Салтым – асыл қазынам тәрбие сағаты

Білім беру салалары: «Коммуникация», «Шығармашылық», «Әлеумет», «Денсаулық», «Таным»,

Ұйымдастырылған оқу қызметтері: Сөйлеуді дамыту, сурет салу,аппликация, қоршаған ортамен танысу, ҚМҰҚ.

Тақырыбы: «Салтым-асыл қазынам»

Мақсаты:

1. Балалардың бойына халқымыздың игі дәстүрлерін, ізгі қасиеттерін, инабаттылық, іскерлік дағдыларын сіңіру.

2. Жауапкершілікке, ізгілікке тәрбиелеу арқылы дұрыс әрекет құндылығының мәнін ашу.

3. Салт-дәстүрлерді бойларына сіңіру, рухани адамгершілік қағидаларын ұстануға тәрбиелеу.

Әдіс-тәсілдер: Ұйымдастыру, сұрақ-жауап, мадақтау.

Көрнекі құралдар: Қошқар мүйіз, құс қанаты, құс тұмсық оюлары бейнеленген тіктөртбұрыш көлеміндегі парақтар,оюларды бояуға арналған мақталы таяқшалар, ойыншық қошақандар,

Тал егуге арналған құралдар: Күрекшелер, су құйғыш, арнайы топырақ толтырылған астау, жас шыбықтар.

Жаңа технология: ӨТШТ /ТРИЗ/ технологиясы бойынша мақталы таяқшамен оюларды бояу.

(Топ бөлмесінің оң бұрышында үстел үстінде қыздар, киіз үй әшекиі бас құрдың оюларын мақталы таяқшамен бояу үстінде. Сол жақ бұрышта ұлдар ағаш отырғызуда.)

Тәрбиеші: Сәлеметсіздер ме, қыздар сіздер немен шұғылданып отырсыздар?

Қыздар: Біз әжеміздің үйіне арнап бас құр сәндеп жатырмыз.

Тәрбиеші: Оюларың қандай әдемі. Сіздерде қанша ою түрлері бар.

Қыздар: Бізде оюдың үш түрі бар.

1-Қошқар мүйіз

2-Құс қанаты

3-Құс мұрын

Тәрбиеші: Тамаша, жұмыстарыңызды жалғастыра беріңіз.

(Тәрбиеші ұлдарға бұрылады)

Тәрбиеші: Сәлеметсіздер ме, балалар сіздер бұл жерде немен шұғылданып жүрсіздер?

Балалар: Біз ағаштар отырғызып жатырмыз.

Тәрбиеші: Өте тамаша жақсы іспен шұғылданып жатыр екенсіздер. Ал ол ағаштар сізге не үшін қажет?

Балалар:

1.Қазақ былай дейді:

Артыңда мал қалғанша,

тал қалсын.

2.Бағбан болсаң бақ өсір,

Балама деп тағы өсір.

3.Аялы ағаш саялы

4.Ормансыз жер жалаңаш

5.Орман көп болса олжаң көп.

Тәрбиеші: Дұрыс айтасыз, қазір ағаш отырғызуға өзі жайлы мезгіл ме екен, жылдың қай мезгілі екен?

Балалар: Қазір жыл мезгілі көктем.

(Тәрбиеші балаларға жұмыстарын аяқтауға көмектеседі)

Тәрбиеші: Тамаша ендеше балалар жұмыстарымыз аяқталса,бойымызды сергітіп алып, әндетіп атамыз бен әжеміздің ауылына барып қайталық.

Сергіту сәті: Тербеледі ағаштар,

Алдымнан жел еседі.

Кіп-кішкетай балалар,

Үлкен болып өседі.

(Балалар шеңбер құрып тұрады, ортада бір қыз бала «Қошақаным» әнін орындайды)

Тәрбиеші: Міне тамаша әнмен ата мен әжеміздің ауылынада келіп жеттік.

Балалар: Сәлеметсіздер ме ата-әже.

Ата мен әже: Амансыздар ма, құлындарым? Қош келдіңіздер. Аман есен жүрсіздер ме, құлындарым.