Шәкірт жетістігі және мұғалімнің кәсіби шеберлігі

Шәкірт жетістігі – мұғалімнің кәсіби

біліктілігі мен шеберлігінің жемісі

© alashainasy.kz/

Елбасы Нұрсұлтан Назарбаев «Еліміздің ертеңі бүгінгі жас ұрпақтың қолында, ал жас ұрпақтың тағдыры ұстаздардың қолында», – деп мұға-лімдер қауымына үлкен сенім, жауапкершілік артқан болатын. Олай болса, адам баласын ұлы мақсаттарға жеткізетін ұлы күш – білім, оны жас ұрпақтың бойына дарытушы ұстаздар қауымы екені сөзсіз.

Абай атамыз айтқандай «Ұстазсыз шәкірт – тұл, шәкіртсіз ұстаз тұл» деп адам баласының кісі болып қалыптасуы көбінесе ұстазға байланысты деп ерекше атап өткен. Шәкірт ұстазға қарап өседі. Ол ұстазының білімін, берген тәрбиесін, кеңесін алады. Ұлағатты ұстаздан тәрбие алған адам жақсы қоғам қайраткері, ұлы тұлға болып өседі, өмірін дұрыс бағытқа бейімдеп, көркейеді. Алайда оқушыны білімге қызықтырып, өз әлеміне баурап алу үшін ұстазға дариядай терең білім, биік парасаттылық, талмас еңбекқорлық, таза ниет керек. Осы орайда біздің ауданымызда дәл осындай қабілет пен қасиеттерді бойына сіңіре білген ұстаздар жетерлік.

Мектеп жетістігі үшін биік парасаттылық, талмас еңбекқорлықпен оқушыларға білім беріп отырған № 15 М. Жұмабаев атындағы жалпы орта мектебі география пәні мұғалімі Кожахметова Нурбала Исмаиловнаның мектептегі еңбегі ерекше.

Нұрбала ұстаздық жолын 1988 жылы Алматы қаласындағы Қазақ Мемлекеттік Университетін бітіріп келіп жоғарыда аталған мектептен бастады. Сол жылдар аралығында көптеген шәкірттер тәрбилеп мектеп ұжымы үшін де үлкен жетістіктер мен жеңістер алып келді. «Ұрпағы білімді халықтың болашағы бұлыңғыр болмайды» дегендей, ұстаз тәрбиелеген Айтпенов Бекназар, Өмірбекова Гүлмира, Төлеуов Қанат, Жолдасов Нұрлан, Әсілбеков Бақытжан, Көбекова Бақтыгүл, Жанзақова Меруерт, Қорғанбеков Олжас т.б оқушылары еліміздің түкпір түкпірінде әр салада еңбек етіп, еліміз болашағына өз үлестерін қосуда. Ұстаз тәрбиелеген оқушылар аудандық, облыстық пән олимпадаларының жүлдегерлері атанды.

«Ісіңізге, еңбегіңізге, оқуыңызға нағыз адамгершілікпен кіріссеңіз, сөз жоқ, жеңіске жетесіз» деген екен ғалым Қаныш Сәтбаев. Өйткені ең алдымен өз кәсібіңе, өз пәніңе деген зор сүйіспеншілік болғаны абзал. Осынау сүйіспеншілік оқушы бойындағы білімге, пәнге деген алғашқы құштарлығын түртіп оятады. Ал осы шәкірт бойында оянған білім құштарлығы енді тұтанған шырақ секілді. Ең қиыны —…