Сегіз қырлы – бір сырлы тәрбие сағаты 4 сынып

Сабақтың тақырыбы: «Сегіз қырлы – бір сырлы»

Сабақтың мақсаты: Оқушылардың білімдерін тереңдете түсу, логикалық ойлауды, тпақырлықты дамыту, ұйымшылдыққа, жеңімпаз болуға тәрбиелеу.

Сабақтың түрі: сайыс

Сабақтың әдісі: сұрақ-жауап,

Сабақтың көрнекілігі: тірек сызбалар, сұрақтар жинағы, сағат

Сабақтың барысы:

Мұғалім: Қош келіпсіз, қымбатты қонақтар!

Жүздеріңнен мейірім мен нұр тамар

Құшақ жая қарсы аламыз сіздерді

-дей отырып, сіздерді бүгін 4 «А» сынып оқушыларының «Сегіз қырлы – бір сырлы» атты сайысына шақырамыз.

Топтарды ортаға шақыру, музыка ойнайды.

І топ – Азамат

ІІ топ - Әділет

ІІІ топ – Бірлік

Топтар өздерінің қысқаша сәлемдерін жолдайды

І топ Математика ермек емес балалық, Математика – көрегендік даналық. Математика құрметтеуге лайық Кел достарым, мұны жақсы ұғайық!

ІІ топ Келешекте үмітіміз талапты

Атақ даңқа бөленеміз қарап тұр

Сегіз қырлы ойшылдар боп туғандар

Оза шауып, бәйге атындай шауып тұр

ІІІ топ Бабамыз Әл –Фараби өзің қолда

Жеңіс тек біздің болар осы жолда

Достар –ау сендер де бір қолпаштаңдар

Отырған оң мен солда

Әр топ өз орындарына отырады.

Қазылар алқасымен таныстыру

Әділқазы,алқасына бір сәлем.

Әділдікке бас иеді күллі әлем

Жүйрік озар сайыстарда неше бір

Сарапқа сал әділдікпен шеше біл.... дей келе бүгінгі сайысымызға қазылық жасайтын әділ қазылар алқасымен таныс болыңыздар

Сайыскерлерге тілек:

Ғылымның сырын ұғына

Шығыңдар білім шыңына

Жеткізер сізден өренді

Қадамдарың оң болсын

Сәт сапар енді тілейік!

Ойынның бөлімдерімен таныстыру:

Бәйге. Сұраққа жауап

Қызықты алтылық. Әр топ сандардың артындағы сұраққа жауап береді. Сол арқылы балл алады.

Жеті жұрттың тілін біл.

«Есіңе сақта, ретімен жаз». Сөздер оқылады. Оқушылар сөздерді мұқият тыңдап, еске сақтауға тырысу керек.

Ойлан тап. Танымдық ойлауға тапсырма. Әр топқа жеке-жеке.

Құрама сөздің жауабын табу

Бәйге (сұраққа жауап)

І топ

ҚР мемлекеттік тілі (қазақ тілі)

«Кел, балалар, оқылық» өлеңінің авторы кім? (Ы.Алтынсарин)

Басты байлық (денсаулық)

12 ай (1 жыл)

Күйді орындаушы адам. (күйші)

Ұя салмайтын құс (көкек)

Заттың атын білдіретін сөз табы (зат есім)

Қазақша жылдың басы не? (тышқан)

16-желтоқсан қандай күн? (тәуелсіздік)

Абылайдың шын аты? (Әбілмансұр)

ІІ топ

Қазақстанның мемлекеттік рәміздерін ата (Бұл еліміздің Байрағы, Елтаңбасы, Әнұраны)

Қазақстан республикасының тұңғыш ғарышкері кім? (Т.Әубәкіров)

Көру мүшісі (көз)

100 жыл (ғасыр)

Екі ақынның өлең жарысы (айтыс)

Үш биді ата (Төле би, Әйтеке би, Қазыбек би)

Күндіз көрмейтін құс (жапалақ)

Заттың қимылын білдіретін сөз табы (етістік)

Жылдан құр қалған жануар (түйе)

– мамыр қандай күн? (жеңіс күні)

ІІІ топ

Қазақстан Республикасының тәуелсіздігі қашан жарияланды? (16 желтоқсан 1991 ж)

«Ғылым таппай мақтанба» өлеңінің авторы (Абай)

Есту мүшесі (құлақ)

Жеті күн (апта)

Орман дәрігері (тоқылдақ)

Заттың сынын білдіретін сөз табы (сын есім)

Ақ алтын (мақта)

Жер бетінің қағазға кішірейтіліп салынған бейнесі (карта)

Көкжиектің негізгі неше тұсы бар? (оңтүстік, солтүстік, шығыс, батыс)

Біржанмен айтысқан қыз (Сара)

Қызықты алтылық