Сандар әлеміне саяхат, мектепке дейінгі балаларға

Тақырыбы: Сандар әлеміне саяхат

Мақсаты: Санның таңбаларын қайталау, алған білімдерін бекіту, ойын арқылы білімдерін жетілдіру. Балалардың ой-өрісін дамыту, ойын арқылы ойлау қабілеттерін арттыруБалаларды үлкенді сыйлауға, бір-біріне көмектесе білуге тәрбиелеу.Әдіс-тәсілдері: жылулық шеңбері, саяхат,тапсырмалар, ойын,сергіту сәті,жеке , топтық жұмыс.

Көрнекіліктер: слайд, таратпа қағаздар,жеке суреттер,сандар.

Билингвалдық компонент: сандар-цифры.

Оқу іс –әрекетінің барысы:

Ұйымдастару

Тәрбиеші: - Балалар көңіл күйлерің қалай?

Балалар: Жақсы.

Тәрбиеші: Тамаша, балалар бүгін біз сендермен сандар әлеміне саяхат жасаймыз.

«Бүгінгі күнімізді бастайық» атты шаттық шеңберге тұрғызу.Жылулық шеңбері.

Күндей жадырап,Айдай арайлап.Жұлдыздай жарқырап,Судай мөлдір, таза көңілмен,Бүгінгі күнімізді бастайық!Тәрбиеші:Тамаша,орнымызға отырайық. Барлығымыз көзімізді жұмайықшы.

Ертегі толы әлемге,Барғың келсе балақай,Көзіңді жұм, қиналмай,Ашылар сонда кең сарай.- Балалар, міне , бүгін біз «Сандар патшалығына» қонаққа келдік.Сандар патшасы сендерге арнап әр түрлі ойыншықтар мен тапсырмалар дайындап қойыпты, тапсырмаларды бірге орындайық.- Қандай ойыншықтарды көріп отырсыңдар? ( машиналар, қонжықтар, құрастырмалы ойыншықтар, қуыршақ, доптар )- Балалар неше құрастырмалы ойыншық бар екен? / 3/- Машина /4/- қонжық /2/- қуыршақ/1/- Доп /5/

1 тапсырма.

Суретпен жұмыс. Мына суреттен нелерді көріп отырсыңдар?

Балалар: сандарды.

Тақтамен жұмыс (балалар бір-бірден шығып 5-ке дейінгі сандардың таңбасын көрсетеді) Сандарды ретімен орналастырайық.

Таратпа қағаздармен жұмыс. (балалар сандарды ретімен орналастырады)

Тәрбиеші: Қане, бәріміз тура және кері санайықшы.

Балалар: 1,2,3,4,5 5,4,3,2,1

Тәрбиеші: Жарайсыңдар!

2 тапсырма:

«Қанша болса, сонша» ойыны

Тақтаға 3 бала шығарып, сандық карточканы көрсетіп, карточкада қандай сан тұрса, сонша қимыл көрсету. Тапсырманы сандарды өзгерте отырып, 2-3 рет қайталау.

3 тапсырма

Логикалық есеп шығару.Қарап ал да, санап алЕкі ешкінің мүйізі қане?Қанша болады?- Табақта үш алмаҚолымда екі алмаҚосқанда барлығынБолады неше алма?Сергіту сәті

1 дегенде тұрайық,2, 3, 4 алақанды соғайық.

Қолды белге қояйық.Оң жаққа бұрылып,Сол жаққа бұрылып,Біз шынығып алайық.

4 тапсырма.

«Қандай пішін?» (жасырынған пішіндерді табады.)

Суреттер арқылы пішіндерді табады.5 тапсырма

«Кім жылдам?» ойыны (Суреттер бойынша ұзын –қысқа, жуан – жіңішке,биік-аласа, жоғары-төмен ұғымдарын ажыратады.)

Қорытынды.

Тәрбиеші: Балалар бүгін біз қайда қонаққа бардық?

Балалар: Сандар патшалығына

Тәрбиеші: Сендерге не ұнады? (балалар өз ойларымен бөліседі)