Сазды сәлем атты 8 наурыз ертеңгілігінің сценарийі

«Сазды әлем бағдарламасы»

Жүргізуші: Қош келдіңіздер аяулы аналар, асыл әжелер, қызғалдақ қызар. Көңілдеріңізге көктем шуағындай, сезім мен нұр құйып 8 - наурыз халықаралық әйелдер мерекесі де келіп жетті. Осынау көктем мерекесінің қай кезде де орны бөлек. Өйткені аналарға ыстық сезім, алғыс пен құрмет ешқашан сөнбек емес. Себебі, ана өмірінің гүлі көңілдің жыры әр отбасының алтын дәңгегі. Ендеше көктемнің алғашқы күндеріне арналған ертеңгілігімізді бастауға рұқсат етіңіздер. Балаларымызды әсем әуенмен ортаға шақырамыз.

Әсем әуенмен балалар залға кіреді. Би билейді.

Би: «Шармен»

Қыз:

Армысың мейірімді аналарым

Мейірбан ашық көңіл даналарым,

Гүл көктемнің алғашқы мейрамымен,

Құттықтайды сіздерді балаларың

Ұл:

Армысың ақ жаулықты әжелерім,

Ақылды дариядай кемеңгерім

Ардақты аналардың мейрамында

Арнайды бүлдіршіндер өлеңдерін

Ән: «Қыздар - ай»

Жүргізуші:

Ару ана өмірдің асылдары

Жайнаған көңілімнің жасыл бағы

Сіздер үшін ән мен би өлең мен күй

Сіздер үшін мереке шашулары

Олай болса асыл аналар,

Ақжаулықты әжелер мерекелеріңіз құтты болсын.

Жер әлемді жайнатып,

Әнші құстарды сайратып,

Гүлге бөлеп даланы,

Әнге бөлеп қаланы,

Көрікті көктем келді.

Музыкамен көктем кіреді.

Көктем:

Мен көңілді көктеммін,

Былтырда келіп кеткенмін

Құшағым гүлге толсын деп

Нөсерімді төгемін, Сәлеметсіңдер ме, балалар! Бүгінгі келіп жеткен аналар, қыздар мерекелері құтты болсын!

Жүргізуші: Сәлеметсің бе, ару көктем, қош келдің, төрге шық. Сенің көктемгі жаңбырының арқасында айналамыз әсемдікке кеңелді. Кең байтақ даламыз гүлге бөленді. Сондықтан ару көктем біз саған ризамыз.

Көктем:

Гүлдердің сан алуан

Түрлерін мен білемін

Сол гүлдерді өсіріп

Аялаумен келемін, Сендерге әдемі гүлдерімді алып келдім. Олай болса менің әдемі гүлдерімнің өнерлерін тамашалаңыздар.

Би: «Гүлдер»

Көктем:

Бар жақсылық, күллі әлемге тарағанАрулардың ақ нұрынан жаралғанҚұтты болсын мерекеміз бүгінгі,Ардақты аруыларға арналған.

Балалар, көп рахмет мені осылай мерекелеріңе шақырғандарыңа. Менің басқа балаларды құттықтап баратын уақытым келді. Қош сау болыңдар!

Көктем кетеді.

Жүргізуші: Ардақты асыл аналар. Мінекей күлімдеген көктем келіп айналамыз құлпырып кетті. Көрікті көктемнің алғашқы мерекесі аналар мерекесі қарсанында бүлдіршіндер сіздерді құттықтап, сазды сәлем бағдарламасында қонақта болған еді. Ендігі кезекті сол бағдарламаға берейік.

Армысыздар құрметті теле көрермендер! Эфирде сіздермен бірге «Сазды сәлем» бағдарламасы. Бүгін біздің студиямызда Балқаш қаласы «Бөбек» бөбекбөбекжай балабақшасының бүлдіршіндері қонақта. Олай болса аяулы аналарын құттықтауға келген бүлдіршіндердің ыстық ықыласын тыңдайық. Балалар тақпақ айтады.

Тақпақтар.

Жүргізуш: Құрметті көрермендер сіздер біздің хабарымызға қонырау шалып, құттықтау жолдай аласыздар. Біздің байланыс телефонымыз Жақын жандарыңызды құттықтауға асығыңыздар.

Қоңырау соғылады.

Жүргізуші: Мінекей біздің хабарымызға хабарласып отырған алғашқы көрерменіміз де бар екен. Таңдайық!

Бала: Алло сәлеметсіз бе?! Менің атым ....... Мен әжемді мерекесімен құттықтайын деп едім.

Жүргізуші: Әжеңе қандай тілек айтасың?

Бала:

Әжеме тақпақ айтып беремін.

Әжелерді ардақтап қуантатын келді күн,

Құттықтаймын қуанып мейрамымен мен бүгін

Бөбегіңнің тілегі қабыл алшы әжетай

Ұзақ өмір жүз жасап жүрші әже қамықпай.

Енді менің әжеме арнап әдемі әже туралы ән айтып берсеңіздер екен. Сау болыңыздар!

Ән: «Әже туралы»

Жүргізуші: Осы бір тамаша әннен соң біз хабарымызды одан әрі қарай жалғастырамыз.

Ана деген бәйтерегі өмірдің

Ана деген қуанышы көңілдің

Ана деген әрбір үйдің жылуы

Ана деген гүлі туған өңірдің