Саяхат ойын сабағына арналған биология сценарийі

САЯХАТ ОЙЫН САБАҒЫ

Оқушының пәнге деген қызығушылығын арттыру өз бетімен жұмыс жүргізе білуге дағдыландыру, ойлау қабілетін дамыту мақсатында өз тәжірбемде сабақты түрлендіріп өткізуге тырысамын. Әрине, әр сабақтың құндылығы мұғалімнің білім деңгейіне байланысты. 8-сыныпта « Сезім мүшелері » тарауын қайталағанда « Қазыналы аралға саяхат » атты ойын сабағын өткіздім.

Сабаққа оқушылардың « Сезім мүшелері » тарауы бойынша алған білімдерін қорытындылап, бір жүйеге келтіру, сезім мүшелері мен қоршаған орта арасындағы байланысты анықтай білуге үйрете отырып, оқушылардың ойлау және есте сақтау қабілеттерін дамытуға салауатты өмір салтын ұстануға тәрбие беру мақсатын қойдым.

Сабақтың типі: Дәстүрлі емес

Сабақтың түрі: Саяхат ойын сабағы

Сабақтың әдісі: Қайталау, сұрақ-жауап, интер белсенді әдістер.

Сабақтың көрнекілігі:1. Сезім мүшелерінің түрлері және құрылысы (слайд)

2. Дидактикалық материалдар

Сабақ барысы

Ұйымдастыру бөлімінде: оқушыларға бүгінгі сабақта таңғажайып саяхатқа аттанатыны айтылады. Олар « Білім » мұхитын жүзіп өтіп, қазыналы аралға баруы тиіс. Мұғалім кеме капитаны, оқушылар жас теңізшілер. Сынып үш топқа бөлініп, әр топ топбасшысын сайлайды. Мұғалім саяхаттың маршруттық картасымен таныстырды.

1-аялдама « Сенсорлық жүйе »

2-аялдама « Сезім жағалауы »

3-аялдама « Сынақ түбегі »

4-аялдама « Өзен порты »

5-аялдама « Шариғат шапағаты »

6-аялдама « Қазыналы арал » ( үйге тапсырма )

Негізгі бөлім: мұнда әр аялдамада берілген тапсырмаларды орындайды. 1-аялдама « Сенсорлық жүйе » тапсырмасы.

Ағыстардың қаттылығынан кеме шайқалып, картамыз суға ағып кетті. Енді картаны қайта жасау керек. Ол үшін « Лото » ойынын ойнаймыз. Мына кеспе қағаздардан араласып кеткен мүшелерді жүйесіне қарай жіктейміз: құлақ қалқаны, сыртқы дыбыс жолы, кірпік , мұрын қуысы, тіл, иіс сезу бадамы, дабыл жарғағы, қабақ, мұрын қалқандары, тері, тәтті,дыбыс сүйекшелері,

иіс сезу жүйкесі, қарашық, тіл бадамшасы, кеңсірік, ақ қабықша, есту жүйкесі, ащы, торлы қабықша, тұзды, ұлу дене, миға баратын иіс сезу жүйкесі.

Осы тапсырмаларды үш топ жеке-жеке сезім мүшелеріне, құрылысына қарап жіктейді. (яғни сезім мүшелеріне не жататынын сипаттап береді)

2-аялдамада «Сезім жағалауы» тапсырмасы