Салауатты өмір салты мен жарқын болашақ туралы тәрбие сағаты

«Салауатты өмір салты – жарқын болашақ » атты акция

Алматы облысы Ақсу ауданы Ақсу ауылы

«Мамания орта мектебі, мектепке дейінгі шағын орталығымен»

коммуналдық мемлекеттік мекемесі

Педагог-психолог Ляйла Кадырмуратовна Шарипова

Мақсаты: «Қазақстан-2030» бағдарламасында көрсетілгендей өркениетті елдің әрбір азаматының денсаулығы мықты, хал-ахуалы жақсы болу үшін зиянды әдеттен ішімдік, нашақорлық, шылым шегушіліктен сақтандыру,олардың денсаулыққа,болашақ ұрпаққа жау екендігін түсіндіру.Көрнекілігі: мультимедиялық қондырғылар, спорттық құрал-жабдықтар.Тәрбиелік мәні:зиянды заттардан аулақ болуға,денсаулық және дене тәрбиесін дұрыс сақтауға тәрбиелеу. 1-жүргізуші:

Армысыздар, құрметті ұстаздар, оқушылар! Бүгінгі кезеңнің өзекті мәселесі адам денсаулығына кері әсерін тигізетін ғасыр індеттерінің қауіпті әдеттері маскүнемдік, нашақорлық, СПИД — ХХІ ғасыр дертінен бойымызды алшақ ұстауға шақыратын «Салауатты өмір салты – жарқын болашақ » атты акциямызға қош келдіңіздер!

2-жүргізуші:

Жаңа ХХІ ғасырда өзіміздің болашағымызды қандай күйде көргіміз келеді. Жас өспірімдерді салауаттылыққа, өмірді сүюге, қадірлеуге тәрбиелеу керек. Елбасымыз Н.Ә. Назарбаевтың «Қазақстан -2030» бағдарламасында көрсетілгендей салауатты өмір сүру және оны насихаттау бүгінгі күннің өзекті мәселесі.

1-жүргізуші:

Салауатты өмір сүру дегеніміз не? Ол әлуметтік тұрмысты жақсарту, бос уақытты тиімді пайдалану, денсаулықты сақтау және нығайту, сапалы тамақтану, зиянды әдеттерден аулақ болу.

2-жүргізуші:

Өмір адамға берілетін ең қымбат дүние. Алайда адам оны өз қолымен бүлдіреді. Адам денсаулығына кері әсерін тигізетін ауруларға жол бермеу мақсатында біз бүгін осы залда «Салауатты өмір салты – жарқын болашақ» атты акцияға жиналып отырмыз1-жүргізуші:

Халқымыздың алаулап оттай жаны,

Қанымызда қаншама кек қайнады.

Еркін елміз біз бүгін ерікті елміз,

Көтерілген көгінде көк байрағы, - деп ақындар жырлағандай еліміз еркіндік алып, өз алдына отау тігіп, ерікті ел, тәуелсіз мемлекет болдық.

Елбасымыз Н.Назарбаевтың «Қазақстан -2030» старатегиялық даму бағдарламасындағы халқына жолдауында «Қазақстанның әрбір азаматының денсаулығы мықты, хал-ахуалы жақсы болуы тиіс» деп атап көрсеткен.

2-жүргізуші:

Бүгінгі шарамыздың мақсаты – «Бірінші байлық – денсаулық» деп дана халқымыз айтқандай еліміздің әрбір азаматын зиянды әдет ішімдік, нашақорлық, шылым шегушіліктен сақтандыру, олардың денсаулыққа, болашақ ұрпаққа жау екендігін түсіндіру, өркениетті елімізге лайықты зиянды әдеттерге қарсы күрестен білімді тұлға тәрбиелеу. Олай болса, егеменді еліміздің тұтқасы болар болашақ жас ұрпақты қол соғып қошаметпен ортаға шақырайық.

1-жүргізуші:

8- сынып оқушыларының « » тобы

2-жүргізуші:

9-сынып оқушыларының « » тобы

1-жүргізуші:

10-сынып оқушыларының « » тобын қарсы алыңыздар.

2-жүргізуші:

Акция барысында топтар мына бағдарлама бойынша жұмыс жасайды.

Таныстыру. Әр топ өздерін таныстырып, төс белгілерін қорғайды.

«Салауатты өмір біздің сыныпта» слайдын қорғайды.

Спорттық билерін көрсетеді.

Спорттық ойындар жарысына қатысады.

Олай болса топтардың жұмысын бағалап сарапату мақсатында сарапшыларымызды сайлап алайық. Директордың тәрбие ісі жөніндегі орынбасары Рима Дүйсенқұлқызы Жексенбекова, педагог-ұйымдастырушы Сәуле Ануарбекқызы Ахметова және дене шынықтыру пәнінің мұғалімі Сейтов Бауыржан Қанияхметұлы.

1-жүргізуші:

Көк түтінге жас өкпеңді ыстама,

Ащы суға өзіңді-өзің қыстама.

Ер жетудің белгісі деп бұл да бір,

Әуес көріп ұстамасты ұстама! – деп жас жеткіншектерді салауаттылыққа үндейтін « » тобын өздерін таныстыру кезегіне шақырамыз.

(Топтың таныстырылуы тыңдалады).

2-жүргізуші:

Иманыңды, дидарыңды,

тазалап ал, қазағым,

Ұрпақтарың, ұл-қыздарың,

Түзу бассын қадамын! – деп келешекке келелі азамат ретінде баруды көздеген « » тобын ортаға шақырамыз. (Топтың таныстырылуы тыңдалады).

1-жүргізуші:

Дүниеге дерт болып жетеді.

Әдет боп жаман кетеді.

Есірткі затты көп тұтсаң,

Өмірің қор боп өтеді.

Зиянды заттан аулақ деп

Достарыңа ақыл қос, - деп сөз кезегін « » тобына береміз.

(Топтың таныстырылуы тыңдалады).

2-жүргізуші:

Елбасы Н.Ә. Назарбаевтың ҚР-ның халқына жолдауында : «Біздің жас мемлекетіміз өседі және орнығып, нығаяды, онымен бірге біздің балаларымыз бен немерелеріміз де өсіп жетіледі. Олар өз ұрпағының жауапты және жігерлі өкілдері болады. Біз өз қоғамымызды құра отырып, біздің азаматтарымыздың өмір бойы дені сау болуы және оларды таза табиғи ортаның қоршап тұруы үшін…