Сен әртіс бола аласың ба тәрбие сағаты үлгісі

«Сен әртіс бола аласың ба?» сайысы

Жүргізуші: Армысыңдар өнер сүйер қауым және кішкентай бүлдіршіндер. Бүгін сіздер лагерімізде алғаш рет өткелі отырған бүлдіршін қыздарымыздың «Әдемі-Ай» байқауы сайысына қош келдіңіздер.Сән сұлулықтың айнасы, ал сәнді киіну талғампаздықтың бейнесі. Көңіл күйлеріңіз ашылсын, күлкілеріңізден інжу маржан шашылсын!

Әділдікпен баға берер аруға

Әділдікпен қара қылды жаруға

Алқасын қазылардың біз салайық

Әдемі – Айды талғап бүгін алуға- деп сайысымызға баға берер қазылар алқасын шақырамыз.

Ұсайнова Ұлзира

Сүтенова Гүлнар

Бүгін сән еркелеріміз мына бөлімдер бойынша сынға түседі:

І бөлім: «Сәлем сөздің анасы» (таныстыру)

ІІ бөлім: «Өнерліге өрісі кең» (ұнатқан көйлектерінің суретін салады)

ІІІ бөлім: «Қыз еркем – қылығымен көркем» (өз өнерлерін ортаға салады, ән айту, би билеу)

IV бөлім: «Менің әдемі көйлегім» (Сән үлгісі)

Сән әлеміне саяхатымызды бастамас бұрын, сәнқой қыздарымызбен таныс болыңыздар.

1 еркетайымыз:Өмірбек Ақдидар

2 еркетайымыз: Майлан Айсұлу

3 еркетаймыз: Абай Ақжайық

4 еркетайымыз: Өмірзақ Мерей

5 еркетайымыз: Әбдуашим Жаннұр

6 еркетайымыз: Әкім Гүлжан

7 еркетайымыз: Үрмат Кәусар

8 еркетайымыз: Бөрібай Альбина

Баурап алар бірақ ауыз сәлемі

Қазақ қызы – әдепті де әдемі

Қазақ қызы – ақылына көркі сай

Тұнып тұрған сұлулықтың әлемі- дей отырып байқауымыздың 1-бөлімі «Сәлем сөздің анасы» бөлімі бойынша аруларымыз өздерін таныстырады.

Ендеше ортада Әдемі – Ай еркелері

2- бөлім: Сән еркелерімен танысып болсақ, «Өнерліге өріс кең» бөлімін бастап қыздардың суретін салу шеберлігін сынайық. Бұл кезеңде қыздар өздерінің армандап жүрген көйлектерінің суретін салады.

Бәрекелді қыздар керемет сурет салады екенсіңдер, сендердің нағыз сәнгер қыздар болатындарыңа мен еш күмәнім жоқ. Армандарыңдағы көйлектеріне жетіңдер.

3-бөлім: Келесі кезекті «Қыз еркем – қылығымен көркем» бөліміне берейік. Бұл бөлімде қыздар өз өнерлерін көрсетеді (ән айту, би билеу, өлең оқу)

Келесі кезекті4-ші «Менің әдемі көйлегім» бөліміне береміз.

Қазақ қызы тамсандырған талайды

Тоғжан болып ғашық қылған Абайды

Қазақ қызы күлкісі түн, тілі бал

Ай секілді асқақ ару арайлы-деп сән үлгісін көрсетуге ортаға сән еркелерін шақырамыз.

Осымен бүгінгі сайымызда өз мәресіне жетті.