Саусақ театры арқылы балалар тілін дамыту мақаласы

«Саусақ театры арқылы балалардың тілін,қызығушылығын арттыру»

Ақтөбе қаласы

№4 «Көктем» бөбекжайбақшасы

әдіскері

Имашева С.Е.

Мақсаты: Көркем әдебиет және саусақ театры арқылы балалардың тілін, қызығушылығын арттыру және шығармашылық, эстетикалық тәрбие берудің әдістерін анықтау ,оларды үрдісті ұйымдастырылған іс-әрекет барысына енгізу.

Баланың көркем әдебиетпен таныстығы халық шығармашылығының ең кішкене түрлері-тақпақ, өлең, мазақтамалар,санамақтар халық ауыз ертегілерінен басталады. Асқан адамгершілік ,барынша дәл рухани бағыттылық ,өткір, мысқыл, тілінің көркемдігі шағын көлемдегі фольклорлық көркем әдебиеттің еркешеліктері –осы ауыз әдебиетінен бастау алады. Бұдан кейін балаларға авторы бар ертегілер ,өлеңдер мен әңгімелер оқылады.

Ертегілер дүниесіне сапар шегу балалардың қиялдау, елестету, тіпті өздері ойдан шығару қабілетін дамытады,әдебиеттің ең озық үлгілерінің адамгершілік рухында тәрбие алған балалар өздері шығарған ертегілер мен әңгімелерінде ,өздерін әділетті көрсетіп, әлсіздер мен жәбірленгендерді қорғап, жауыздарды жазалауға тырысады. Барлық балалар театрды тамашалағанды жақсы көреді.

Бүгінгі таңда театр тақырыбыөзекті тақырыптардың бірі болып саналады. Себебі қазір адамдар театрға барғаннан гөрі,үйде отырып уақыттарын теледидер мен интернетке арнайды.мектепке дейінгі бала тәрбиесінде, саусақ театрының алатын орны ерекше. Ежелгі мәдениетті сақтап қалдың бір жолы,балабақшадағы саусақ театры. Мысалы: балабақшаға театр келеді немесе балалар қазір театрға барамыз дегенді естісе, балалар қуыршақ театрын көргенше тағатсыздана күтеді. Қуыршақтардың қолынан келмейтін нәрсе жоқ. Олар таңғажайыптардың бәрін жасайды, балалардың көңілдерін көтереді, оқытады, тәрбиелейді.

Қуыршақ театры баланың дүние танамын қалыптастыруда ,үлкен рөл атқарады.балалар әртістермен бірге күліп,біресе жылап отырып, өздерін мазалап жүрген көптеген мәселелердің шешімін табады. Бүгінде бөбектердің дамуына үлкен ықпал ететін қуыршақ театрының құпияларын айтатын болсақ:

-Тілін дамытады. Себебі балалардың қолдарының ,саусақтарының жетілуі мен орталық мидың ,тілдің дамуына жауапты бөлігіне әсер етеді.

Саусақ театрына арналған қуыршақтар, театр қуыршақтарының ең жеңілі, қол жетімідісі. Онымен бір жастағы баланы да ойнатуға болады, саусақ театры қуыршағымен ойнатудың өзі баланы сөйлеуге итермелейді?!

-Есте сақтау қабілетін дамытады.Бала өз бетімен кейіпкердің рөлінде ойнауға тырысады.

-Эмоционалдық дамуында әсер етеді.

Саусақ театрының қуыршақтары бөбекті мәдениетке сүйсінуге үйретеді. Кейіпкерлерге еліктеп,өзін-өзі дұрыс ұстай білуге, өз ойын ашық айтуға үйренеді.

-Кішкентай балалар ( 2-4 жастағы) үшін ертегі кейіпкерлері,өмірдегі достарындай болып кетеді.