Сердце, отданное детям: материал для педагогов

Балаларға берілген жүрек

Мектеп- кеме, білім- теңіз (Бауыржан Момышұлы)

«Маған жақсы мұғалім бәрінен де қымбат, өйткені мұғалім- мектептің жүрегі»,- деп ұлы ағартушы Ыбырай Алтынсарин айтқандай, кез келген адам ұстаз бола алмайды.Ұстаз- ұлағатты есім. Себебі, ұстаздық- өнер, тағылымы терең өнер.

31 жыл ҰСТАЗДЫҚ еткен еңбек жолымдағы қызығы мен қиындығы мол сәттерге толы өмірімнің өзі бір бақыт, бір сарқылмас қазына, бір тарих!

Мен де өзге балалардай асыр салып, көбелек қуып, жазиралы жасыл алқаптан гүл теріп, балалықтың базарында бақытты балдырған болғанымды, балалық шағымды қойлы ауылда, жаз жайлауда, қыс қыстақта қой қоздатып, төл өргізген қарапайым, еңбекқор қойшының отбасында өткізген мәнді де мағыналы күндерімді сағына еске аламын. Дүние есігін шілденің аптап ыстығында, Нұра өзенінің бойындағы кең жайлауында ашқанымды мақтан тұтамын. Кіндік қаным тамған қасиетті жер- жайлау болса, тәңірімнің өзімнің де рухани өміріме сыйлаған кеңдігіне басымды иемін.

Бала болып мектеп табалдырығын аттап, үздік оқушы атанғанымда ата-анамның қуаныштарында шек болмаған еді. Сондай жаймашуақ күндердің бірінде Нұра орта мектебінің 7 сыныбында оқып жүргенімде ауылымызға Ақтөбе қаласынан келін болып түскен Ғалия Төкенқызы деген мұғалім орыс тілі пәнінен сабақ беріп, білімге үйретті. Орыс тілінен «Кім болам?» деген тақырыпта шығарма жазуға бергенде, мен көп ойланбастан « Ғалия мұғалім сияқты орыс тілі пәнінен сабақ беретін мұғалім болғым келеді»,- деп жазған едім. Ғалия мұғалімнің бойындағы жақсы қасиеттері, жүріс- тұрысы, өзін өзі ұстауы, сабақ беру әдісі өзіне жақындатып, баурап алатын еді. 1982 жылы 10 жылдықты аяқтаған соң, арман қуып Жезқазған педагогикалық институтының орыс тілі және әдебиеті факультетіне түсіп, 1987 жылы ойдағыдай аяқтап, туған ауылыма, яғни Қарағанды облысы Нұра ауданы Нұра ауылына мұғалім болып келдім. Еңбек жолымды облыстан 240 шақырым жерде орналасқан шалғайда жатқан нұрлы Нұра ауылының орта мектебінде бастадым. Бір кездегі өзім сияқты ауыл балаларына бар білгенімді аянбай үйретіп, дәріс бердім. Содан бері өз мамандығым бойынша үздіксіз 31 жыл мектепте еңбек етіп келемін. 30 жыл ауыл мектебінде істесем, отбасылық жағдайыма б

Елбасы Нұрсұлтан Әбішұлы Назарбаев «Болашаққа бағдар: рухани жаңғыру» тұғырнамасында айтып өткендей, білімнің салтанат құруы- жалпыға ортақ дүние болып саналады.Тоқырау заманында қатып қалған көне қағидаларды игерген білікті де білімді мамандардың бүгінгі заманға сай білім беруі- қарқынды жұмысты талап етеді. Жас ұрпаққа сапалы білім, саналы тәрбие беру үшін уақытпен санаспай, нәтижелі жемісті көрсету- біздер үшін, зейнет жасына келіп қалған ұлағатты ұстаздар үшін үлкен сын. 30 жыл ауыл мұғалімі болып еңбек еткенім өз нәтижесін берді. Әдіс-тәсілдер мен жинақтаған мол тәжірибемнің арқасында қазіргі еңбек етіп отырған № 65 ЖББОМ басшылығы еңбегімді бағалап, ең үздік ұстаздардың қатарынан алғыс хатпен, мадақтамамен марапаттады. Ол да болса мен үшін…