Саналы ұрпақ клубының сыбайлас жемқорлыққа қарсы жұмысы

Сыбайлас жемқорлыққа қарсы колледж"Саналы ұрпақ" клубының жұмысы

5 - ақпан күні Академик С.А.Джиенкулов атындағы Байқоңыр колледжінің "Саналы ұрпақ" клубының жұмыс жоспарына сәйкес "Жастар сыбайлас жемқорлыққа қарсы" тақырыбында дөңгелек үстел болып өтті. Дөңгелек үстелге Байқоңыр қалалық сотының жетекші маманы Нұрбайқызы Нұргүл, Байқоңыр қалалық архивінің басшысы Қапанова Бағдат Жусуповна, Жастар ресурстық орталығы Байқоңыр филиалының жетекші маманы Жақсылықов Руслан қатысып, жастарға болашақта " Сіздер жұмысқа орналасып, кәсіби маман болған уақытта сыбайлас жемқорлыққа бой алдырмай, осы дерттің тамырына балта шабуға өз үлестеріңізді қосыңыздар, еліміздің қалаулы азаматтары мен азаматшалары болып, халқымызға адал қызмет көрсететін жақсы маман болыңыздар" деді. Колледж директоры, облыстық мәслихат депутаты Дауленбаев Ануар ағай келген қонақтарға алғыс білдіріп, еңбектеріне табыстар тіледі.

Сыбайлас жемқорлықпен күресу Қазақстанның бүгінгі күнгі күрделі мәселесі болып отыр. Үлкен әлеуметтік қасірет болып табылатын ол саяси даму тұрғысынан бір-біріне ұқсамайтын әлемдегі барлық елдердің қай-қайсысын да қатты алаңдататыны анық.

Сыбайлас жемқорлық мемлекеттің бәсекеге қабілеттілігін айтарлықтай төмендететіні, қоғамда демократиялық оң өзгерістерді жүзеге асыруды тежейтіні, елдің халықаралық беделіне нұқсан келтіреді. Ең бастысы – адамдардың қоғамның демократиялық бастауларына, заң мен шындыққа, сайып келгенде билікке деген сенімін әлсіретеді.

Сыбайлас жемқорлықпен күрестің басты бағыты-оның алды алу. Біздің қоғамда сыбайлас жемқорлыққа орын жоқ. Азаматтық қоғамның барлық институттарының күш-жігерін біріктіру, осы дерттің одан әрі ушықпауы үшін оны тоқтатудың халықаралық тәжірибесі мен барлық амалдарын қолдану арқылы ғана бұл құбылысқа тиімді түрде қарсы тұруға болады.

Елбасымыз өз сөзінде: «Болашақ ұрпағымызды тәрбиелегенде – оларға жастайынан имандылық пен салауатты өмір сүруді саналарына сіңіре білсек, сонда ғана біз ұлттық рухы дамыған, Отанының гүлденуіне үлесін қоса алатын азамат өсіре аламыз» деді.

Жастарды жемқорлықсыз білімге талпынып, саяси, сауатты, салауатты, халқымыздың қалаулы азаматтары мен азаматшалары болып өсуге тәрбиелеу біздің басты міндетіміз.

Алимбаева Н.К.

Академик С.А.Джиенкулов атындағыБайқоңыр колледжі

директорының тәрбие ісі жөніндегі орынбасары