Салауатты өмір көтеріңкі көңіл тәрбие сағаты

Батыс Қазақстан облысы

Казталов ауданы

Әбіш ауылы

Әбіш негізгі жалпы білім беретін мектебі

Бастауыш сынып мұғалімі: Кыдырова Гулайнур Газезовна

Тәрбие сағатының тақырыбы: Салауатты өмір, көтеріңкі көңіл

Тәрбие сағатының мақсаты:

Білімділігі:Салауатты өмір салтын сақтау,оқушылардың өнер мен денсаулық туралы түсінік беру. Денсаулықтың негізі қимыл, спорт, дұрыс тамақтану, таза ауада жүру екенін балаларға ұғындыру.

Дамытушылығы: Денсаулықтың негізі қимыл, спорт, дұрыс тамақтану, таза ауада жүру екенін балаларға ұғындыру.

Тәрбиелігі:Өзін-өзі күте білуге, тазалыққа, ұқыптылыққа тәрбиелеу, әдемілікті, сұлулықты сезіне білуге баулу.

Түрі: ашық сынып сағаты

Әдісі: ойын, жұмбақ шешу, мақал-мәтел айту, сұрақ-жауап, плакаттар.

Көрнекілігі: Суреттер,

Тәрбие сағатының барысы:

1.Ұйымдастыру кезеңі:

-Оқушылардың дайындығын қадағалау.

-назарын сыныпқа аудару.

Мұғалім: Күндей жарқырап,

Айдай арайлап, Жұлдыздай жарқырап,

Судай мөлдір таза көңілмен

Бүгінгі тәрбие сабағымызды бастайық.(Оқушылар орнынан тұрады)

Армысың, асыл күн!

Армысың, асыл жыр!

Армысың көк аспан!

Армысың жан досым!

Жылуыма жылу қос

Міне, менің қолым.

Бүгінгі өткізіліп отырған « Салауатты өмір, көтеріңкі көңіл » атты тәрбие сағатына қош келдіңіздер.

Бүгінгі кешіміздің мақсаты-« Бірінші байлық-денсаулық » деп

дана халқымыз айтқандай болашақ еліміздің әрбір азаматын зиянды әдеттерден сақтандыру, олардың денсаулыққа, болашақ ұрпаққа жау екендігін түсіндіру.Зиянды әрекеттерге қарсы күресетін білімді тұлға тәрбиелеу.

Көптің жүзін білгенше,

Бірдің атын біл.

«Бірінші байлық –денсаулық » сұрақ жауап кезеңі.

1.Денсаулық дегенді қалай түсінесіңдер?

Денсаулық дегеніміз- адам өміріндегі ең үлкен байлықтың бірі, денсаулықтың арқасында адам еңбек етіп,жетістікке жетеді және жақсы өмір сүреді.Денсаулықты сақтап, оны нығайтуға әрбір адамның өзіңе ғана байланысты.

2. Денсаулықты сақтау үшін қандай ережелерді орындау керек?

Жеке бас гигенасын сақтау күн тәртібін орындау. Дене шынықтырумен шұғылдану, дұрыс тамақтану, организмді шыңдау, белсенді, қайырымды және ақжарқын болу.

3.Таңертеңгілік жаттығу жасау не үшін қажет?

4. Денсаулыққа не зиян?/ Күн тәртібін бұзу, жеке бас гигенасын сақтамау, аз қозғалу, жағымсыз әдеттерге әуес болу /

Дені саудың –жаны сау

Жігерің бар, талабың бар қайратың,

Мақсат тұтсаң қанатың бар талмайтын.

Өз-өзіңді ұстай білсең тартынып,

Өмірің бар әлі алда солмайтын-дей отырып, мақал-мәтелдердің мағынасын ашып түсіндіру.

Дене қимылы-дәрісіз ем,

Шыныға жүріп дертті жең.