден ұтымды дүние ұсына алуы. Бұл материалдық өнім ғана емес сонымен бірге білім, қызмет, зияткерлік өнім немесе сапалы еңбек ресурстары болуы мүмкін. Болашақта ұлттың табысты болуы оның табиғи байлығымен емес, адамдарының бәсекелік қабілетімен анықталады. Сондықтан, әрбір Қазақстандық сол арқылы тұтас ұлт 21ғасырға лайықты қасиеттерге ие болуы керек. Сол себепті «Цифрлы қазақстан», «Үш тілде білім беру», «Мәдени және конфессияаралық келісім», сияқты бағдарламалар - ұлтымызды, барша қазақстандықтарды 21ғасырдың талаптарына даярлаудың қамы.

2. Айгерім: Прагматизм

Сананы өзгертудің бір жолы- бұл прагматикалық ойлау жүзінде іс жасау. Яғни , кез келген істіе белгілі бір мақсатқа жетуді көздеу әрі мақсатқа жету жолында барлық мүмкіндіктерді пайдалана отырып, қандай да бір пайдалы нәтиже шығару. Біз жаңғыру жолында бабалардан мирас болып, қанымызға сіңген, бүгінде тамырымызда бүлкілдеп жатқан ізгі қасиеттерді қайта түлетуіміз керек. Прагматизм – өзіңнің ұлттық және жеке байлығыңды нақты білу, оны үнемді пайдаланып, соған сәйкес болашағыңды жоспарлай алу, ысырапшылдық пен астамшылыққа, даңғойлық пен кердеңдікке жол бермеу деген сөз.

Жанар:Ұлттық бірегейлікті сақтау: Ұлттық жаңғыру деген ұғымның өзі ұлттық сананың кемелденуін білдіреді.

Оның екі қыры бар.

Біріншіден, ұлттық сана-сезімнің көкжиегін кеңейту.

Екіншіден, ұлттық болмыстың өзегін сақтай отырып, оның бірқатар сипаттарын өзгерту.

Мен қазақстандықтардың ешқашан бұлжымайтын екі ережені түсініп, байыбына барғанын қалаймын.

Біріншісі – ұлттық код, ұлттық мәдениет сақталмаса, ешқандай жаңғыру болмайды.

Екіншісі – алға басу үшін ұлттың дамуына кедергі болатын өткеннің кертартпа тұстарынан бас тарту керек.

Шакурам: қоғамның эволюциялық дамуы қағида ретінде мәңгі тұмшаланудың синонимі емес.Сол себепті, тарихтың ащы сабағын түсініп қана қоймай, өзіміз күнде көріп жүрген қазіргі құбылыстардан ой түйіп, болашақтың беталысына қарап, пайым жасай білу де айрықша маңызды.

Бүгінде революциялар өңін өзгертіп, ұлттық, діни, мәдени, сепаратистік перде жамылды. Бірақ, бәрі де, түптеп келгенде, қантөгіспен, экономикалық күйреумен аяқталатынын көріп отырмыз.

Сондықтан, әлемдегі оқиғаларды ой елегінен өткізіп, қорытынды жасау – қоғамның да, саяси партиялар мен қозғалыстардың да, білім беру жүйесінің де ауқымды дүниетанымдық, рухани жұмысының бір бөлігі.

Айжан: Сананың ашықтығы зерденің үш ерекшелігін білдіреді.

Біріншіден, ол дүйім дүниеде, Жер шарының өзіңе қатысты аумағында және өз еліңнің айналасында не болып жатқанын түсінуге мүмкіндік береді.

Екіншіден, ол жаңа технологияның ағыны алып келетін өзгерістердің бәріне дайын болу деген сөз.

Үшіншіден, бұл – өзгелердің тәжірибесін алып, ең озық жетістіктерін бойға сіңіру мүмкіндігі.

Жанар: Бұл жаңғыру-өрге бастау ұлтымды

Бұл жаңғыру-төрге бастау ғұрпымды.

Баяндама: Рухани жаңғыру – табысты ел болуымыздың кепілі

Жанар: Мәңгілік ел- маңдай тері халықтың.

Мәңгілік ел- нұрлы үміт, жарық күн.

Мәңгілік ел- із қалдыру мәңгіге.

Мәңгілік ел-таусылмайтын әңгіме, - дей келе Елбасымыздың «Мәңгілік ел!» идеясы мыңжылдықтарды қамтиды.Рухани жаңғыру-мәңгілік ел болуға бастар жол

1 - Айкен: Мәңгілік ел – Мәңгілік ел ата - бабаларымыздың сан мың жылдан бергі асыл арманы. Ол арман – әлем елдерімен терезесі тең қатынас құратын, әлем картасынан ойып тұрып орын алатын тәуелсіз мемлекет атану.2 - Аяжан: Ол арман – тұрмысы байқуатты,

түтіні түзу ұшқан, ұрпағы ертеңіне

сеніммен қарайтын бақытты ел болу.3 - Гүлдана: Біз армандарды ақиқатқа

айналдырдық. мәңгілік елдің іргетасын қаладық.Біз үшін болашағымызға бағдар ететін, ұлтты ұйыстырып, ұлы мақсаттарға

жетелейтін идея бар.Бәрі: Ол – Мәңгілік ел идеясы. (бәрі бірге)

Аружан:Туған жер, өзің дегенде,Жүремін әр кез елеңдеп.Бір сезім билеп алады-ау!Жүрегім дүрсіл қағады-ау!

Мемлекет басшысы Нұрсұлтан Назарбаев өзінің «Болашаққа бағдар: Рухани жаңғыру» атты мақаласында өлкетану бағытындағы «Туған жер» бағдарламасын қолға алуды ұсынды. Осы бағыттың жүзеге асырылуына сендер де туған жерді дәріптеу, құрметтеу арқылы үлес қоса аласыңдар.

Бижарас Аружан: Туған жер-сенің шыр етіп дүние есігін ашқан жерің,кіндік қаның тамған жерің.Осы бір екі сөздегі тұнып тұрған мағынағы терең бойлап, елбасымыздың Туған жерге туыңды тік бағдарламасының мән мағынасын түсіне білуіміз керек.Елбасымыздың Туған жерге туыңды тік бағдарламасы меніңше өте дұрыс бастау.Бұл бағдарлама әр адамның өзінің бойындағы туған жеріне деген адал сезімдері мен ыстық махаббаттарын көрсетуіне,білдіруіне мүмкіндік береді.

Тәжібай Эльмира: Туған жерде тіршілік етіп, сән-салтанат барыммен, адамгершілік арыммен азаматтық тұғырыма ұмтылған туған елімнің менде бір бөлшегімін.Сондықтанда мен туған жерімді, тұнған тарихымды, ата салтымды, өнеге тұғырлы тұлғаларымды боле жармай, тұтас күйінде сүйемін, аялаймын, ардақтаймын.Өйткені мен- азат, егемен елдің ұланымын! Мен- бүкіл әлем мойындаған асқақ та айбарлы «Қазақ» деген Ұлы елдің ұрпағымын.